· Baba Vəziroğlu · "Səni sənə bağışladım"
Olan -oldu keçdi deyib,
Səni yenə bagışladım.
Sevdim səni bircə kərə,
Dönə-dönə bağışladım.
Bağışladım səni yenə,
Bağışladım dönə-dönə.
Tanrı səni verən günə,
Sevən günə bağışladım.
Səninlə bir keçdiyimiz,
Dilləndi hər cığır,hər iz.
Bir yerdə and içdiyimiz,
Aya-günə bağışladım.
Doğma əziz bir küçəyə,
Sənsiz ötən hər gecəyə.
Boynu bükük bir çiçəyə,
Solan günə bağışladım.
Bu dünyada onu bilki,
Sən eşqimin sonu,ilki.
Səndən başqa kimim varki ?
Səni sənə bağışladım,
Səni yenə bağışladım.
Videonun müəllif hüquqları qorunur ©
İcazəsi götürməyin, logonu silməyin.
#Şair #Şeir #BabaVəziroğlu #Poeziya #Edebiyyat #Şeirlər #BabaVeziroğlu #Kitab #Yazar #Yazıçı #Sözlər #BirazPoeziya