Рет қаралды 360
Қазақта ежелден жерін жаудан, елін езгіден, қызын күңдіктен, ұлын құлдықтан қорғаған батырлар көп болған. Олардың күрес жолдары мен ерен ерліктерінің бәрі Тәуелсіздік, елі-жері үшін болғаны анық.Осы жолда көптеген ер азаматтарымыз өмірлерін ат үстінде өткізіп, өз жандарын құрбан етті. Ел тағдырын бәрінен биік қойған, ұлттың тұтастығын, жерінің бүтіндігін мұрат еткен қазақ батырларының бірі Тілеуке Төбетұлы. Тілеуке батыр 1694 жылы қазіргі ТҮРКІСТАН обл., Бәйдібек ауд. Қостұрадан бастау алатын Бөген өзенінің бойында дүниеге келген.Тілеуке батыр тарихи деректерде Тілеуке, Тілеулі және Қарабатыр деп атанып кеткен. Даңқты тұлға алып денелі, қараторы, келбеті сұсты және қаһарлы көрінуіне байланысты «Қарабатыр» есіміне ие болған. Батыр өмір сүрген жылдары жаугершілік заман болып 16 жасында Қаратау етегіндегі Бөгенсайдың қалың қамысында үлкен жолбарысты жалаң қолмен жайратып салған.Осыдан кейін «Аңырақай», «Бұланты» шайқастарына қатысып Жоңғарды оңт. жерінен түре қуғанда ерекше көзге түскен.Бүгінде батырдың туғанына 330 жыл толып отыр. Ерлігі ел есінде мәңгі сақталатын тұлғаның құрметіне Батыр бабалардың Отан қорғаудағы ерліктері: Тарих және тағылым атты республикалық ғылыми танымдық конференция өтті. Жиналған жұрт тарихқа терең бойлап, батыр жайлы тұжырыммды ақпараттармен бөлісті.