Шырқ айналар шіркін тауық, Жемің болса қолында, Қайдағысы сені тауып, Топырлайды жолында. Досыңмын деп ант береді, Жем іздеген жанама. Жем таусылса жалт береді, Сенерлік дос, санама. Нағыз достар, бір-ақ қалып. Шыңдап берік сүйіскен. Бір-біріне сыр ақтарып, Сыр түйінін түйіскен. Әр адамның ішкі сыры, Берік қойма сақталған. Сол қойманың бір түкпірін, Достың досы-ақ ақтарған. Кейде ашуға сол түкпірді, Іздейді жан жақынын. Шертеді жан сырлы жырды, Сырлас жанын шақырып. Тыныс керек кейде жанға, Кейде жанға ән керек. Күй шертуге анда-санда, Сырласарлық жан керек. Ішкі сырды мысал етіп, Біраз ғана жырлайын. Суреттеуге тауға кетіп, Суретті ептеп сырлайын. Сарыарқаның бір тауы бар - Бір тауы бар сымбатты. - Сол таудан сен сыр тауып ал, Сыр тауып ал, қымбаттым. Қалың зеңгер, құзды шаттар, Құзды шаттар қалың ну, Сарқырайды мұз бұлақтар, Мұз бұлақтар у да шу. Нуда бір шың тіп-тік сұңғақ. Тіп-тік сұңғақ бір биік. Шың суретті бейне жұмбақ, Тұрғандай көп сыр жиып. Шынды айналған кұзды шаттар, Құзды шаттар ақкан су, Сылдырайды мұз бұлақтар, Мұз бұлақтар у да шу. Сөзім мысал, достым, тыңда, Тыңда, достым, ойлап ал. Түрлі сыр бар сол бір шыңда, Сол бір шыңда қойма бар. Қойма шыңның нақ басында, Нақ басында кақпасы. Алтын жазу кақ басында, Қақпаның тас тақтасы. Сол қоймада қымбат жасау, Қымбат жасау сақталған. Текшелеген сымдап жасап, Сымдап жасап қақталған. Бір сандық бар емес түрде, Емес түрде көрнекті. Бір түкпірде беті перде, Беті перде өрнекті. Бір сандық бар, ол сандықта, Ол сандықта бір сандық. Сырдың кілті қол сандықта, Қол сандықта сыр сандық. Сандық іші қызыл-жасыл, Жасыл жібек перделі. Толған қымбат сақтаулы асыл. Асыл сым бар пернелі. Сұлу жанды сұлу сүйген, Сұлу сүйген сыршылым. Жібек талдап түйін түйген, Түйін түйген, түршілім. Сыр сандықты ашып қара, Ашып қара, сырласым. Сым пернені басып қара, Басып қара жырласын! Сұлу сымда перне әуені, Перне әуені жыр айтар. Көніл ашар тербеу әні, Тербеу әні сыр айтар. Шыққанбыз дос, шыңға талай, Талай сырды ойланып, Ақтарарлық алтын сарай, Алтын сарай қойманы.

Яяя күшті🎉🎉

Тамаша екен. Жазуларды қандай программамен жасайсыз. Өтініш айтып жіберіңізші🙏🙏🙏

_Сәкен Сейфуллин_ *"Сыр сандық"* Досыңмын деп aнт береді, Жем іздеген жаныма. Жем таусылса жалт береді, Сенерлік дос, санама. Нағыз достар, бір-ақ, қалып. Шыңдап берік сүйіскен. Бір-біріне сыр ақтарып, Сыр түйінін түйіскен. Әр адамның ішкі сыры, Берік қойма сақталаған. Сол қойманың бір түкпірін, Достың досы-ақ ақтарған. Кейде ашуға сол түкпірді, іздейді жан жақынын. Шертеді жан сырлы жырды, Сырлас жанын шақырып. Тыныс керек кейде жанға, Кейде жанға ән керек. Күй шертуге анда-санда, Сырласарлық жан керек. Ішкі сырды мысал етіп, Біраз ғана жырлайын, Суреттеуге тауға кетіп, Суретті ептеп сырлайын. Сарыарқаның бір тауы бар - Бір тауы бар сымбатты. - Сол таудан сен сыр тауып ал, Сыр тауып ал, қымбаттым. Нуда бір шың тіп-тік сұңғақ. Тіп-тік сұңғақ бір биік. Шын суретті бейне жұмбақ, Тұрғандай көп сыр жиып. Шыңды айналған құзды шаттар, Құзды шаттар аққан су, Сылдырайды мұз бұлақтар, Мұз бұлақтар у да шу. Сөзім мысал, достым, тыңда. Тыңда, достым, ойлап ал. Түрлі сыр бар, сол бір шыңда, Сол бір шыңда қойма бар. Қойма шыңның нақ басында, Нақ басында қақпасы. Алтын жазу қақ басында, Қақпаның тас тақтасы. Сол қоймада қымбат жасау, Қымбат жасау сақталған. Текшелеген сымдап жасап, Сымдап жасап қақталған. Бір сандық бар емес түрде, Емес түрде көрнекті. Бір түкпірде беті перде, Беті перде өрнекті. Бір сандық бар, ол сандықта, Ол сандықта бір сандық. Сырдың кілті қол сандықта. Қол сандықта сыр сандық. Сұлу жанды сұлу сүйген, Сұлу сүйген сыршылым. Жібек талдап түйін түйген, Түйін түйген түршілім. Сыр сандықты ашып қара, Ашып қара сырласым. Сым пернені басып қара, Басып қара жырласын! Сұлу сымда перне әуені, Перне әуені жыр айтар. Көңіл ашар тербеу әні, Тербеу әні сыр айтар. Шыққанбыз дос, шыңға талай, Талай сырды ойланып, Ақтарарлық алтын сарай Алтын сарай қойманы.

Шіркін Сакен Сейфуллиннің өлеңдерін тыңдағанда,еріксізден тамсанасың мынадай сөз маржанын қайдан терген деп.

Автор бұл Сыр Сандықта Сәкен Сейфуллин не меңзейді яғни негізгі идеясы неде? Сыр айтатын адал дос болмаған соң сол сандыққа сырын айтқаннан сыр сандық аталып кеткенба?

автор өлеңді неге сыр сандық деп атаған?