سلام صفاء والله هذه الضاهرة عمت جيع الناس حتى العيلات صراو فيهم طلاق بين سلافات سجلو للبعضياتهم وفي الاخر طلقت وحدة فيهم بعد شهرين ؟😮😮❤

🤔ابسط حل لصاحبة القصة انك تستدرجيها تقوليلها راني نجمع لك فالدراهم وسجليها وهي تعترف وتبتز فيك ولما تروح لببتها عيطيلها فالهاتف وسمعيها واش عترفت وقوليلها نديهم لشرطة ونقوللهم راكي تبتزي فيا وراح يسجنوك داويها بالتي هي الداء

آنا عندي 15 سنه منعرفش حتى جارةنهار تزوجت قالي راجلي اخطيك من الجران راني هانيا اخطيكم من الخلطات

شوفي ياختي قانونيا هي لي رايحة تخلصها لان القانون يمنع منعا باتا تسجيل شخص دون اذنه...يعني القانون رايح يتهمها هي ثبتوا تعليقي باش تشوفها

نقولك روحي عند الشرطة قوليلهم راه مسجلتني وتهددني وانت روحي طلب سماح أو ماتزيديش تهدري في الناس

تروح عند البنت اتخبرها واتطلب منها السماح واتخلي التجارة تكل التسجيل وانت ربي يهديك واتكني عبرة لمن يعتبر

ولا روحي للطفلة هادي اللي راح تتزوج و صارحيها بكلش و اطلبي منها السماح و لبغا سلميلها عيديها قوليلها غلطت .... كي هي تسامحك و تعرف من عندك لوخرا تدي التسجيل تاعها تبخر بيه

الخلطة تدي والجرب يعدي،،،، سكنتي في افريل داصرتي الجيران،،، انا عندي 7سنوات ملي رحلت لا جارة. لا صديقة. والو والو،،،، لازمك. تشتكي بيها

كي نكرهي وتضايقي افتحي المصحف فيه راحة نفسية وأجر .🙈🙉🙊

اختي.صفية.بابا.توفى.عندو.12يوم.راح.نهبل.ادعيلووالمتتبعاتبالرحمة.ولينا.بالصبر.علما.هو.بابانا.خونا.منا..نعععععععم.الاب.

يا اختي صاحبة للقصة اشتكي بيها باش تتربي متعطيهاش للدراهم هادي تكون خلاطة وجبدي روحك من كل للجارات وتقربي من الله وقومي الليل ركعتين ربي يتبثك

اللهم اجعل كتابي في عليين وامسك لساني عن العالمين

يا ودي قبضوا دياركم واش هذا الطبايع نتاع تدخلوا للديار ويدخلوا عندكم ماكانش الحرمة ؟ و تعبيوا الا الذنوب والمشاكل. ليخرج من داروا يتقل مقداروا الحل هو روحي اطلبي السماح واستغفري ربي

اللهم ارزقنا الثبات وحسن الصلاة وخاتمة حسنة🌷🌷🌷🌷👉

لا حول ولا قوة الا بالله 🤲🏼 اكثري الحوقلة معجزة في تفريج الهم والكرب بالمئات بل بالاف المرات في اليوم وسترين العجب ولا تنسي التوبة الى الله من الغيبة قبل كل شيء وربي يغفرلك خير الخطائين التوابين

يا أختي راكي تقدري تسجنيها قبل ماتديرلك حاجة، راهي سجلتك بغير علم منك، مباشرة للشرطة ماتستنايش راكي تجيبي الحق عليها، أحكي لراجلك وطيري مباشرة للشرطة، بصح ربي يغفرلك هذا جزاء الغيبة فالناس واش داك للطفلة غير توبي واستغفري واجري على روحك مع ربي سبحانه وتعالى

سلام اختي نصيحتي لكي توبي الى الله توبة نصوحة و صلي ركعتين و ادعي ثم روحي عند نفس المراة الي هدرتي فيها و طلبي منها السماح أما الجارة النمامة قطعي صلنك معها و تقربي إلى الله و هكذا تملءين فراغكي عوض النميمة في الجيران

ادعو الله يشفي زوجي ويرزقني معه ذرية صالحة إن شاء الله يارب دعوة لقريب مستجابة

شوفي ختي ماتخافي من جارتك مالو وإذا كترت عليك أخبري راجلك واتجهو للمصالح الأمنية يتاخذو الاجراءات ومتنسايش تروحي تطلبي السماح من الجارة لي هدرتي فيها وتوبي توبة نصوحة

قولي لزوجك وهديها انت انك تخبري الشرطة لأن القانون لا يسمح بالتسجيل للغير وردي عليها الحيلة ومتبينيلهاش انك خايفا واصلا معندها ماديرلك وهذي توصي للجايا احكمي دارك واحكمي فمك

يا ختي انا راني متغربة في اروبا و خاطيني جمايع تاع النسا عندي غير ثلاث صحابات وقليل وين نهدر معاهم في الموبيل ما يجو عندي ما نروح عندهم ولا نخرج برا مع ولادي نقلع الوحش نتاع دارنا،،، المهم الحل أولا هدري مع راجلك و قوليله كلشي و ثانيا روحي مع أمك ولا أختك عند هاذ العائلة و خبيرهم شادرتي و بلي المرا راهي تهدك و طلبي منهم السماح

روحي لابوليس واحكيلهم على التسجيل ولا نقولك روحي لجدارمية خير يهزوها من وذنيها

اتصلي بالشرطة ، لان القانون يمنع تسجيل شخص دون اذنه و زد على ذلك التهديد ممنوع حاولي ان تحتفضي لها برسالة وهي تهددك ، ستسجن و تدفع غرامة مالية.

أولا خبري زوجك وروحي معاه للشرطة باش تتربى مليح وانت هذا درس في حياتك

خاوتي ليحكم دارو خير الدسارة جيب الخسارة انا كذالك عندي حكايات مع الجيران حسبي الله ونعمة الوكيل فيهم

صفية نشكرك بزاف لأنك راكي توعينا باش مانوقعوش في نفس الغلط الله يجعلها في ميزان حسناتك

شوفي عيطيلها وجيب خواتاتك الزوج وخبيهم في دار وقوليلها ارواحي تدي دراهم كي تدخل كتفوها وحلي تليفون ومحي التسجيل وطلقيها وقوليلها نعاود نشوفك عندي نقتلك ولا زاد الخطة ب عيطيلها قوليلها ارواحي نستحقك وكي تجيك فتحي تلفونك على تسجيل وقوليلها واش يضمن انك رح تمسحي تسجيلات وكي تهضر وخليها تهضر قدر ماتقدري وروحي لشرطة وبلغي عليها وقو راهي تبتزني بتسجليلات ووخلي الشرطة تتصرف معاها لانو مخالف للقانون والله يجيب لخير

قوليلها انا ثاني زوجي داير كاميرات فالبيت و راني مسجلة من نهار لي جيتي عندي تمحي تجبد انا ثاني هدديها. مفهمتش علاه لي تكون خاوية في بيتها مع اولادها و زوجها تروح تخرب دارها روحها. ان شاء الله تفوت على خير.

يااختي هذه نصيحة من عندي جميع واحد يجيبلك الهدرة راهو في نفس الوقت يدي من عندك الهدرة لناس اخرين .ناس بكري قالك ما تخالط روحك للزبالة اعزكم الله ما ينقبك الدجاج..و الحديث قياس.رب يفرج عليك.

قولي لراجلك وزيدي خبري شرطة هاذا هو الحل الوحيد وربي ان شاء الله يسهلهالك

الدسارة جيب لخسارة اصلا ممنوع تسجيل اي شخص فالهاتف الان عليك ان تبلغي بها عند الشرطة

مع بديت نسمع درت جام هههه تستاهلى الاخت قصص واقعية راءعة

ران في واحد لغبين وضيق ادعولنا ❤ صفصوف ران نحبك أدعلي نتي ومتبعين انا من متابعينك أوفياء

انا لكان مدرتلكش هذا الشنتاج انت مكنتيش رايحة تفيقي لعمرك كي تقطعي فلوليات راهم عندك لبنات .حسبيا الله و نعمة الوكيل في كل نمام.

أختي أستغفرك الله تعالى وطلب من الله تعالى أن يخرجك من هذا الفعل المشين وتوبي توبة نصوحة

شفتي المداصرا وين توصل والغتبة كيما سجلات لك سجليلها ولا روحي شتكي بيها ولا تغداي بيها قبل ماتتعشا بيه روحي طلبي منهم السماح وخبريهم الحقيقة وخليها تحضن عليه التسجيل

تستاهلي يالباوية حسبتي رمي المحصنات ساهل سلكي درك لازم تطلبي السماح من الطفلة وأهلها ربي يغفرلك

الخلطة تدي لهلاك في الوقت هذا لازم واحد يحكم فمو ويحكم كراع وسورتو لعباد النمامات لازم يبعد عليهم الواحد وربي يهدي ما خلق ويهدينا

شوفي اختي اشري هدية ورحي لي هدرتي فيها قوليلها راني غلطت وهدرت فيك شيطان غوني سمحيني ورحي للشرطة اشتكي بيها

معندك حتى حل غير أنك تخليها تأمن بلي نتي خايفة و راكي تلمي ف دراهم مبعد روحي أشكي بيها بلي رهي تبتزك و سجلليلها صوتها بسكو الإبتزاز جريمة يعاقب عيها للقانون و إذا قدرتي روحي ل عائلة الطفلة و فتحي الموضوع أسبقيها ليهم و طلبي سماح منهم شوفي قاع نغلطو مشي و قت تلومي نفسك لازم تخرجي ب أقل الأضرار هذي المرأة مستحييل تتعاطف معاك لازم تجيبي دليل بلي تبتزك وصح كون تمديليها دراهم معندكش ضمان بلي مش رح تدي دراهم و دور عليك

18 سنة زواج عمري ما داسرت جارة صباح الخير و مساء الخير. هذا واش بيني و بين جيراني . و صاحبة القصة احكمي دارك احكمي دارك.

انا في ىاي تروح عند الطفلة ياك مضاري تطلب اسماح تسبق قبلها وتحكيلها كلش وتقولهم جات وسجلتني وىاهي تهدد فيا وتبكي وتشكي وتدعي ربي يغفرلها وايكون معاها

الحمد الله عندي 5سنين ساكنة ومنعرف حتى جارة نعزي غي فموت

شكرا ليك قصة فيها عبرة

هاد النوع خاصها واحدة وجهها قاسح لازملها واحدة كيفها تربيها في الخفاء باش ماتزيدش تعاود تخمم تعادي الناس بالوسواس هادي شيطانة والجورة حداها بالحدود اعود بالله من الشيطان الرجيم.ربي يعينها صاحبة الحكاية احلى جام صفصف ❤

انا كنت فيا هذي العادة لكن الحمد لله رب العالمين قطعت هذي العادة حتى لي كنت معاهم تخلعو كيفاش جبدت عليهم نهائيا والحمد لله

Elle donne rien elle dépose une plainte chez la police❤

هذي القباحة و الظلم واين يوصل،أسبقيها و روحي عند الجارة لهدرتي فيها و اشرحيلها كيما شرحتيلنا، الصدق ينجي و هذي انشاء الله فرصة للتوبة

جيبي عايلتك واجيبيها هي وديري قهوة واجبدي الموضوع وسجليها وقولي لها اصبري حتى نوجدلك الدراهم وسجليهاكما سجلاتك وحاوليي كيفاش تنحيلها التيليفون وامحي الهدرة انتاعك

روحي لطفلة وامها احكيلهم وطلبي السماح قولهم حظرت هي وكي حكيت انا سجلتني ولات تهدد فيا نعطيها الدراهم

كيما قالولك اشكي عند الشرطة و اطلعي عند جيرانك لي اكلتي لحمهم ما يغفرلكش ربي الا اذا طلبتي منهم السماح و سمحولك هوما

اخواتي طلبو لي ربي و زيدو كثرو الدعاء راني باغية ربي يسهل لي ونكمل البناء تع سكنتي راني مغبونة و في وضع محرج في حوش الورثة، باغية نكلاطي من الهموم، ادعو ربي يسهل لي في اقرب الاجال ندخل سكنتي، و يقضي عني اادين، يا رب ،و الله يفرحكم ،،

لازم تشتكي بيها لأنها سجلاتك بدون إذنك و هذه جريمة يعاقب عليها القانون

الله يفرج، انا نسكن في العمارة ، خاطيني قاع الجوارين ، غير كاش جنازة.

زواج الفافيلا ماشي أفار قليل وين يصدق💔

ما اكثر امثال هؤلاء ربي يهدينا ويصلحنا

والله عندك الحق أختي صفية كلامك صح ✅

أرواحي نڨولك حاجة ڨوليلها روحي ديري لي تبغيه ويلا بغيتي تهدري هدري و فهميها أنو القانون يحاسب اي إنسان يصور ولا يسجل بدون إذن وديها من عندي واللّه ولا دير حاجة وهاد العفسة راهي بزاف تاع خيانة المجالس حرزو رواحكم راهم يسجلو الهدرة فى كل بلاصة واللّه يلا نعرف وحدا فيها هاد العفسة وزيد ترسل بنتها صغيرة تسجل فى وسط النساء و شدوها متلبسة تسجل فيهم هادي وين نسكن أنا

ختي انا متتبعة قديمة ربي يحفضلك ولادك ان شاءالله تشوفيهم في أحسن المراتب محتوى تاعك نضيف وتوعية وندو منهم عبرة ونتعلمو بزاف حوايج ختي عندي قصة حبيت تحكيها في قناتك انا ضحية حبيت نصيحة في أقرب وقت لان نصائحك دائما تساعد كيف اتواصل معك مع العلم عندي غير ليوتيوب ومشكورة

سلام عليكم ورحمة الله وبركاته اختكي في الله قوليلها تروح تشكي بيها لشرطة القانون لا يسمح بي تسجيل الناس أو متعطيلها حتى دورو

ربي يخليك صفصوفتي

روحي لهاذي طفلة وحكيلها واش هدرتي ڨاع و طلبي سماح منها ڨوليلها في وجه هاذو ملائكة تسامحك بلى راجلك راح يطلقك علا خاطر راكي موالفا تمنشري و تطلبي سماح

ربي معاك أختي ربي يفرج عليك

سلام عليكم يا أختي. هذا الوقت كل وحدا منا تقعد في بياته وتقعد مع الجيران وخير عنده وشره عنده. وتربى والاده وتقوم برجلاه... وحد مباق الوحد. وتشدنسلاه وتصلاى صلاته الموت مهش بيعد ربي يصلح الحال

صاحبة القصة أولا توبي لربي و اقطعي هذي العادة الذميمة ثانيا ديما لي يهدد راه أصلا هو شخصية ضعيفة و خوافة تسما بعد ما توبي ربي راح يسترك .لا ترضخي للتهديد ثالثا المادة 303 من قانون حماية حقوق المواطن تقول بلي ماعندهاش الحق تسجلك بدون اذن منك يعني هنا انتي تقدري تشكي بيها و أصلا دوك مع تكنولوجيا اي واحد يقدر يبدل و يفبرك تسجيل . تسما قوليلها راح نشكي بيك لتسجيل بدون اذن اي انتهاك حقوقي و خصوصياتي يعني عقوبة تصل الي ثلاثين مليون تعويض و ثلاث سنوات حبس و أخيرا هذا درس تعلمي منو. و أصلا جارتك مش كاتبتلها الزواجة هذي لكن انتي ايضا درس بعثهولك ربي ربي يسترك

انا نصيحتي روحي للفرملية وحكيلها الي صرا تطلبي منها السماح وتقول الجارة شلي التسجيل وشربي ماه،هاذ هو الحل السليم.

لازم هدي الااخت درتها خط وجبها الدار وسجلها كماسجلتها لازم تكون دكية اوتبدا تهدر معها على وكنت تلقاها وتلقاها وشقلتي في لانو او درس قيام اليل ستغفر الله وندمي على الفعل

لقالولها اعمليليها فيلم و سجليها متنسوش بلي ماكانش حتى سر بيناتهم ربما راهي تبع في قناة صفية و تسمع في كل نصائحكم ليها حيث الاخت راهي قالتلها على القناة. اذا الحل الوحيد روحي مع الوالدة و اخواتك للفرملية و امها و اطلبوا السماح كل انسان يغلط و ربي يتوب عليك و لا صارحي راجلك امام عائلتك و روحي لشرطة ولا تستسلمي لاستفزازات الجارة .

سلام صفية لصاحبة القصة معندها مديرلك غيل بلعاني راها ادير هكا خليها نسيها دوك وحدها تنسا ولا قوليلها نتي تاني هدرتي وعندي الشهود وخوفيها وربي معاك والله يسلكك منها الخبيثة

روحي عند لابوليس قلها هاذي راه مهددتني وباغيتني نعطيها دراهم وتطلبي سماح من جارة و متكونيش خوافة كي تشوفك خفتي داك وين تزيدي تتغدى على خوفك تاعك

اختي ملقيتي مديري شدي المصحف يحيد عليك اديق ربي يحفضك مشاء الله عليك

الله يهدي ما خلق ربي سبحانو كي قال النميمة والغيبة حرام ومن الكبائر التي لا تغتفر ان شاء الله تدو العبرة ماشي الجارة لي منشارة أنتي والجارة دايرين كيفكيف

شوفي راكي موالفة بالحليف والناس يقابلوكم تسمى وجهك صحيح أملا هذي الخطرة قصحي قلبك وقوليلها روحي قوليلهم وانا كنت نكذب ونقول راجلي قالي لخاطر كنت زعفانة منها مين تكبرت عليا لازم متبينيش الخوف إذا خفتي رحتي فيها ليوم تقولك دراهم مرة أخرى تديلك راجلك ولاتديك لطريق الحرام أنت هدرتي أتحملي المسؤلية قولي قلت في لحظة غضب وأطلبي السماح وانت خليها تدخل دارك وقولي دخلت تبتزني الهدري الحقيقة تسلكي انا لوكان جيت في مكانك ندير هاك ربي إبتلاني بسلفة طلقتني بالكذب والتبلعيط ربي وكيلها بصح قررت ردلها الضربة

انا عندي اعوام زواج ومانعرفش جاراتي ولا واحدة مع العلم نافذة نتاعي كي نفتحها في حوش الجارة وعمري ماشفتها ولا تكلمت معاها

Allah yberek fik top du top bne continuation ❤❤❤❤❤

العقول العظيمة تناقش الافكار،والمتوسطة تناقش الأحداث والضعيفة تناقش ما دون ذلك.

بارك الله فيك

أختي أنصحك أن تقومي بتسجيلها وقولي لها بأن تهديد يعتبر جريمة وسوف تقدمي هذا التهديد المسجل للشرطة وقومي أنت بتخويفها لكي تقوم بمحو السجل

ربي يعيشك صفية نحبك بزاف ام اية دعي مع رجلي ربي يفرج عليه

برافو هدا هو الحل يعطيك الصحة ربي يحلها في وجهك

روحي عند الشرطة وفي الكوميسارية عيطيلها وقوليلها ماما راني باعت الذهب وراني جايبتلك الدراهم ويحكموها تلبس

لا حول ولا قوة الا بالله العلي العظيم، عمرك تهدري،في الناس،وتقذفي فيهم،ديجا والله قلة ثقافة ،قلة وعي،كي تشوفي روحك مغمومة،روحي اقرأي قرآن،صلي ،طيبي و لا اقضي الشغل،هزي كتاب اقرأي تثقفي،ما نكذبش عليك اختي،ممكن انتي دايرة كيما هكدا،مادام انتي درتي معاها كامل هاد المشاكل كامل حتى انتي تحبي الغيبة والنميمة،لأنك انتي كون غلطتي و هدرتي،من الاول،كنتي فم تفيقي مع روحك و تجبدي روحك،ضميرك يأنبك لأنك ماكيش موالفة تقذفي في الناس،بصح ملي بقيتي كل يوم تمنشري في الناس مع جارتك و تقذفي فيهم ،يعني انتي هدا طبعك،ماشي المشكل غير في الجارة لي راهي تهدد فيك،المشكل راهو فيك اختي توبي إلى الله،واتعلمي تحكمي لسانك،كوني امراة واعية ،مثقفة،كوني متربية وذات خلق،اعطي لروحك قيمة كبيرة و عرفي شكون تخالطي،لأنك ما عرفتيش شكون تخالطي،قالك قولي شكون صاحبك نقولك اشكون انت،هي ماعندها ما ديرلك ،صارحي راجلك و صلحي من نفسك،لأنوا هدا المشكل رايح ينزل من قيمتك في عين راجلك،خاصة لا كان هو ما يحبش هاد الامور من المشاكل و القذف،ربي يرفع عليك هاد لغبينة،وينور دربك ،و ماتزيديش تقذفي في الناس ،عودي نفسك كيمن هكدا ،niveau bas ، انك تهدري و تجمعي عالناس،طلعي من شانك و شان راجلك،و ربي يجيبلك الخير،

حمبوك شيرات نصحوني انا راجلي كل ماتجي عدنا بنات عمته ضياف ولاخالته عزبات ومتزوجات يجمع معاهم انا قوتله راني ندرونجا انا منبغيش راجل يجمع مع نسا يشنف مني وندبز معاه ومقيمنيش ويروح جمع عادي حمبوك شيرات نصحوني شا ندير معاه

مافهمتش علاه تدخل للحبس لوكان ماتمدلهاش الدراهم! تحسن شيئ تقوم بيه هو ان تفضح نفسها قبل ما تفضحها، تطلب السماح من الطفلة و عائلتها ،وتخبر زوجها في سرية بلا ما تسمع جارة السوء و تسبقها في فضحها

واعرة هذي القصة ادعي ربي بزاف دعاء الكرب

صباح الخير صفية راني في دارنا توحشتك نتي وقصصك راني في شحال ما تفرجتهمش .راني أجهضت صفية .حملت وأجهضت

نتمنى النصائح لتقدميهم اعتمدي على الشرع نحن مسلمون ونخير كيفاه الناس مانخافش من ربي

تروح الشرطة الاكترونية هيا اللي مختصة في هذه الامور

شكي بيها و روحي عند الجوارين و طلبي السماح و خبري راجلك و ما تبينيلهاش بلي راكي خايفة منها تزيد تاكلك

روحي اشكي للشرطة و قوليلهم نتعرض للابتزاز من طرف فلانة و التسجيل صوتي سجلتو بلا علمي و قولي بلي ميقولوش لراجلك ...

عيطيلها وخليها تعاود تهددك وسجليها واسكتي بيها للشرطة

روحي عند بنت وطلبي سماح وبكيلها وفكري مليح عندك بنات

اختي لازم تبلغي شرطة وتقليلهم راهي تهدد فيا شرطة تديلك حقك

اسمحلنا ياااربي اسمحولنا يالوالدين👐👐👐

سلام صفية ختي قوليلها ااشكي بيها ماعندهش حق تسجلها وتهديد يدور عليها وماتبينلهاش بلي خايفة منها تستغلها

روحي لشرطة الاكترونية ضرك ينحيولها البورطابل وينحيولها التسجيل وتتم العملية في سرية باه ما تتفضحيش

روحي عند البنت واحكيلها كلش وقوليلها أنا غلطت بصح هديك الجارة سجلت هدرتي وراهي ناويتلك الشر

اكبر غلطة كون تمديلها الدراهم روحي بلغي عليها الشرطة تهمة الابتزاز وخليها تتبهدل

ماكان حتى حاجة تخوف هدرت وفرات خبري راجلك وخبري جارتك وطلبي سماح منها وقولها هي ستدرجتني وخليها تنطح راسها ماتصحيش غلطة بغلطة اكبر ماتخبيش على راجلك خبريه واكيد راح يتفهم شي

ونزيد نقاط احمدي ربي الي متهمتكش. بحاجة اخرا اخطر هدي متخفش ربي بصح الفم المزموم ميدخلو ذبان والانسان تطيح فشر اعملو كيما دري اجيك ولي دارو مسجاج ميرميش لحجر على بيلوت الناس ولكن لو كان جيتى تحكي مليح انني عندك بنات ربي معاك