والله والله والله غير شبعت دمعة في هذي الحلقة راني في سبع سنين وانا نستنى ربي يكرمني .يا رب با تذرني فردا وانت خير الوارثين

لي يخدمو في قسم الولادة 90بالمية مايسواوش لا رحمة لا قلب انا نطلب ينحوهم كامل و يجيبو الناس لي تحب تخدم الخدمة عزيزة و الانسان اعز

انا رخت للسبيطار لكبير بحمل خارج الرحم نحاول فيهم يحكموني ماحبوش رحت برسالة مستعجلة عييت نحاول فيهم حتى انفجرت لي قناة فالوب و فقدت المبيض 😢😢 حسبي الله ونعم الوكيل راني من 2017. وانا نحري باه نحمل وماحملتش حسبي الله ونعم الوكيل الف مرة

المحامية مرا ونص ونستعرف بيها تبرد القلب مشاء الله ربي يكثر من امثالها ❤❤❤❤❤❤

الف تحية ورفع القبعة للمحامية الحرة كلمة حق تشهد لك يوم القيامة

عندي تجربة اجهاض وربي عوضني الحمدلله وانا حامل ببنت ادعولي تجي سليمة ومعافاة من اي تشويه او مرض ودعولي ان شاء الله نسلك بخير انا وبنتي ونفرح بيها ونشوفها في أعلى المراتب وربي يرزق كل مشتاق ياااارب

يا اخي لازم تكون قوي ودافع على هذا الطفل لأنه سيعيش معك حياة كاملة واجه اي شخص بصرامة حتى لايضيع مستقبله لأنك اليوم والده ليس لديه غيرك

ربي يرحمها كانت صحبتي نعما الناس نهار سمعت تشوكيت أسيا حبيبتي ربي يرحمك وتكوني من أهل الجنة

السواد سواد القلب وليس البشرة ربي يصلحو ويجعله صالح لك ولنفسه، تحية كبيرة للمحامية تبرد القلب كلش واش قالت صح هكذا صرالنا مع أمي ربي يرحمها كلش بالمعريفة حسبنا الله ونعم الوكيل في كل ظالم

واش بكيت على الاخ زوهير ، انا تاني لم ارزق باطفال بصح ربي يعلم دعيتلك ربي يرزقك اكثر ما دعيت لنفسي ربي يرزقك عجلا غير اجلا

ديت وليدي في عمروا يومين بين حياة و موت قالولي أجري دخلوا لمصلحة مختصة بديت نعيط لطبيب خرجتلي فرملية والله بكيتمان و تيلفون في يدها قتلي وين زادم قلتلها وليدي راح يموت قاتلي استنا برا بديت نعيط معها حتى جات طبيبة.وشدت طفل.و أمر في امر فرمليا عيطت لشرطة جاوا ليا قتلوا نطلعوا ادا ملقيتاش تكونكتي اديني بفعل لقينها.تكونكتي .حمد الله وليدي سلك باعجوبة.نشكر اطباء و فرمليات مشي كامل نقولهم حسبنا الله و نعم وكيل

سعداتك خويا زهير بالدنيا والاخرة .هذا يتيم ويجي معاه الخير الكبيروالحب نتاعه رباني يختلف عن الابن من الصلب.أما كلام الناس لا تكترث له.ولا تفسد فرحتكما.أبشر بالجنةبأذن الله.

المحامية بردتلي قلبي هدرتها كل صح وحقيقة نعيشو فيها

حسبي الله و نعم الوكيل فالممرضات و الأطباء لي ماهمش مسؤولين و لي قتلو نساء بزاااااف ان شاء الله يتحاسبو فالدنيا قبل الآخرة

دعواتكم 😢انا عندي 6سنين بدون اطفال نار 🔥 تحرق في قلبي لاحول ولاقوة الا الله

السلام عليكم. ام سيدرة صديقة غالية على قلبي درست معي في الجامعة اذا رأت تعليقي دير جام لنتواصل والله لحمي شوك لما شفتها.

ياربي وشحال صعيبة شكرا لتلفازة الجزاىري على هذا البرنامح مغربية معجبة بهذ لبرنامج❤

العالم يتطور للامام وبلادنا الجزائر ترجع للوراء للاسف😢😢😢😢

انا نحير فهاذوا لي يتنمروا على ذوي لبشرة سوداء وكان نصيب نكلاشيهم كامل ونتهنا منهم ومن تنمر تاعهم😠😠 يا متنمر هاذوا عباد ربي خلقهم ومادام خلقهم هم احب ناس اليه وجمال جمال روح كلنا سواسية ربي يهدي ماخلق

اللهم شافي نورسان وعافها وانبتها نباتا حسنا واجعلها من الصالحات النقيات

شكرا أخي يوسف على تسليطك الضوء على قطاع الصحة وبالأخص قسم الأمومة كارثة شكرا على الشفافية واصل أخي

والله غير رجعت لي وجعي يا ريتني كنت معاهم نحكي حكايتي حتى انا ضحية خطأ طبي و استاصال رحمي ربي يتولاهم

المحامية قلبها معمر من الصبيطارات كامل واش قلتي عندك الحق و راني معاك 😢

الاخ لي تبنى الطفل بارك الله فيك الله يجعل عملك سبب دخولك الجنة والله يجعلو ابن صالح ابن بار ابن يرجعلك كل الخير يارب تشوفو على منبر المسجد في مكة المكرمة ياالله

يا اخي عيش كل لحضة الابوةوالامومة مع زوجتك وابنك وسير الى الامام وفقك الله وان شاء الله وان شاء الله نشوف في أعلى والمراتب وحافظ لكتاب الله

على الرغم اني طبيبة و فاهمة و واقفة على روحي الا اني تعرضت لمواقف مشابهة و الحمد لله فاتت على خير . حسبنا الله و نعم الوكيل في كل طبيب يجي يرقد فالاقارد و مريض يتألم يعيطلو و مايجيهش . صحيح انو كاين نقص كبير في الامكانيات و احيانا تكون خارجة من يد الطبيب . لكن في الاغلب هي اخطاء بسبب تهاون الاطباء و الطاقم الطبي و خاصة غياب الانسانية ..

هذه المحامية تبرد القلب، الله يعطيك الصحة على كلمة الحق

ما شاء الله الاستاذة والمحامية فريدة عبري تحدثت بكلام كل الجزائرين كفاة ووفاة شكرا لك على صراحة وبارك الله فيك وحسبنا الله في أشباه الاطباء يلي رجعوا مستشفياتنا مقابر

والله بكيت وتأثرت و فرحت من كفالة الاخ للطفل ، الحمد لله مازال الخير

الاخ زهير ، انت ضحية مجتمع لا يرحم ، انت نعم الأب ونعم الزوج وقلبك كبير ولكن ربي رايح يعوضك عل كلشي انشاا الله 😢😢😢😢😢

الأخينا هداك نقولك روح ياخويا ان شاء الله ربي يرزقك بولد من صلبك ويكون اخ لولدك

انا في مستشفي الأمومة وين نسكن قريب قتلوني انا و ابني و لكن انتقلت لولاية تيارت وين صح ملائكة الرحمة الف تحية ليهم اطباء و ممرضين و قابلات الف تحية من القلب مع العلم انا طبيبة في المستشفى لي عانيت فيها من الاهمال

جزائرية حتى النخاع و أفتخر و لكن يجب أن ننتقد أنفسنا لإصلح من أنفسنا العنصرية موجودة في مجتمعنا للأسف أنا سوداء البشرة و تزوجت من رجل أبيض البشرة ثم القبول العادي من عائلته و من عائلتي لكن المجتمع تشوف نظرة الغرابة في الشارع عندما نخرج معا الله يهدي بعض الناس نحن مسلون بدون أخلاق إسلامية نطلب من الاخ زوهير أن يكون قوي الشخصية و لا يهتم بأراء الناس إبنك سيكون إبنك مهما كان لونه سيحبك ستحبه فلا تبالي بالعنصريين و كن قوي لكي تبني شخصية ابنك قوية يواجه بها المجتمع قلبي معك خويا

مجتمع ظالم عايش على التفهات مطلقتو حتى واحد دير في بالك يا أخي حتى لكان جبت طفل أبيض البشرة ميطلقوكش لازم تكون قوي باش لولد لي تبنيتو يواجه هاد المجتمع الظالم دير في بالك كي يدخل للمدرسة راح يتعرض الى ظغوطات لازم ترجعو عندو شخصية قوية باش يواجه دوي القلوب المريضة الله يعطيك على حساب نيتك ويجعلها في ميزان حسناتكم بوركت انت والزوجة تاعك

لما جابولي بنتي اللي كفلتها وحطوهالي في حجري حسيت احساس لحد اليوم كي نتفكرو نبكي شدتليى صبعي تاع الشهادة وصدقوني مازالت لحد اليوم تمسكه لتنام وهي عمرها اليوم 10 سنوات كانو يقولولي ويقولولي وأنا ما كنتش نسمعهم وماعلاباليش بيهم المهم عندي بنتي حنا مسلمين ولا فرق بين أبيض ولا أسود الا بالتقوى ان شاء هذا الاسود يدخل للجنة وانتم في النار خالدون

عندي ولدي يعطوله نيقرو كحلوش عادي المهم نعلم ولدي ان الله هو لي خلقه وارضاء ناس غاية لا تدرك سيدي الكريم امسك بيدي طفلك علمه تعاليم ديننا وخلاص راح يكبر قوي وفاهم دينه انا عمتي ربات طفل متل ابنك وتعرضت للانتقادات كبيرة بنتها كبرت وراها فشرطة الله يبارك بتوفيق لابنك اخي

الممثل الامريكية اونجيلينا تبنات من قارة أسيا و قارة افريقيا من سنغال طفلة انقذتها من المجاعة و ربتها و كبرتها و الان اصبحت امراة ناضجة و راهي في امريكا و تزور جداتها احوجي على ناس ام بواقي

الأخ زوهير التنمر موجود داءما سواء لأبيض او اسمر البشرة انصحك بتعليم ابنك كيف يتقبل لون بشرته ليتكمن من مواجهتهم وحتى لايؤثرو فيه.

علاه تزعف ما تزعف ما ولو قوللهم هوكحل بصح بيضلي ايامي ربي يصلحو ويفرحك بيه يااارب وكاين لي عندهم ولادهم من صلبهم بيوضة وكحلولهم ايامهم بالانحراف

الله يرحم المتوفية ويغفرلها و يصبر اهلها لكن ياجماعة علقوا على الاهمال الموجود في المستشفيات انا بصراحة عجبتي المحامية نحييها و نقولها بارك الله فيك راكي بردتيلي قلبي كفيتي ووفيتي و للاسف الحكومة هي ليعطاولهم هذ ا الحق قالك ممنوع التعدي على الطبيب زادو تفرعنوا حسبنا الله و نعم الوكيل

الاخ والاخت اللي كفلو الولد ربي يجازيكم خيرا ويجعله قرة اعينكم

نفس قصة امي ربي يرحمها طاحت من فوق السرير وضاع منها المولود وخلاتنا صغار وكبرنا الحمد لله وابي لم يتزوج ربي يحفظه ويطول في عمره🤲

انا زيدت سيزاريا فمستشفى باينام فباب لواد العاصمة تعلمو فيا خلاوني مفتوحة وطلعوني لشنمبرة كراحتلي لانيستيزي بديت نحس بسطر شغل واحد راه يدق فيا بلموس كطليت على روحي لقيت الجرح يسيل بدم ليل كامل وانا نعيط واحد مجا ليا صباح لقاوني نصروعة نوضوني بلكفوف من مكثرت دم لضاعلي عاودولي سيريا حينيرال تعذبت شفت الموت بين يديا

ماشاء الله ولدك جمييييل جدا وكفاك شرف انو بلال بن رباح كان اول مؤذن في الاسلام وبإذن الله يكون ولدك من الباريييييين بك وبوالدته وبإذن الله يرزقك رب بأولاد من صلبك ويكونو اخوة لهذ الولد الجميييييل

يارب ارزق ولد عمي ابن او ابنة يارب يارب يارب عندو 13 سنة زواج بدون اطفال ربي يرزقو

تحية كبيرة لهاذ الحصة اولا .. قلبي وجعني من هد القصص لي تصرى في مجتمعنا سيرتو كي انعدم التعاطف و العدل و العمل بصدق 😢😢يا ريت يديرو حل لهاد المشكلات

من يمر من هنا يصل على النبي صلى الله عليه و سلم اتكون حسنة جارية

تالمت كتيرا لما سمعته و شفته في هذه الحصة والله عالم يحير و ربي يكون مع السيدات و الأخ ربي يقويكم ويجازيكم

كان عندي امل تفوتو حكاية نورسين في الحلقة المقبلة لكن للأسف والله حرام عليكم علاه ملا عيطتولها و جاتكم حتى للعاصمة بلاما فوتوها في الحلقة أين المصداقية !!!!!!!!!!!!😢

بكاني أخي أب الطفل المتكفل ان شاءالله ربي يرزقك الذرية الصالحة أني بالحمل وأني ندعيلك ونعاود هاد اليمات ان شاءالله نزيد وبربي ان شاءالله ندعيلك بكتني هدرتك مشاء الله تبارك الرحمن على فصاحت حديثك

تحية لك ابني يوسف تحياتي للمحامية الجريئة وحسبنا الله و نعم الوكيل فيمن لا يؤدي وظيفته على أكمل وجه. شكر و تقدير للأطباء المخلصين وكل من يحمل الإنسانية.

الناس اللي راهي تتنمر على الطفل نساو بللي كاين ناس لونهم أبيض وجابو أولاد من صلبهم لونهم أسود سبحان الله ياك هذا خلق الله ولا فرق لعربي على عجمي إلا بالتقوى ،ولا عندكم ساهلة تتنمرو وخلاص خافو ربي هاذ الطفل يقدر يكون خير من ولادكم

بردتيلي.قلبي.هاذ.المحامية الشحال.تعجبني.والله.التبرد.القلب الله.يبارك.والله.قمة.قمة. متتبعة.وفية.من.بودواو

الاخ زهير. ربي. يجمعك مع النبي محمد صلى الله عليه وسلم. ولكل شخص اذاك. بكلمه. وجعت قلبك. الله. يذوقو نفس ماذقت الله يعطيه نفس الوجع الله يعطيه نفس الالم وخاصة للذي. يتعمد انو يؤذيك لانك. وكان جيت انسان. خارج الطريق وانسان. قبيح. كان الناس كامل. تقبلت. الله غالب هاذ حالة المجتمع تاعنا. ربي يقدرك.

نصيحة من عندي لي تكون بالحمل من نهار الأول تلم بدورو على دورو وتولد في كلينك خاصة بدراهمك معزة مكرمة والأعمار بيد الله بصح يتهلاو ويقومو بيك والمولود

والله اشكرك كثيرا إيتها المحامية كلامك كله صواب ولاكن للأسف لا نوجد رقابة وخاصة في مجال الولادة والله المستشفيات في الجزائر كارثة

توفيت ابنتي في بطني توجهت للمستشفى بامر من الطبيب لم يتم استقبالي عدت للمنزل وأنا ابكي وفجأة تذكرت ابن عمي يعمل رئيس قسم بنفس المستشفى اتصلت به والمفاجأة في الصباح وجدت كل قسم الولادة بانتظاري القابلة التي ظردتتي قالتلي ادخلي قلتلها انا انتظر ابن عمي قالت لي انت رايحة تموتي وتسناي في ولد عمك قلت لها البارحة كنت رايحة نموت ومادخلتيتيش الله لا يسامحها

مشاءالله عل المحامية كلام فالصميم وكيلهم ربي حاشا لقليل من الطبة ربي يحفضك ويسلم لكرش لي جابتك ربي يصبر الاخ نشالله

انا تاني ختي وسمها أسيا وتوفات رحت تولد حكمتها كورونة فصبيطار زيدت ستيام مور مزيدت خلات ولادها والرضيع لله يرحمهم

كلام المحامية رائع كلش صواب ربي يحفظها

كل أم أو أب لديه إبن مختلف مثل أويس ننصحكم تفتخروا بأبنائكم و تجعلوا شخصيتهم قوية تبينولهم أنهم مميزون ما تتحسسوش قدامهم دائما بينولهم أنهم عاديين و ماتحشموش من الناس لي ماتحشمش منكم دافعوا على ولادكم بإحترام

والله غير ربي معاك حتى الكعبة المشرفة سوداء وبلال كرمه الله ربي يهدي الجميع وأنت لك بيت في الجنه باذن الله

الحمد لله ♥️ يارب عوضنا ربي باحلى اطفال والحمد لله على كل حال 💌 وخويا زهير مثال الرجل الطيب الكريم الفاضل المحترم ❤

الاخ الملتحي ربي يرزقك الذرية الصالحة ان شاء الله

حسبي الله ونعم الوكيل فيهم الواحد محروم وتزيد الناس تتنمر عليه 😢يارب ايذوقو نفس الذوق الي ذقناه

انا عمري 42 سنة عندي ولد عمرو 11 سنة وقطعت الامل اني نزيد أخ لوليدي لكن بعد 11 سنة رزقني ربي بولدي الثاني....شعر أصفر وعيونو خضرا وابيض رغم انا وزوجي شعرنا أسود وولدي ثاني.....الناس مارحمونيش قالولي خنتي رجلك... أنا نعيش في ألمانيا قالولي على بيها ولدك جا كيما الالمان.....زوجي دخلولو الشك رغم أنو يعرف واش عندو...عملت كل التحاليل الجينية لولدي الحمد لله من زوجي...وولدي خرج لجد جدي كان عينيه خضراء وابيض عايلة راجلي واجهتهم بالحقيقة وزوجي سكتهم كامل وقطعت علاقتي معاهم

والله دخلت للبلوك والطبيبة محبتش تجيهم وكي جات دارت حالة بالعياط عليا ومنبعد لقيت روحي فالصباح مع مرا ميتة والله ماعلابالي واش دارو فيا ونساوني فالبلوك

والله عيب عليكم ياناس يعني الإنسان رغم الذي مر ويمر به ونتوما تزيدو تكملوا عليه ماتعرفوش واش فات عليه هو والزوجة سنين وهوما يقاسو ويعانو وحامدين ربي كي بغاو يفرحو استكثرتوا عليهم حتى الفرحة وفطرتوا قلوبهم بذلك الكلام سبحان الله تقول ماكمش مسلمين ربي معاك الأخ زهير وتأكد مدام أنت تحس هذاك الاحساس لدرجة بكاوك راك في الطريق الصحيح وربي ينتقم من كل انسان يجرح ويأذي بالكلام روحو خطوهم ولدو ولا ماولدوش رباو ولا تكفلو بطفل نتوما واش دخلكم يالطيف ربي يهديكم و يحطكم في نفس الجرح باش تحسوا واش راهم يحسوا المشتاقين للذرية 😢

يا خي انت تعلم ان ارضاء الناس غاية لا تدرك فلما تنزل لمستوى من لا يفهم ولا يتفهم ؟؟ الي ما عندوش يقولو مشتاق ظفر طفل ، جاب الطفل وعلاش اسمر ؟؟ تجيبو بيض وعلاه شعرو حرش ؟؟ وعلاه ماشي شباب ؟؟ وعلاه ماشي طويل ؟؟؟ وعلاه وعلاه ؟؟ لا تنتهي . الاسمر هاذي راهي سبة برك خويا ، التاس تلقى ديما الثغرة باش تهدر .دعهم يتكلمون انت مقتنع بما فعلت واويس راه ولدك و هو عندك اجمل واحسن ولد في العالم . اذا لا تبالي ركز كل تفكيرك في تربية ابنك ، تربية سليمة وسوية ، امنحه كل الحب ،كل الثقة ، كل القوة لمواجهة هذا المجتمع . كن قويا لأنه يستمد قوته منك ، خذه معك اينما ذهبت ، كن فخورا به واشعره بفخرك فالكلاب تنبح والقافلة تسير .

والله لي يصر في المستشفيات وخاصة في قسم الولادة غير يفوت وشراهم دايرين اليهود في فلسطين و يستغلو الضعف نتاع المريضة تخاف حتى ترد عليهم لانها بين ايديهم و مازالها عندهم و راح ينتقمو منها كما يقول المثل وش يدير الميت في ايد غسالو ربي يهديهم و ياخذ الحق في كل واحد يستغل منصب نتاعو في ايذاء الناس

انا ابني يزن تقريب5 كيلوا يتطلب عملية قيصرية لكن القابلة خرجاتو طبيعي وتعرض الي نقص الاكسجين وولد باعاقة طول العمر. مع الاسف خطاء طبي كان واحب تنتبه انو الولادة متعسرة

أختي قتلوها في سبيطار بريكة بنفس الطريقة وهي حامل في شهرها طيحتها الفرملية فوق السرير طرطڨتلها الرحم تاعها نزفت نحاولها البيبي ميت ونحاولها الرحم والنزيف محبسش ماتت في جوان لي فات وخلات طفلة عندها عامين 🥺🥺حياتنا حطموهابين ليلة وضحاها ماتت كانت لباس عليها 😭حسبي الله ونعم الوكيل تقريبا نفس الحكاية وليدها مات وماتت هي لحد الان مصدقناش 🥺 ربي يرحمها🥺🥺🥺😭 ‏‪قتلوها ربي وكيلهم...

مسكينة غاضتني السيدة هانية ربي يشفيها شفاءا لا يغادر سقما يا رب سخرلها من يعينها على العلاج

أنا البنت اختي سالمة البنت الصغيرة التي لم تتجاوز العامين توفيت يوم 22 عشرين اوت بسبب صعقة كهربائية من العمود الكهربائي بجوار منزلنا وهدا كل بسبب التهاون من طرف سونا الغاز ولاية تقرت ابنت أختي كانت جالس تناظر ابوها امام المنزل لتنزه معه ولكن صار الشي لم يكن في الحسبان افتقدت غاليتي سلومي بسببهم ولحد الان يقولو ليس الخطا منا وابي جد الضحية من عامين اشتكى ولم ياتو لاصلاحيها الى أن اداء إلى موت حبيبت الكل 😢ياربي صبرنا ويعطينا بالقوة

سبحان الله مزال ناس هكذا لايستحون جعلو ابناءنا معقدون بهذه الالفاظ ولازم نحطولهم حد تحية لكل الضيوف.الي حظرو اليوم كامل فالقمة والاخلاق وتحية لكل الحظور الكرام وللأخ يوسف راك فالمستوى الله يبارك

أنا أم تعرضت لخطء طبي وأعاني مند 13سن حسبي الله ونعم الوكيل

انا بيضه وزوجي ابيض وانجبت بنت سمرا سعات يسقسوني علاه هادي جات سمرا وخوتها قاع بيضين نقوللهم ربي عطاهالي الحمد الله جات كامله انا قاع منعمرش راسي بيهم كيما قالتلك طبيبه دافع علي حقك حتا واحد ميسالك في هاد الدنيا

قالت طاحتلي sage-femme عند رجلي كتبتو طاحتلي طبيبة عند رجلي قلوبكم معمرة ربي يشفيكم

حسبنا الله ونعم الوكيل فلي يتنمور على لون بشرة الطفل حرام عليكم خافو ربي في رواحكم هاذا خلق ربي بصح قلوبكم مليانة بعدم خوف ربي

المحامية الله يبارك علاها ربي يحفظها ❤

نفس السيناريو عشتو في 1996دخلت للمستشفى انا وبنتي حية وبسبب انعدام الاهتمام توفات بنتي ومازلت الى يومنا هذا نتذكر نضرات القابلات لبعضاهم وهوما يقولو لبعضاهم اااا البيبي مات بكل وقاحة رزقني ربي باربع بنات وطفل لكن مازلت نذكرها وما نسيتهاش

اخ زوهير ربي يفرحك باويس وليدك ونشالله تشوفه كبر و في اعلى المناصب ياناس اتقو الله في انفسكم اسمر وابيض مكانش فرق الصح فالقلب

قسم الولادة الباز بسطيف والله كارثة باطولار تاع حيوانات قريب مت انا وبنتي كي ولدت فيه دخلت للانعاش يومين ولكن ربي كتبلي عمر جديد ربي يحفظ كل حامل هيا ومولودها

بكل صراحة المحامة مشاء الله كلمها من ذهب ربي يحفضك استاذة❤❤❤

ربي يرحم المتوفية الشهيدة ونشكر المحامية المتألقة التي لخصت كل شيء برافو أستاذة 👍👍👍

الناس للأسف يتنمروا بزاف.زوجي ياباني مسلم متدين و خلوق الحمد لله.ذهبنا لزيارة الاهل في الجزائر و للأسف ...للأسف كان كاين ناس تتنمر بالنظر و كلهم نساء سبحان الله.تحسهم يتمسخروا بيك و يضحكوا عليك.توجعت لكن بعد.ذلك قلت الحمد.لله ربي راه عارف واش اخترت .لماذا الضحك و حنا مسلمين .محمد.عليه الصلاة و السلام جاء برسالة للإنسانية جمعاء ...فالمسلم يكون جزائري صيني فرنسي امريكي هندي ...سبحان الله. اخي يوسف من فضلك هذا الموضوع ان شاء الله تطرحوه في احد.الحصص وشكرا.

مثل هذه المواضيع التي يجب الطرق إليها والله النساء في قسم الولادة راهي تعاني

والله غير ربي يجازيك خويا يوسف كل المواضيع لي تقدمها هادفة وموجودة عند جل العايلات

صرالي نفس الحالة نتاع المرحومة اسيا الله يرحمها. وربي نجاني باعجوبة الحمد لله

الشكر الجزيل للمحامية والمنشط جزاكم الله خيرا ،واعانكم على كشف كل من استغل منصبه في إذلال اي مواطن وخصوصا المريض العاجز ،وماخفي أعظم.

المحامية الله يعطيك الصحة ربي يعطيك الجنة

تحياتي لك يوسف على هذا البرنامج وعلى بحثك الدائم عن الجديد، دمت رائعا كما أنت.

27:31 لازم هذه الحالة تتكفل بها وزارة الصحة و المفروض تظهر و يتسمى الطبيب الذي قام بهذا الشيء

عجبني اويس ربي يعيشوا يشبه لخويا كي كان صغير جاي صغيرون يهبل ربي يعيشولكم وتشوفوه راجل وسيد رجال يارب

روحو شوفو استعجالات القلب في أحد مستشفيات البليدة ليلا ،ستجد أن العيش في السوق ارحم بكثير من الاستلقاء في سرير ذلك المستشفى ضجيج وضحك وأصوات مرتفعة ووووو واتكلم عن تجربة شخصية مع مريض فضل الخروج على البقاء في ذلك السوق (المستشفى).حيث توفي في منزله بعد يومين.رحمه الله وأحسن إليه.حسبنا الله ونعم الوكيل في كل من تهاون في حالة مريض عاجز.

زوهير ووليدوا يهبلوا ماشاء الله ❤

كون عندك شخصية هذا ولدك وانا على جال ولادي نحارب كل الناس قويلو شخصيتو وراح يستمد القوه من عندك ان شاء الله تشوفو في اعلى المراتب

وين راه المشكل قادر ربي من صلبك ويجيك الاسود وربي كيما رزقكش عندو حكمة احبك الله فاراد ان يجعلك بجوار النبي انه اختبار وابتلاء من الله فكن صامدا وقويا حتى تفوز ازرع الثقة في ابنك وخرجو معاك يواجه المجتمع كي مزال صغير لانه يستمد الثقة منك هنيئا لكما بهذا الحب الذي الكبير الذي خصكما به الله

انا من وهران كي دخلت نزيد غي ربي سترني عجبو بيا رقدت في كولوار نموت و نحيا زيدت في بطوار و حمدالله

يتعرض الإنسان إلى صفعة خذلان ثم يبقى خائفاً إلى الأبد 💔 كل كسر يهون الا كسر الشعور والخاطر.. حسبيا الله ونعم الوكيل