Рет қаралды 615
Martın 21 Novruz bayramı, YUNESKO təqviminə görə Dünya Şeir Günüdür. 22 Mart isə Dünya Su Ehtiyatları Günüdür. Azərbaycan Yazıçılar Birliyi bütün bu bayramların qovşağında “ Sözün də su kimi lətafəti var” devizi ilə “Dünya Şeirindən İncilər” adlı poeziya gecəsi-şair Səlim Babullaoğlunun orijinal şeirləri və dünya şairlərindən etdiyi poetik tərcümələrdən ibarət “poetik benefisini” keçirdi. Beynəlxalq Muğam Mərkəzində təşkil edilən tədbirdə AYB-nin tərəfdaşları “Azərsu” ASC, Azərbaycan Dövlət Televiziyası, Beynəlxalq Muğam Mərkəzi və AYAR TV oldu. Səlim Babullaoğlunun qiraətini istedadlı pianoçu Fəqan Əliyevin fortepianoda ifasında Avropa və Azərbaycan bəstəkarlarının klassik və modern musiqi əsərləri müşayiət edirdi. İstedadlı bəstəkar Tahir İbişovun seçimində.
Tədbrin aparıcısı tanınmış teleaparıcı Ceyhun Əli idi.
Tədbirin girişində Azərbaycan Yazıçılar Birliyi adından Xalq yazıçıları Anar və Çingiz Abdullayev “ədəbi prosesə verdiyi töhfələrinə görə” diplomunu bir neçə quruma, həmçinin bu tədbirin dəstəkçilərindən biri kimi AYAR TV-yə də təqdim elədi. Digər diplomçular sırasında “Azərsu” ASC, Azərbaycan Dövlət Televiziyası və Beynəlxalq Muğam Mərkəzi də vardı.