Рет қаралды 8,662
ချက်နည်းလေးတွေ အသစ် မတင်တာ ကြာလို့ မေ့နေကြပီလားရှင့်။
ဝါတွင်းကာလမှာ သက်သတ်လွတ်ဟင်းပွဲလေးတွေ အဓိကထား တင်မယ်နော်။
သက်သတ်လွတ် ခရမ်းသီးနှပ် ကို ပထမဦးဆုံးအကြိမ် စမ်းချက်ဖူးတာဖြစ်ပါတယ်။ ပုဇွန်ခြောက်နေရာမှာ မြေပဲထောင်းလေးကို သုံးထားပါတယ်။ ခရမ်းသီးက သူ့ဘာသာ ချိုပီးသားဖြစ်တဲ့အပြင် မြေပဲအဆိမ့်လေးကြောင့် အရသာ ပြည့်စုံသွားပါတယ်။ အခုလို ခရမ်းသီးနှပ်ထားတာကို ငရုပ်သီးလှော်ထောင်းစပ်စပ်လေးထည့်ပီး ထမင်းနဲ့ နယ်။ ချဥ်ဖတ် တို့စရာ အစုံနဲ့ စားရင် အသားဟင်းလုံးဝ အစားမထိုးနိုင်ပါဘူး။ မမီး ပဲတီချဥ်လုပ်ထားတာလေးနဲ့ တွဲစားမယ်။
မမီးက ခရမ်းသီးနှပ်ကို အလွန်လွယ်အောင် မြန်အောင် ဖြတ်လမ်းနည်းသုံးတာမှာ မိုက်ခရိုဝေဖ့်ထဲချက်ပါတယ်။ မရှိသူတွေကတော့ ပုံမှန်နည်းအတိုင်းပဲ နှပ်ကြရပါလိမ့်မယ်။ မြေပဲ၊ ကြက်သွန်နီကြော်၊ နံနံပင်တို့နဲ့ ပေါင်းစပ်ထားတဲ့ ခရမ်းသီးနှပ် ချိုချိုအိအိလေးကို လိုက်ချက်ကြည့်ကြပါလို့ တိုက်တွန်းလိုက်ပါတယ်၊