#APATV #Bakıgecələri #Bakı #gecə #sirli #əyləncə #polis #DEPO #bayram #bar #pub #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Sabaha yorğun açılan sirli Bakı gecələri - APA TV
Gün ərzində milyonlarla insanı öz qoynunda yoran Bakının gecələri füsunkar və işıqlı olur. Xüsusən də mərkəzi küçələr, əyləncə məkanları, istirahət guşələri... Bakıya ilk dəfə gələn adam elə başa düşər ki, burada gündüzlər bir başqa, gecələr isə bir başqa dünya mövcud olur. Saysız hesabsız insan axınının fonunda kimi evə tələsir, kimi əylənməyə üz tutur, kimi isə sabahın qayğılarını həll edə bilmək üçün, necə deyərlər, gecədən pul çıxarır.
Gecənin səssizliyinə isə hələ çox var...
“Gecə saat 22-dir. Şəhərdə həyatın qaynarlığı gündüz saatlarından heç nə ilə fərqlənmir. Biz də iş başındayıq-operatorumuz Hüseyn Qurbanov və mən Elşən Yəhyayev... Şəhərin gecə həyatının çox az hissəsi ilə Sizi tanış etməyə çalışacağıq”.
Günəş batana yaxın, bir az da dəqiq desək, iş gününün sonlarından etibarən Bakıda mənzil başına çatmaq müşkülə çevrilir. Şəhərin gur küçələrində tıxacların ucu-bucağı görünmür... Təqribən bu saata qədər, yəni saat 22 radələrinədək dayanacaqlarda, işdən çıxıb evə getmək üçün avtobus gözləyənlərin əsəbi baxışları ilə üz-üzə gəlməkdən yayınmaq olmur. Paytaxt sakinləri axşam saatlarında getmək istədikləri ünvana vaxtında yetişmək üçün ən azı, bir saat tez yola çıxmalı olurlar.
“Birazdan gün başa çatır. Təqvim dəyişəcək. Gecənin bu saatında Bakının əsas ictimai nəqliyyat vasitələrindən biri olan avtobuslar demək olar ki ara-sıra gözə dəyir”. Yolda olan avtobusların çoxu isə DEPO-ya tələsir.
Bakının heç də qaranlıq olmayan gecələrində bəzən sübhədək daimi hərəkətdə olan taksi sürücüləri ilə söhbətləşirik. Deyirlər ki, gecələr çox vaxt daimi və qeyri-adi müştəriləri daşımalı olurlar.
Ətrafda tez-tez əcnəbilər, xüsusilə ərəbdilli ölkələrdən qonaqlar gözə dəyir. Bu saatda yola çıxan xaricilərin əksəriyyəti Bakının belə desək, qaranlıq və sehirli dalanlarında kef məclisi axtaranlardır.
Gecə saat 00:00-dır. Artıq metro və bəzi marşrutlar üçün iş vaxtı bitib. Şəhərin səsli-küylü küçələri boyunca adamlar gah maşınla, gah da piyada harasa tələsməkdədir. Qələbəlik olan küçələrdə apteklərə üz tutanların da çoxluğu diqqət çəkir.
Şəhərin səhərədək əl-ayaq çəkilməyən yerlərindən biri də apteklərdir. Tez-tez fərqləndirici işıq və səs siqnalları ilə o yan-bu yana şütüyən, polis, yanğınsöndürən və təcili-tibbi yardım maşınlarının fonunda apteklərin sübhədək niyə açıq olduğunu çox düşünməyə lüzum qalmır.
Gecə keçdikdən sonra paytaxt tamam başqa üzünü göstərməyə başlayır. Daha azad, tərəddüdsüz, əsəb gərginliyi olmadan, bəlkə də bir qədər açıq-saçıq tərəflərini tanıtmağa çalışır. "Karaoke"lər, bar və gecə klubları, kafe və restoranlar qızğın iş saatına başlayır. Sanki, şəhərin yerüstü həyatı qismən yerin altına çəkilir. Bir az konkret desək, həyat zirzəmilərdəki disko-barlarda, gecə klublarında daha çox qaynamağa başlayır.
“Birazdan səhər açılır. Şəhər yenidən ayaq üstdə olacaq. Yenə işə tələsənlər, yenə tıxaclar, yenə gərilən əsəblər…Buna baxmayaraq, hamı hər vəchlə qarşıdan gələn bayram gününə həvəslə hazırlaşdığını nümayiş etdirir sanki”.
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: kzfaq.info...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv