අනේ පුතේ මම මේ සිංදුව දැන් තමයි අහම්බෙන් ඇහැව්වෙ ඒත් පුතේ ඒ සිංදුව mage මගේ ජීවිතයට සමානයි ඇත්තටම පුතේ මමත් ඒ වගේම දුක් විඳලා මගේ දරුවෝ හැකිවේ දැනට මම කුවේට් රටේ ඉන්නේ දැනුත් පුතේ දුක් දුක් විඳ විඳ දරුවන්ට මයි කරන්නේ ඒත් සමහර තැන්වලදී දරුවෝ මට අතීතය මතක් කරලා වචන දම්මලා ගහන වාර අනන්තයි පුතේ මට කවදාවත් දරුවෝ ගැන වෛරයක් හිතෙන්නේ නෑ මමත් දරුවෝ හැදුවේ ඔයාගේ සිංදුවට සමානව තමයි ඔයාට ගොඩක් පින් පුතේ අපි වගේ අම්මා කෙනෙක් වෙනුවෙන් ඔය වගේ සින්දුවක් කිව්වට ඇත්තමයි පුතේ මං මේ සිංදුව අහලා හරියට ඇඬුවා මගේ ජීවිතයට සමාන නිසා ඔයාට තව තවත් මේ වගේ සින්දු කියන්න සිතට ශක්තිය ධෛර්යය ලැබෙන්න කියලා මම ප්‍රාර්ථනා කරනවා මගේ පුතේ ඔයාට බුදු සරණයි ඒ වගේ අම්මලා වෙනුවෙන් මේ වගේ සිංදුවක් කරාට ඒ වගේ අම්මලා තව කොපමණ නං ඇද්ද ඒත් පුතේ අම්මලා මොන දේ කරලා හරි දරුවො උස් මහත් කරලා සමාජෙට හොඳ දරුවෝ කරලා දරුවො ලොකු උනාම නාම අම්මලාට දොස් කියනවා ඒත් කමක් නෑ පුතේ දොස් කියලා හරි එයාලා හොදින් ඉන්න එක තමයි අම්මලාගේ සතුට මගේ අම්මලා දරුවො මහ පාරටපාරට දාන්නේ නැතුව අනාත නිවාස වලට දෙන්නෙ නැතුව මරන්නෙ නැතුව එහෙම හරි හැදුවා දරුවෝ දොස් කිව්වත් දුකක් නැහැ පුතේ හැම දුකක්ම සතුටින් බාර අරගෙන කවදහරි මැරිලා යනවා දරුවො ටික සමාජයට හොඳ දරුවෝ කරපු නිසා අපිට දොස් කියන්න දාහක් දෙනා හිටියත් දරුවන්ට එක වේලක් ආදරෙන් කන්න දෙන්න කෙනෙක් නං හිටියේ නැහැ මං මේ කියන කතාව ගොඩක් දෙකයි ඒත් පුතේ මගේ ජීවිතයට සම්බන්ධ නිසා මම මෙහෙම කිව්වේ ඔයාට බුදුම බුදු සරණයි

මේවගේ සිංදු තව තව බිහිවේවා ❤ 2024 අහන උන් ලයික් එකක් දාන් යමු

කාගම හාමුදුරුවන් නිසා මේ සිංදුව සොයලම අහන්න උනා.ඇත්තට ලස්සනයි ...❤❤❤

කාගම හාමුදුරුවනේ ඔබ වහාන්සේට පිං ,ඒකයි මං අහාන්න ආවේ ඒ වගේ දක්ෂයි ඔබත් ඉදිරියට සුභ පැතුම් තෙරුවන් සරණයි ❤️‍🩹❤️‍🩹🙏

Love the melody! Superb lyrics! ජය 🇱🇰!

ගායකයෙක්! සුබපැතුම් ඔබට!

කාගම හාමුදුරුවෝ නොහිටින්න දැනුත් අහන්නෙ වෙරලු මල් වෙරලු මල් ඔබ වහන්සේට පින් 🙏🙏🙏🙏🙏🙏🙏🙏

ඇග හිරිවැටුනු සිංදුවක් 😢 ඇත්තටම ජනාධිපති සම්මාන ලැබිය යුතු සිංදුවක් ❤ කාගමසිරිනන්ද හිමියන්ගෙ බනක් අහපු වෙලාවකයි උන්වහන්සේගේන් ඇහුන පුංචි පද පේලියක් නිසයි මේ සිංදුව දැන ගත්තෙ උන් වහන්සේටත් තෙරුවන් සරණයි 🙏 ඔබටත් තෙරුවන් සරණයි සහෝදරයා ❤ 🙏

යකෝ මෙච්චරකල් මේ සිද්නුව කොහෙද තිබ්බේ.... අයි ඇහුවේ සුපිරි කොල්ලෝ.. අයි බන් මේවා Trending එන්නේ නැත්තේ

අවුරුදු දෙකක්...තාමත් අහන අය මේ පැත්තට ❤️❤️😍

යකා වැහෙන්නට පෙර උබෙ අයියාට කතන්දර එපා වැඳපන් අම්මාට......❤ (මාර ගැම්මක් තියෙන්නේ මේ වචන ටිකේ)💪

කාගම හිමියනි ඔබ වහන්සේ ට අනේක වාරයක් පිං සිදු වේවා මෙවැනි අර්ථවත් ගීයක් අහන්න මග පෙන්වූවාට .

මෙවැනි නිර්මාණ කරන්න තව තව ශක්තිය ලැබෙන්න ඕනෙ! ජය!

2050දිත් මේ සින්දුව අහන අය කෝ? (මෙය අනාගත කාලයේ කොමෙන්ටුවකි)

මාත් කාගම සිරිනන්ද හාමුදුරුවන්ගේ බණක් අහනකොට මේ සිංදුව මට හමු උනා අහලා බලන්නම හිතුනා බුදුසරණයි 🙏❤️

ඇත්‍තමයි,කාගම හාමුදුරුවෝ තමයි මේ අර්ථවත් ගීතය ගැන අපිව දැනුවත් කලේ,ඔබ වහන්සේට තෙරුවන් සරණයි ..!!!

Nice work . මගෙ පරම්පරාව 👍 good luck

(Part 2 of the Review) දං කඳ නැති දාට රංකඳ වී පෙනිලා හාමුදුරුවො අණකර බණ පද එව්වා මුචලින්දගෙ ඇහේ නයි කඳුලක් නැටුවා අම්මා බණ කතාවක් බුදු මැඳුරෙත් ලිව්වා පන්සල කියන නිල නොලත් පාලන අධිකාරියේ බලයට අභියෝග කරන්න බයට අපි හිතමතාම මගහරින ඛේදවාචක, තියෙනවා. දැක්කත් නොදැක්කා වගේ ඉදන් එහෙයි කියලා සාදුකාර දෙනවා. ගණිකාවක් වුනත් තමන්ගේ ආගම දහමට හිස නමන මේ උපාසිකාව පන්සලේ ඇරියස් පිට ඉන්න හාමුදුරුවන්ට පේන්නෙ තමන්ගේ කාමාශාවන් සපුරගන්න මෙවලමක් විදිහට. පන්සලට කව්රුවත් නොඑන දානයක් නැති දවසක, අන්න ඒ තමන්ට සමාජය නම්මගන්න තියෙන ආගමික පාලන බලය පෙන්නල, පණිවිඩයක් යවල පන්සලට ගෙන්න ගෙන උන්දැත් බුදුගේ ඇතුලේදිම අම්මව දුෂණය කළා කියලා අයියා නංගිට කියල දෙනකොට ඒ කටහඬේ ගැබ්වෙන වේදනාව සාදර අපේ සියුම් රෝම කූප වලටත් දනවනවා. "මුචලින්දගෙ ඇහේ නයි කඳුලක් නැටුවා" මේක ප්‍රබල යෙදුමක්, ගායනය වඩාත් තීව්‍රව දනවන තැනක්. මේකට ද්විත්ව අර්ථයක් තියෙන්න පුළුවන්. එකක් "මුචලින්ද" කියලා අපි කට වහරේ හදුන්වන බොරුකාර මිනිස්සු වුණු දේ ගැන දක්වන බොරු අනුකම්පාව. දෙවෙනි එක, දවස් හතක් පුරා බුදුන්ට වැස්සෙන් ආරක්ෂාව දෙමින් ධර්මය රැකගන්න පිහිට වුණු හැබෑ මුචලින්ද නාගරාජයා, බුදුගේ ඇතුලෙදිම බුද්ධ පුත්‍රයෙක්ය කියලා කියාගන්න කෙනෙක් විසින් කරපු මේ අපරාදේ දැකලා ඇති කරගන්න වේදනාව. වචන ඇතුළේ රහස් හංගන්න පුළුවන් කියලා මං කියන්නේ ඒකයි. ------------------------------------------ රත්වුන යකඩ ලෝකුරු ගෑණුත් තැලුවා මත්වුණ බඹරු ඉටිමල් පොකුරෙත් වැහුවා ඇත්තට ලෝකෙ ගැන උඹ දන්නෙද මොනවා පත්තිනි සළුවලත් ඇත් තුත්තිරි තිබුණා ලෝකුරු ගෑනු කියන්නේ උප්පත්තියේ ඉඳන් රත්තරං අත ගගා රත්තරං ගොඩේ හැදෙන හෙට්ටි වීදියේ ගෑනුන්ට. ඒත් ගිනියම් උනාට පස්සෙ යකඩ වලයි, රත්තරන් වලයි වෙනස පේන්නේ නැති තරම්. ඉතිං වැරදිලා රත්තරං කියලා යකඩත් තැලෙනවා. පිරිමියෙක් රස කියන්නේ මොකක්ද කියලා කොච්චර දැනගෙන හිටියත් රාගය ඉස්මුදුනට ගැහුවම ඒ ගෑනි පත්තිනිද නැත්නම් වේසි ද කියලා හොයා හොයා ඉන්නේ නෑ. "පත්තිනි සළුවලත් ඇත් තුත්තිරි තිබුණා". පතිවත කියන්නේ වචනයක්! පත්තිනි සළුවෙන් හෙළුව වහන් ගණිකාවන්ට ගරහන ගොඩක් ගෑනුන්ගේ කිල්ලෝට වලත් පොඩ්ඩ, පොඩ්ඩ හුණු තියෙනවා. "ඇත් තුත්තිරි" ප්‍රබල යෙදුමක්, ආක්‍රමණික පැලෑටියක්, ආක්‍රමණිකයෙක් ඉස්සරහා නැවෙන, රත්වෙන, පොඩිවෙන ගෑනුන්ගේ රහස් හංගගත්ත ලෝකෙට උඩින් පේන පත්තිනි සළු! "ඇත්තට ලෝකෙ ගැන උඹ දන්නෙද මොනවා" ලෝකුරු වීදියේම වැඩකරන ගෑනු රත්තරං කියල රත්වෙච්ච යකඩ තලනවනම්.... හොඳටම මල් ගැන දන්න බඹරු ඉටිමල් වල වහනවනම්... එච්චර expert ලට වැරදෙන ලෝකෙක නංගියේ මේ ඇටෙන් පොත්තෙන් එළියට ආපු උඹ මොන මඟුලක්ද දන්නේ අම්මව විත්තිකාරි කරන්න! ___________________ 'සතා' කියා ඉඳහිටක දි ඇහුනාට කතා හදන උන් සේරම බෝසත් ද යකා වැහෙන්නට පෙර උඹෙ අයියාට කතන්දර එපා! වැඳපන් අම්මාට.. සාදර බණ්ඩාර ඔයා බෝම්බේ පුපුරවන්නේ මෙතැනදී. මුළු ගී පද රචනය පුරාම ප්‍රබලවම දැනෙන අමුම අමු පදපේළිය මේක. මට නම් ඔයාව ගායකයා විදිහට ප්‍රබලව ඉස්මතු වෙන තැන මේක. හිස්මුදුනෙන් පටන් අරන් පපුවට විදුලියක් ගලාගෙන යන වේලාව මේක. ගී පද රචනයේ නැති තැනකට ආයෙමත් මේ පද ටික ගේන්න ගායකයා විදිහට ඔයාට තිබ්බ ඉව මරු. අන්න ඒ ඉව ඔස්සේ ගිහිල්ලා සාදර බණ්ඩාර ඔයා මේ ගීතයට උච්ඡතම සුරාන්ත නිමාවක් දෙනවා. ඉතිං මං දන්නේ එක දෙයයි මේ ගීතය ෆැන්ටසියයි, සෙමිෆැන්ටසියයි අතරේ තියෙන සුභාවිත සංගීතය අතික්‍රමණය කරලා මිනිස්සුන්ගේ හිත් පතුළට මුල් අදිනවා. ජය! (මෙහි ඇතැම් අරුත් පිළිබද තිබූ අපැහැදිලි තැන් ලිහා දුන් මා මිත්‍ර Thilina Nuwan Kurukulasooriya හට විශේෂ ස්තූතිය!)

ලස්සන සිංදුවක්... කාගම හාමුදුරුවන්ගෙ බණ අහලා තමා සිංදුව හොයාගෙන ආවෙ.. ❤❤ අපි අහපු නැති සිංදු කොච්චරනම් තියෙනවද.

කාගම ස්වාමීන් වහන්සේගෙ බණ කතාවෙ කියපුවම තමයි සිංදුව ඇහැවිවෙ.👍👍👍👍🎼

රීලීස් කරලා අවුරුදු 2ක් යනකන් මේක අහන්න බැරි උන එක ගැන මටම මන් ගැන ලැජ්ජයි...❤️

පිස්සු හැදෙනවා සහෝදරයා මේකට නම්

කාගම සිරිනන්ද හාමුදුරුවෝ නිසා සින්දුව ඇහුවා.. හාමුදුරුවන් ට පිං මෙිි වගේ පැහැදිලි කිරීමක් කලා⁣ට...🙏

2024 අහන සෙට් එක 🔥✨️

මතක් වෙලා 2022 කේ ආව අය ඉන්නවද ❤️

2050 වෙනකොටත් මේකේ ජීව ගුනය මේ විදියට ම තියෙනවා ❤👣🌷

කාගම හාමුදුරුවෝ මේක ගැන කිව්වට පස්සේ තමයි හොයාගෙන අහන්නම හිතුනේ මේක පට්ට මට මේක මගහැරුනේ කොහොමද කියලා හිතාගන්න බැරිවුණා මේ ගීතය නිර්මාණය කරපු හැමෝටම ❤❤❤❤

කාගම හාමුදුරුවන් ගේ මේ ගීතයේ විචාරය ඇහුණ ට පස්සේ අහල ම බලන්න හිතුණු ගීතයක්.හරිම සංවේදී ගීතයක්..❤️

අවුරුදු තුනක් ගිහිනුත් තාම අහන සෙට් එක කෝ 🥺❤️

කා ගම හාමුදුරුවනේ ඒ විචාරය අති සාර්ථකයි. බණ දේශනාවක ඔබ වහන්සෙ දේශනා කරපු නිසා මේ වගේ නිර්මාණයක් මට අහන්න ලැබුනා ✨️💜️

ලස්සන අර්ථවත් සින්දුවක් අද තමයි අහන්න ලැබුණේ අවසරයි අපේ කාගම හාමුදුරුවන් වහන්සේ නිසා තමයි අහන්න ලැබුණේ ❤❤❤🙏🙏🙏 😢 පින් ඔබ වහන්සේට

මමත් මෙ සිංදුව ඇහුවේ කාගම හාමුදුරුවෝ බණට කියන දෙශනයකට අහම්බෙන් ඇත්තටම සිරිනන්ද හාමදුරැවන්ට ස්තුතියි වෙනැනි ගිත ගෙන හැර පානවාට

අපිට පුළුවන් කාව හරි තුවාල කරන්න පිහියකින්, පිස්තෝලයකින් එහෙමත් නැත්නම් අල්පෙනෙත්තකින්. ඒත් හදවත තුවාල කරනවානම් කරන්න පුළුවන් වචන වලින් තමයි. වචන වලින් පුළුවන් හදවත කුඩු වෙන්න වෙඩි තියන්න. වචන වලින් පුළුවන් හදවතේ ගැඹුරුම තැන හූරන්න. "පොඩ්ඩියේ" අන්න එහෙම වචන හරඹයක්, ඒ වචන වලට ජීවය දෙන කටහඬ අන්න එහෙම වෙඩි බෙහෙත් තැවරිච්ච උණ්ඩ ප්‍රවාහයක්. මේ අවුරුද්දේ මැයි මාසෙදි "පෙම්බරියගෙන් වෙන්වුණු ලූලෙක් හැරුණා ඇළකට" . අන්න ඒ turn එකේදී දිය රැළක වැදිච්ච් හැඟීම් අහුරක් තමයි "අපේ අම්මා හැර සේරම බුදු වේවා...!" . ටිමා - ටිම්රාන් කීර්ති ඔයා දන්නවද දන්නේ නෑ ඔයා වීරයෙක් කියලා. එහෙමටය කියලා කව්රුත්ම කතා නොකරන අපි මේ ජීවත් වෙන පොළොවෙම නිහඬවම විඳවන, අපහාස උපාහස ලබන කොටසකගේ වීරයා ඔයා..., සාදර බණ්ඩාර දැන් ඔයත්! ලංකාව ඇතුළේ විරෝධාකල්ප ගී කියන ඒවා හරි අඩුයි. මොකද විරෝධාකල්ප ධාරාවේ ගීත හදන්න පද පෙළකුයි, සංගීතයයි, ඉතිරි අඩුම කුඩුම ටිකයි තිබ්බට බෑ. හරිම නහරේ අල්ලලා අදින්න කොන්දක් නම් තියෙන්නම ඕනේ. මිනිස්සු ශ්‍යාමි කුමාර් ට බැන්නේ ඒ ගෑනි තමන් "ගණිකාවක් " කියලා කියපු නිසා නෙමේ, එහෙම කෙළින් කතා කරන්න ඒ ගෑනිට කොන්දක් තිබ්බ එක ගැන කුහකකමට. නිමිත්ත: අම්මා වේසියෙක් නිසා අවුරුදු දා ඇයට වැඳීමට තමාට නොහැකි බැව් කී, නැගණියට අයියාගේ තරවටුව! පොඩ්ඩියේ අම්මා අම්මාමයි තාම වැරදුනෙ අපි නිසයි ඈ වැරදිද කෝම බක් මහෙ කොවුල් බිජු පුපුරණ දාක නංගියෙ අම්මගෙන් උඹ ඉල්ලනවද ගේම අමුවෙන්ම ගත්තොත් මේ පපුවටම ඉලක්ක කරලා වෙඩි තියන ගීතයේ නිමිත්ත වෙන්නේ ගණිකාවක් වුනු තමන්ගේ අම්මාට සිංහල අවුරුදු දවසේ වඳින්න බෑ කියන නංගිට, අයියගේ තරවටුව. "පොඩ්ඩියේ අම්මා අම්මාමයි තාම වැරදුනෙ අපි නිසයි ඈ වැරදිද කෝම". ඇඟ විකුනන්නෙත් දරුවෝ රකින්න නම් ඒ අම්මත්, අම්මෙක්ම මිස වෙන කව්රුත් නෙමෙයි. "බක් මහෙ කොවුල් බිජු පුපුරණ දාක" මේක ප්‍රබල යටිපෙලක් තියෙන යෙදුමක්. වචන අස්සේ කොච්චරක් නම් රහස් හංගන්න පුළුවන්ද? කොවුල බිත්තර දාන්නේ කපුටු කූඩු වල ... එහෙන් මෙහෙන් අහුලන් කාලා,ජරා සතා කියලා අපහාස උපහාස විඳගෙනත් අම්මෙක්ගේ උණුසුම දීල අර බිත්තර ඔක්කොම රකින්නේ ඔය සමාජයෙන් ගැරහුම් ලබන කපුටා. බිත්තර බක් මාසෙදි පුපුරල කොවුල් පැටවු එළියට ඇවිත් ටික කලක් යනකොට තමයි උන් උන්ට වෙනස දැනෙන්න ගන්නේ. එතෙක් අර කපුටු අම්මගෙන්ම යැපිලා උන්ටම අරියාදු කරන මේ නංගිත් බොහෝවිට අන්න එහෙම එකම තාත්තගේ නොවෙන අනුන්ගේ කොවුල් පැටියෙක්. ඊළඟ පදය විප්ලවයක්! "නංගියෙ අම්මගෙන් උඹ ඉල්ලනවද ගේම" කවියකට ගැළපෙන සෞම්‍ය පද දිගට ගලන් ඇවිත් මේ හතරවෙනි පදේදී අයියගේ ආවේගේ වත්තේ භාෂාවෙන්ම දඩස් ගාල අත්හරින එකයි අන්න ඒ විප්ලවේ! ජය වේවා සම්මත කවි හෝ ගී පද රචනා භාෂාව කුඩු කරපු මේ විප්ලවේට! ---------------------------------------------- තනෙ කඩා විසිකර පත්තිනි වී නම් අනේ හාමතෙ අපි මැරිලා එහෙනම් වණේ පාරන්නෙ වන පල විස වී නම් නඟෙ දැං යමං පඬි පුර ගිනි තියපන් ඔය පත්තිනි කතාවේ, පත්තිනි එහෙමත් නැත්නම් කන්නගී තමන්ගේ ස්වාමියා කෝවලන්ව නිරපරාදේ මරා දාන මදුරාවේ රජාට සාප කරලා වම් තනේ කඩලා පොලවේ ගැහුවහම ඒ සාපයෙන් මදුරාපුරයම ගිනිගෙන අලුවෙලා යනවා. හැබැයි මිනිස්සු කොච්චර ගාණක් මැරුණත් තමන්ගේ පතිවත රැකීමේ අනුහසින් කන්නගී දේවත්වයට පත් වෙනවා පත්තිනි විදිහට. අම්මට ගරහන නංගිට අයිය කියනව; අපේ අම්මටත් තිබ්බ තනේ කඩල බිම ගහල පත්තිනි වගෙ හැම දේම අත හැරල , සමාජෙට සාප කර කර , පතිවත රැකන් දේවත්වයට යන්න.. ඒත් එහෙම වුණා නම් උඹයි, මායි මැරෙන්නේ හාමතේ. හැබැයි ඒ දේව කතා ෆැන්ටසියෙන් මිදිලා අම්මා පොළොවේ පය ගැහුවේ උඹෙයි, මගෙයි බඩ පුරවන්න. එහෙම බලද්දි , වේසියක් උනු අපේ අම්ම පත්තිනිට වඩා කොච්චර උතුම්ද කියලා. වෙස්සන්තර බවුන් වඩලා ලෝකේ දුක නිවන්න මාර්ගේ හොයද්දි , වනේ ගිහින් අමාරුවෙන් පලවැල නෙලන් දරුවොන්ගේ දුක නිව්වේ "අම්මා", මන්ද්‍රි දේවි. මේත් අන්න එහෙම අම්මෙක්! අයිය අහනව උඹ ඔය තුවාල පාරන්නේ එහෙම නැත්නම් අම්මගේ චරිතෙ ගැන හාරන්නේ ඇයි උඹට අම්ම ඇඟ විකුණලා අමරුවෙන් හොයන් ඇවිත් කන්න දුන්නු දේ විස වෙලද? "නඟෙ දැං යමං පඬි පුර ගිනි තියපන්!" එහෙනම් වරෙන් යන්න.... අම්මට නෙමෙයි , අම්මව මේ තත්වෙට පත් කරපු සමාජෙට ගිනි තියන්න කියලා. --------------------------------------------- (Part 1 of the Review)

මන් 13 ශ්‍රේණියෙ දරුවෙක්..අද අපේ ස්කෝලෙ මේ සිංදුව දැම්ම.. සිංහල සර්ගෙ සිංදුව වෙනුවෙන් කරපු ලස්සන විචාරයක් එක්ක😊❤ ඒ විනාඩි කිහිපය භාවනාවක් වගේ දැනුන🖤 පපුවටම දැනෙන වචන ටිකක් එක්ක සිංදුව ලස්සනට ගායනා කරනවා සාදර සර්..❤ "සතා කියා ඉඳහිටකදි ඇහුවාට... කතා හදන උන් සේරම බෝසත්ද.. යකා වැහෙන්නට පෙර උඹෙ අයියාට... කතන්දර එපා වැඳපන් අම්මාට.." ගීතයේ හදවතටම දැනෙන වචන පෙළ🖤 මිනිස්සුන්ගෙ හදවතට කතා කරන්න පුළුවන් මේ වගේ ගීත අපේ රටට ආඩම්බරයක් සර්..❤

ඇග හිරිවැටුනු සිංදුවක් 😢 මෙවන් අතිවිශිෂ්ට නිර්මාණයක් බිහිකල නිර්මාණකරුවන් සියලු දෙනාටම හිස නමා ආචාර කරමි❤

Trending 1 වෙන්න ඕන සිංදුවක් ❤ ටිම්රාන් කීර්ති මහතාගේ සාර්ථක නිර්මාණයක් 😊

2021මැයි ❤️ ආයේ ආයෙ අහන ඇබ්බැහිවීමක් මේක..😊❤️

කොච්චර ඇහුවත් එක පොඩ්ඩක් වත් එපාවෙන්නෙ නැති සින්දුවක් සාදර අයියේ 💪💖

"කතන්න්දර එපා වැදපන් අම්මාට" SADARA BANDARA I FEEL IT BRO 🖤💯

තෙරුවන් සරණයි අපේ කගම හාමුදුරුවනේ. ඔබවහන්සේ නිසා මේ සින්දුව ඇහුවේ

පටන් ගත්තේ රෑ 12 ට විතර .. දැන් පාන්දර 5:07 යි .. තාම අහනවා ..

මගේ පුතා හම්බෙන්න ඉන්නකොට මම මේ සිංදුව ඉහේ කෙස් ගානට අහන්න ඇති.මම ආසයි මගේ පුතත් මේ වගේ හදවතට කතා කරන ගායකයෙක් වෙනවට.මේ සිංදුවේ තියෙන මව් ගුණ රසය මට කියලා නිම කරන්න බෑ...මට මගේ පුතා october 17 ලැබුනා.ලස්සනම ලස්සන පුතෙක්.මට හරිම සතුටුයි.ඇත්තටම අපේ අම්මලා පත්තිනි මෑණියන්ට භාර වෙනවා දරුවා ලැබෙන්න ඉන්නකොට..නමුත් අපි අපේ තනේ කඩලා දාලා හිටියොත් ඒ වගේ උනොත් අපේ කිරි කැටියා බඩගින්නෙ ඉඳිවි.මොන ප්‍රශ්නයක් ආවත් දරුවෝ වෙනුවෙන්ම නැහෙන අපේ අම්මලාට පත්තිනි මෑණියන්ගේ පිහිට ආරක්ෂකවම ලැබෙන්න ඕන.

කාගම සිරිනන්ද හිමියන් ඔබගේ ගීතය සරලව ගැබුරින් ලස්සනට මගේ පොඩි චෙනෙල් එකේ තේරුම් කරලා තියෙනවා.. ඔබ තුමාට ගොඩක් ස්තුතියි... ගොඩක් අය මේ ගීතය මේ දම් දෙසුමෙන් පස්සෙත් බලන්ට ඇති.. කියා මා සිතනවා.. තවත් මෙවන් හොද නිර්මාණය කරන්න ශක්තිය ලැබේවා.. බුදුසරණයි..

මේ සිංදුව අපිට මුලින්ම අහන්න දුන්නේ අපේ සිංහල සර්. 11 වසරේ සිංහල tution clz එකේදි. ඒ මුලින්ම ඇහුවට තේරුම නොතේරුනු මේ සිංදුවේ ලස්සන විචාරයකුත් එක්ක. එද ඉදන් මේක මගේ කැමතිම සිංදුවක් ❤ දැනට අවුරුදු 2කට වගේ උඩදි අපේ සිංහල ස' නැති වුණා සර්ට අවුරුදු 30ක් වෙන්නත් කලින්, Bike accident එකකින්. අදටත් මට මේක අහද්දි මතක් වෙන්නේ සර්ව එදා මේ ලස්සන සිංදුවේ තේරුම කියලා දුන්නු හැටි.

ආදරෙයි මෙකේ හැම වචනයකටම මචන්... උඹලා වගේ තව නිර්මාණකරුවො සැබෑ සංගිත රසය අපිට දෙන උන් තව තව බිහි වෙන්න ඔනේ. මේ දැනට තියන මල් සිංදු ගොන් trend එක කඩන්න. දිගටපන් කරන් පලයන් මචො. ජය

තාමත් සංගීතේ මැරිලා නෑ 😍💫♥️ වචන නෙවෙයි මේවා හදවත ගලවන උණ්ඩ 🥺🖤 දුක :- අහම්බෙන් අද සිංදුව හම්බුනේ 😕 Good luck 😍🖤

තෙරුවන් සරණයි සිරිනන්ද ස්වාමින් වහන්සේට අර්ථවත් හරවත් බණ දේශනා කරන ඔබ වහන්සේට 🙏🙏🙏දෑතම හිස මත තබා නමස්කාර කරමි. ඔබ පසු පසින් රැගෙන ආව මේ ගීතය අද තමයි ඇහුවේ ගායක ඔබත් හරිම අපූරුවට ගායනා කරනවා පින් සිදුවේවා ඔබට ලස්සනයි.

හිරිවැටිල ගියා ඒ වචන වලට....හරිම ලස්සන නිර්මාණයක් ....සුහ පැතුම් 😢😢😢❤❤

මෙච්චර ජනප්‍රිය පට්ටම පට්ට සින්දුවක් අහන්න වොයිස් බලල ආව උන් වෙනුවෙන් විනාඩියයි තප්පර තිහක නිස්සද්දතාවට.. 😁😁

වැදලා කියන්නෙ අයියෙ මම උබට හිතට වැදුණා මට උබෙ වචන ටික තව බැහැ අහන්නට මුන්⁣ගේ ඇඩියාව කරපන් සිංදු තව තව මෙ විදිහටම

පිං අපේ හාමුදුරුවනේ. ඒවගේම සින්දුව කියන සහෝදරයා ඔයා ගොඩක් දක්ෂයි බුදුසරණයි

කාගම හාමුදුරුවන්ගෙ මේ ගීත් විචාරය අහල තමයි මමත් ඇහුවෙ...ඇත්තටම අර්ථවත්,සංවේදී ගීතයක්...ගායකයටත්,විචාරකයටත් ස්තුති වෙමි...ඇත්තරම රාජ්‍ය සම්මාන දෙන්න ඕනෙ මේවට...💯

හිතලම අමාරුයි ඔළුවට, දැනිල ම අමාරුයි පපුවට!

ඇත්තටම රියැලිටි වැඩසටහනකින් මේ ගීතය අහල පස්සෙ ඔර්ජිනල් සින්දුව අහපු උන් ගැන දුකයි.ඔර්ජිනල් song එකේ තියන feel එක අනිත් මොකෙන් වත් මට දැනුනෙ නෑ.ඇත්තටම සාදර කියන්නෙ වැඩ්ඩෙක්.💪🤜🤛👌👍

මේ ගීතයට දෙන්න පුලුවන් හොදම සම්මානය දෙන්න ඕනැ .ගීතයක් කියලා හිතෙනෙ මට විතරද.

ඇත්තටම අර්ථවත් ගීතයක්.කාගම හිමි කල පැහැදිලි කිරීම නිසා ඇවිත් බැලුවෙ. විශිෂ්ට නිර්මාණයක් ගායනයක්.💐💐💐🤜🤛

අවවාදයයි...😱 සවන්දීම අතිශය ඇබ්බැහි වෙන සුළුය..😍

ලොකු තේරුමක් තියෙන මෙම ගීතය හැමදාම වගේ අහනවා,මේ වගේ ලස්සන නිර්මාණ තව තවත් කරන්න ශක්තිය අයියට ලැබෙන්න ඕනේ

කාලෙකින් අහපු පට්ට තෙරුමක් තියන සිංදුවක් ..මෙවා තමා trending එන්නෙ නැත්තෙ

රිලීස් කරපු දවසේ ඉදන් මන් අහනවා මේ සින්දුව ❤️

අවු.18 පුරාවට සින්දු ඇහුව වුනාට හිතට වැදුණු පට්ට සින්දුවක්.👏💯අද ඇහුවෙ. යකා වැහෙන්නට පෙර අය්යාට කතන්දර එපා වැදපන් අම්මාට

කියන්න දෙයක් නෑ.... මේකට comment කරන්න තරම් අපි advance නෑ... අපිට වචන නෑ

ඔබවහන්සේ ට පින් සිද්ධ වෙන්න...මේ සිංදූව ඇහූවා....මාරම කියල වැඩක් නෑ ❤❤❤❤

සිරාවටම මේ සිංදුවට සම්මානයක් දෙන්න ඕන... Respect 🔥

කතන්දර එපා වැදපන් අම්මාට ❤🙏❤❤

2020 මේ සින්දුවට ආදරේ අය ඉන්නවද ❤️💚💜️

මෙන්න සිංදු මොන්ටිසෝරි ගීත ගයන අයටත් මේ වගේ නිර්මාණ කරන්න පුළුවන් වෙන්න ඕන ගීතය තුල විදින්න පුළුවන් අර්ථ රසයක් තිබෙන්නට ඕන මේක තමයි සමජයේ ඇත්ත පැතිකඩ නියමයි good luck

ජනතාව ගේ කලාකරුවන් තවත් මෙවැනි නිර්මාණ කිරීමට ශක්තියක් ලැබේවා ස්වාමීන් වහන්සේට පින් ඔබ වහන්සේ නිසා තමා මෙවැනි ලස්සන නිර්මාණයක් අහන්න දකින්න ලැබුණේ ගීතය නිර්මාණ කරපු සහ ගායනා කරපු දරුවන්ට තවත් මෙවැනි ලස්සන නිර්මාණ කිරීමට ශක්තියක් diriya ලැබේවා තෙරුවන් සරණයි ❤❤

මේ වගේ ගැඹුරක් තියෙන කවි සින්දු ලියන්ඩ පුලුවන් කොල්ලො ටිකක් තවමත් ඉන්න එක ගැන පට්ට සතුටක් තියෙන්නෙ

පොඩ්ඩියේ කියන්නෙ හොද අර්ථවත් ගීතයක්. විශ්වාස කරන්න මේ සින්දුව 50 වතාවට වඩා ඔන්ලයින්ම ඇහුව තෑන්ක්ස් සාදර අයියෙ ❤️

දරු දූක හැ බර දැනෙන්නේ අම්මට. ඒ වෙලාවට අම්ම පීන් පවු බලාන්නො නැ. මෙහි අර්ථය ගැඹුරුයි. ඉහලම නිර්මාණය ක්.❤

මේ සිංදුව අහපු කීවෙනි පාරද කියලවත් මතක නෑ ඒ තරම්ම ගොඩක් ලස්සන ලොකු අර්තයක් තීන සිංදුවක් .❤

අවුරුදු 4 කට පස්සෙත් 2022 අහන අය කෝ බලන්න😊😌

මට මන් ගැනම කෙන්තියි මෙ සින්දුව ඇහුවෙ 2021

විශිෂ්ඨ නිර්මාණයක්.ඇත්තටම ලස්සන යි.මෙ වගේ ලස්සන ගීත ගයන්න ශක්තිය ධෛර්යය ලැබෙන්න පාර්ථනා කරනවා.

ඉතාමත් ගැබුරු අර්ථයක් තිබෙන.. 😮 ගීතයේ සංගීතයත් සමග ( විශේෂයෙන් ගිටාර් කොටස ) වෙනම ලෝකයකට මනස රැගෙන යන.. ඉතාමත් මිහිරි සහා වටිනා නිර්මාණයක් සාදර අයියා අපිට දීලා තියනවා ❤ මේ වගේ මිහිරි සංගීතය මුසු කරමින් වටිනා නිර්මාණ අප වෙත ගෙන එන්න ශක්තිය දෛර්ය ලැබේවා කියලා මං ප්‍රර්ථනා කරනවා ❤

ලියපු එකා මොන ගැබුරින් ලීවත් කියපු එකාට මෙන්න මේ වගෙ පපුවෙන්ම කියන්න බැරි නම් අපරාදෙ වචන..❤️👌

තාමත් මේ සින්දුව අහන අය❤ එක්ක් දාගෙන යන්

මේ අර්ථවත් ගීතය දායාද කීරීමේ පින මටත් අනුමෝදන් වේවා සාධු සාධු සාධු

කොච්චර ඇහුවත් එපා වෙන්නෙ නැති සිංදුවක් අර්ථය රසය පිරිලා 😍

අද තමයි දැක්කෙ.. අලුත් විදිහට පරණ ගීවල තිබ්බ ගැඹුරත් එක්ක වැදගත් පණිවිඩයක්.... රැල්ලට නොයා වෙනසක් කරන ඔබට ජය!

මෙට්‍රො හීන එක දැකල මතක් වෙලා ආවෙ....Nostalgic❤🥺

මගේ ජීවිතේ මං අහපු ලස්සනම සිංදුව... කතන්දර එපා වැඳපන් අම්මාට...😔🤍

කාගම සිරිනන්ද ස්වාමීන් වහන්සේගේ බන අහලා මේ සින්දුව මුලින්ම ඇහුවෙ..ඇත්තටම ලස්සනයි...❤❤

පිටු දාහකින්වත් ලියාලා ඉවර කර ගන්න බැරි කතාවක් ගීත රචනයකින් මිනිස්සුන්ගෙ හදවත්ටම දැනෙන්න කියලා දුන්න ඔබ දෙපලට ගොඩක් ස්තුතියි

මේක මුලින්ම Sadara කියන වෙලාවේ අහගෙන ඉද්දි ඇඟේ හිරිගඩු පිපුනා.. දැන් පස් පාරකට වඩා ඇහුවා.. තාමත් ඒ විදියටම හිරිගඬු පිපෙනවා... මේ වගේ රචකයෝ.. මේ වගේ නිර්මාණකරුවෝ සංගීත ක්ෂේත්‍රය තුල බිහිවෙන්න ඕනම කාලයක මේ ගීතය නියඟෙට වැස්සක් වගේ... අර්ථාන්විත වැඩක්.. ජයෙන් ජය ❤️❤️❤️

සියවසකට, ආයේ ලියවෙන්නේ නැහැ. මෙවැනි ගීයක් !

හොඳ ගීත ජනප්‍රිය වෙන්න ප්‍රසිද්ධ වෙන්න කාලයක් යනවා.වැඩකට නැති ගීත නම් ප්‍රසිද්ධ වෙනවා ඉක්මනට

මේ සින්දුවට ෂා නියමයි මරු සුපිරියි වගේ කමෙන්ට්ස් දාන කොල්ලොම නේද කෙල්ලෙක් හයියෙන් හිනාවුනත්, කොටට ඇන්දත්, කොල්ලෙක් එක්ක කතා කරත් උන්ට "බඩුව" කියලා අපහාස කරන්නේ? සමහරු මෙතන ලියන්න බැරි වචන පවා පාවිච්චි කරනවා. මේක අද සමාජයේ වගේම සමාජ මාධ්‍ය තුලත් දකින්න පුලුවන් ඒත් හදා ගන්න පුලුවන් වැරද්දක්. බාහිර ස්වරූපයෙන් කෙල්ලෙක්ව කවදාවත් මනින්න එපා. මොකද අහිංසකයි වගේ පෙනෙන කෙල්ලෝ ඇත්තටම අහිංසක නොවෙන්නත්, දගකාරයි වගේ පෙනෙන කෙල්ලො ඇත්තටම හිතින් අහිංසක වෙන්නත් පුලුවන්. මේ සින්දුවෙන් සාදර අයියා පෙන්නලා දෙනවා සමාජය තුල පොඩ්ඩිගේ අම්මට විදින්න සිද්දවුන අපහාස ගැන. "සතා කියා ඉදහිටකදි ඇහුනාට කතා හදන උන් සේරම බෝසත් ද" මේක ඇහෙද්දි උබටත් ඒ අම්මා ගැන අනුකම්පාවක් ඇතිවුනා නේද? මේ සින්දුව රසවිදපු උබට මට හැදෙන්න පුලුවන් බං. උබේ යාලුවෙක්ටවත් කෙල්ලන්ට නොමනා විදියට අපහාස කරන්න දෙන්න එපා. උන් උබව බයිට් එකට ගනියි. ඒත් උබ උන්ට වඩා මනුෂ්‍යත්වයෙන් සහ පෞරුෂත්වයෙන් උසස්. සාදර අයියාගේ මේ නිර්මාණය බොහොමයකගෙ ඇස් අරවන්න සමත් වෙලා තියනවා. ඉදිරියටම යන්න අයියේ උබට වරදින්නෙ නෑ.

2021ත් අහන අය කෝ...❤️❤️❤️

තේරුමක් තියෙන සිංහල සින්දු අහන්න ලැබෙන්නෙ කලාතුරකින් 😊

අවුරුදු 5ක් ගෙවිලත් මේසින්දුව අහන අය මේ කොනට..❤️👈

කොහොමද සිංහල භාෂාවේ ප්‍රබලකම.ස්තූතියි ඔබලාට ඒක ඔප්පු කලාට...

Great! ජය 🇱🇰!

කාගම සිරිනන්ද අපේ ස්වාමින්වහන්සේගේ බණ අහලා සිංදුව අහන්න ආවේ🙏 ස්වාමින්වහන්සේට අනේක වාරයක් පිං🙏🌼

Fb account,Email,Instagram,Whatsapp Numbers හැමදේම වෙනස් උනා.හැබැයි මේ සිංදුව අහන පුරුද්ද නම් අවුරුදු 5ක් වෙලත් තාම වෙනස් වෙලා නෑ ♥️ දවසට එක පාරක් අනිවාර්යයෙන්ම අහනවාමයි ♥️

ගණිකාවක් වුනත් එ් අම්මා තුල "අම්මා" කියන හැගිම තියනවා...💙(tika welawak giya e haraya therum ganna)✌

ආඩම්බරයි, අයාලේ යන බහුතරයට නොව , අනාගතයට නිර්මාණ කරන සැබෑ දක්ෂයින් ගැන.........

ඇත්තටම මාර ලස්සනයි .කාගම හාමුදුරුවෝ ලස්සනට මෙ සින්දුව පෙහෙඩිලි කර .අත්තටම මාර ලස්සනයි අය්‍යෙ මෙ සින්දුව ❤❤❤❤

ඇස් වලට කදුලු ආව සින්දුව අහල...❤️ හිත පිරුන comment කියවල..😌