Мұсылманның бұл өмірдегі Исламнан кейінгі тапқан ең қымбат қазынасы - ізгі әйел. Ізгі әйел өзіне қараған ерінің көз қуанышына айналады, күйеуі бұйырған істі орындап, тілін алады. Күйеуі жоқта оның мүлкі мен ар-намысын қорғап, өзінің абыройын сақтап, қиянат жасамайды.
Ең маңызды іс - жарды дұрыс таңдау. Таңдаған жарың иманды болуы керек, жүзіне қарағанда көңілің жадырайтын, тазалықты сүйетін, бұйырған шаруаны орындайтын, сен жоқта сенің намысың мен мүлкіңді сақтап, өз абыройына сақ болатын әйел болуы керек.
Абу Саид аль-Худриден (Алла одан разы болсын) жеткен басқа бір хадисте Пайғамбарымыз (ﷺ) былай дейді: “Әдетте әйелге төрт қасиетінің бірі үшін: байлығы, тектілігі, сұлулығы және діні үшін үйленеді. Діндарын (имандысын) таңда! Әйткен күнде, құтың қашып, қадірің кетеді“.
Алла барша бойдақтарға салиқалы жар нәсіп етсін! Бір-бірін түсінетін, сыйлайтын, өзгелерге үлгі болатын жақсы отбасы болуды Алла Тағала баршамызға нәсіп етсін ❤️