Қоғоз дастлаб (2-аср) Хитойда олинган. Цай Лун ўсимлик толаларининг сувли бўтқасини тўрдан ўтказиб, қоғоз олишга муяссар бўлган. Бу усул кўп вақтларгача сир сақлаб келинди, 6-аср бошларида Японияда жорий қилинди. 6-8-асрларда қоғоз ишлаб чиқариш Осиёдаги бошқа мамлакатларга тарқалди. 7-асрнинг бошларидан - 19-асрнинг 1-ярмигача Самарқандда ишлаб чиқарилган қоғоз Туркистондагина эмас, балки қўшни мамлакатларда ҳам машҳур бўлган. Кейинчалик қоғоз тайёрлаш араблар орқали Эрон, Шимолий Африка ва Кипрга, кейинроқ эса Испания, Марокаш ва бошқа мамлакатларга ёйилди.