Рет қаралды 82
Ғабит Мүсірепов атындағы облыстық балалар-жасөспірімдер кітапханасының ұжымы Желтоқсан оқиғасының 35 жылдығына орай іс-шара өткізіп, аса көрнекті жазушымыз Сафуан Шаймерденовтың ерлігі туралы өлеңімді оқып қайттым 👇👇👇
Сафуанның ерлігі
Жазушы көрем,
Тек қана өзін ойлаған,
Мансапқа, даңққа қызарып көзі тоймаған.
Еңбегі елге сіңбестен сыйға бөленіп,
Жағынып жұртқа бойдағы дертін жоймаған.
Журналист көп қой,
Көрсеткен істің шаласын.
Сүйсе де өзі журналистика саласын.
Қара басының қамымен тірлік еткен соң,
Қараша жұртқа жабатын пәле-жаласын.
Аудармашы да
Аз емес, шыққан атағы,
Болмай тұр, бірақ, оның да елде шатағы.
Көңілі тоқ боп, көйлегі көк боп жүрген соң,
Неліктен "Отан!" "ЕЛІМ!" деп басы қатады.
Желтоқсан желі соғып тұр,
Әлі басылмай,
Шаң жұтып қалды тарихтың беті ашылмай.
ЕРЛІГІН жасап Сафуан атам өтті ғой,
ЕЛДІКТІ сақтай алса ғой халық шашылмай.
Мәні де қашты бүгін де
ШЫНДЫҚ - ӨЛЕҢНІҢ,
Керегі қанша АҚИҚАТ айтпас төреңнің.
Сафуан сынды шыншылды таба алмайсың,
Дефицит болған кезінде Әбдік Төленнің.
Сафуан өлді,
Колбиндер болса қаптады,
Қаптаған сайын арыңды қорлап, таптады.
Жағымпазданып жағдайын жасап алғандар,
Жағымпаздарды шәкірт қып алып баптады.
Даралығына ілесе алмай қалатын,
Шалалығына күйініп ізін салатын.
Айта алмай қалып Сафуан құсап шындықты,
Қайталай алмай ерлігін жырлап алатын.
БАТЫЛДЫҚ десең,
Күлкіге қалдың көп жерде,
БАТЫРЛЫҚ десең,
Оның да мәні жоқ елге.
Қатынның ісін жасайтын мінез өлген соң,
Жақынға жете қоймайды айтқан өкпең де.
Колбин боп кетті
Өзіңнің дара қазағың,
Төзімді халық көреді соның мазағын.
Сафуан жоқ қой, бірақ та, біздің ортада,
Мінберге шығып жеткізер елдің азабын.
©️Самрат Құскенов
#СамратҚұскенов
#ЖаламенЖаза
#самратқұскенов
#ІңкәрЖүрек
#поэзияменіңжүрегімде