Рет қаралды 83,108
Түркістан облысында айуандықпен өлтірілген бес жасар Еркежан Нұрмаханның жақындары мен ауыл тұрғындары бүгін наразылыққа шықты. Айтуларынша, қаршадай қыздың өліміне бір ғана адам кінәлі емес. Алайда, олардың бәрі бостандықта жүр деп жыларман. "Әділдік іздейміз" деп плакат ұстаған халық жанайқайларын тас жолды жауып жеткізді.
НАЗЕРКЕ ҮКІБАСОВА, тілші:
- Түркістан облысы Сарыағаш ауданындағы бес жасар Еркежан Нұрмаханның азаппен ажал құшқанына бүгін тұп-тура бір апта болды. Қаршадай қыздарын жер қойнына тапсырған ағайыны бүгін оның жеті күндік асын өткізді. Осыдан кейін ашуға булыққан жақындары мен ауыл халқы плакат ұстап жанайқайын жеткізді.
Әділ тергеуді талап еткен көпшілік күдіктілердің бірі бостандықта жүргенін айтады. Сөздерінше, қанды қылмысты бір адам ғана жасамаған. Осылай деп жанұшырған ағайын полицияның да жұмысын немқұрайлы атқаратынын айтады. Жанайқайын жеткізу үшін Қазақстан мен Өзбекстанды жалғап жатқан тас жолды да жапты.
Ал, аудан әкімдігі қара жамылған отбасының талабы орындалады дейді. Яғни, оларға тергеу деңгейі жайлы ұдайы хабарланып отырмақ.
АЛДИЯР ҚОЗЫБАЕВ, Түркістан облысы Сарыағаш ауданы әкімінің орынбасары:
- 11:45 те 20 шақты туысқан әйел азаматтары қылмыскерлі қолымызға беріңіздер деп жолды жаппақшы болды. Дегенмен де оған рұқсат берілген жоқ. Түсіндіру жұмыстарының нәтижесінде олар ауыл әкімдігінің ғимаратына шақырылып, түсіндіру жұмыстарынан кейін тарады"
Еске салайық, 13 шілде күні Түркістан облысы Сарыағаш ауданында бес жасар қыз жоғалып, кейін сау-тамтығы қалмаған денесі көрші үйдің шатырынан табылған еді. Оны өлтірді деген күдікпен 48 жастағы көршісі қамауға алынды. Белгілі болғандай ол бұған дейін адам өлтіргені үшін 10 жылға сотталып, адам денсаулығына зиян келтіргені үшін де істі болған екен.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал