Рет қаралды 74,456
In this video we are going to tell you saving millions by getting house rightly designed. Agar aap apna ghar sahih se design karte hain tu aap ko buhat bachat milte hai. Hum ghar se related information apne channel Ghar Plans Pakistan par laate rahain gaye aur laate rehte hain.
Aaj main aap ko batane ja raha houn ke aap apna ghar sahih se design karva lain tu aap kaise lakhoun rupay kama sakte hain ya doosre lafzoun main 25 lac bacha sakte hain. Aesthetics aur design main jo benefit milta hai wohh baad ki baat lakin abhi tu main baat kar raha houn bachat ki tu ache architect se aap ghar tu buhat acha design karva sakte hain lakin wohh is video ka scope nahin hai. Yeh batane se pehle ke aap kahan kahan aur kaise kaise 25 lac bacha sakte hain se pehle yeh batana zaroori hai jo ke lazim hain ke aap yeh savings hasil kar sakain:
1. Aap ko khud se design process main involve hona hai
2. Aap ko eik reliable aur trustworthy architectural team ko kaam assign karna hai jo ke aap ka kaam sahih se aur involve ho kar kare. Templates daine ka aadi na ho
3. Architect apna kaam khoob se jaanta ho
DOOR WINDOW SCHEDULE
Aap jab architect ke paas jaate hain tu eik cheez aap ki buhat se drawings main aap ko yeh milte hai. Jee door window schedule. Kuch architects yeh karte hain ke standard door window schedule paste kar daite hain. Agar koi architect meri yeh video dekh rahe hain aur wohh aisa karte hain tu meri yeh guzarish hai ke aisa na karain. Kyon ke sahih door window schedule agar bana hoa ho customer ya client ke requirement ke mutabik tu us ke liye bhi faidamand hai aur lakhoun ki bachat bhi hai. Ise tarah client ko educate karna hai ke openable windows main aur fixed windows ki keemat main zameen asmaan ka farq hai.
On average aap is se 5 lac tak bacha sakte hain.
ELECTRICAL AUR PLUMBING DRAWINGS:
Ab hum baat karte hain electrical drawings ki aur sath main plumbing drawings ki. Aap ko pata hi ho ga ke eik eik switch kitna cost karta hai aur wire ke eik roll ki kiya cost hai. Ise tarah bulb tu kafi lage hona lakin kamre main raushni kaam hona jis se eik tu kharacha barhta hai aur sath main utility bhi wohh nahin milte. Ise tarah mujhe tu kafi bura lagta hai. I don’t know aap ko bhi shayed bura lagta ho ke jahan wire tu dalee hoi hote hai lakin us ki koi utilization nahin hote. Phir hum dewaar par tikiyan laga daite hain aur yeh dekhain eik jaga par doo doo tikyaan lage hoe hain. Plumbing aur electrical pipes jab randomly daale jaate hain tu takreeban darh guna se double daale jaate hai. Is ka matlab hai ke layout ke mutabik agar pipes sahih se daale gayain tu takreeban aadhe pipes lagain gaye. Yeh pipes daalne ka kharach lakhoun main hota hai aur wohh cost aap ko aadhi ya 70% bhi reh gaye tu huge saving hote hai.
KITCHENS AUR BATHROOMS KA LAYOUT AUR INTERIOR DESIGN:
Interior karvana mehnga zaroor hai lakin jitna aap poore ghar ka interior ka pay karte hain us se zaida aap ko kitchen ka sahih design aur interior hone se pay off kar jaata hai. Ise tarah main nain shayed pehle bhi bataya tha ke eik bathroom agar aap ko pasand na aya tu material itna mehnga ho chukka hai ke us ki tiles hi turvana aap ki interior designing costs save kar daita hai. False ceiling na pasand aana, media wall na pasand aana, floor, doors aur is tarah ka buhat kuch jo aap sooch sakte hain is ke ilawa hain.
STRUCTURE:
Chalain ji ab a jaate hain structural drawings par. Structure ke hawale se smart design buhat lazim hai. Smart design ke hawale se eik chooti si tip de doun ke regular shaped ghar aap ko cost saving de ga. Ab zaroori nahin ke aap regular shaped design hi rakhain lakin bilkul irregular shaped design karna bhi munasib nahin. Eik ache architectural team is cheez ka khayal rakhe gi. Structural drawings main sahih se beams daalna aur sahih jaga sahih quantity saria daalna aap ko saving de daita hai. Ise tarah agar architect aur structural engineer ki coordination ho tu layout plan se kafi cheezoun ko optimize kiya ja sakta hai. On average eik beam aap ko 50,000 rupay ki par jaate hai.
Chalain main zaida nahin karta aur assume kar laita houn ke aap ko structural drawings ki waja se Rs. 200,000 ki saving a gaye gi.
SURPRISE LOSS:
Hum assume kar laite hain ke average loss jo ke aap ko hota hai wohh Rs. 2 lac hai in surprises ka
CONSTRUCTION SOLUTIONS:
Ache architects aur agar poori team hai tu us ko individual se advantage yeh hota hai ke engineers aur architects ki construction solutions par discussion hote rahte hai. Waise bhi eik tajarbakaar architect aur interior designer apne aap ko updated rakhta hai aur aap ko batata rehta hai ke kiya aap ke munasib hai aur kiya nahin.
FRONT ELEVATION:
Front elevation bhi aap ache se design kar aur karva sakte hain jo acha bhi ho aur sasta bhi. Eik acha elevation bhi aap ko atleast Rs. 100,000 ki tu saving de sakta hai.
Bilkul end main total savings bata doun ke kitne hoi tu aap 25 lac rupay bacha sakte hain.