Қазақ халқының көне үрмелі аспабының бірі -Сазсырнай аспабы.Әуеліде бұл аспап балалардың ойын аспабы болған.Қазіргі күнде этнограф ғалым Болат Сарыбаевтың еңбегінің нәтижесінде бұл аспап Консерватория қабырғасында арнайы пән ретінде оқытылады.Арнайы пән ұстазы Gulfairuz Dalbagay апай.
Сіздерге ұсынып отырған аспабым сазсырнай аспабының балаларға арналған нұсқасы.Ел іші-өнер кеніші демекші өнер халықтікі.Сол себепті бұл аспапты арнайы оқу орнындағы пәннен бөлек ел арасында кең таралу мақсатында шеберханамызда сазсырнайдың оңай ысқырылатын түрі жасалып,жеке үйрену әдістемесі құрастырылған болатын.KZfaq парақшасындағы qazaq_instruments
каналынан аспапты меңгеру жолдарын көрсеңіздер болады. Осы күнге дейін Сазсырнай аспабының осы түрінен шеберханамызда 5000 данасы жасалып шығарылды.Аспаптың диапазоны 1октава, хроматика.Аспапты кеңінен қолдану үшін барлық тональностьте жасау көзделуде. Амангелді Ясмина сазсырнай аспабын 5жасынан ойнап келеді.Болашағынан үлкен үміт күтетін Ясмина қазіргі таңда жеті аспапты меңгерген.
Көне ұмыт болған аспаптардың халық арасында кеңінен таралуы үшін,шеберханамызда жасалған аспаптардың бір нұсқасын фольклорлық ансамбльдерге және жеке орындаушыларға сыйға берілуде.
Р S.Еліміздегі ұлттық музыкалық аспаптарды жасайтын шеберханалар мен тәжірибе алмасу мақсатында аспаптың жасалу жолы көрсетілді.