Монголын шинжлэх ухаан сонирхогчдын хамгийн том цугларалт SciCon 2024 дээр юу болсон бэ?
Энэ жилийн слоган маань A New Hope буюу Айсуй Найдвар байсан юм. Бүх агуулга, өнгө төрх, хүргэхийг хүссэн мессеж маань үүнтэй холбоотой байсан. Гэхдээ хамгийн чухал нь эдгээр хүмүүсийн нэгдэл, хүрээлэл, энэхүү community өөрөө Айсуй Найдвар юм.
Өнгөрсөн жил SciCon гэх эвент санаа төдий байхад үүнийг амжилттай болно гэдэгт цөөн хүн л итгэж байлаа. Хүмүүс шинжлэх ухааны эвентийн тасалбарыг энтертайнмент тоглолтын тасалбар мэт уралдан авна гэдэг үнэмшилгүй санагдсан биз.
Гэхдээ бид чадсан шүү. Бүтэн өдрийн турш хүн төрөлхтний супер ололт нээлтүүд, математик, хиймэл оюун, археологи, цөмийн физик, сансрын технологи, суперкомпьютер, эрчим хүчний их шилжилтийн тухай тархи дэлбэлэм агуулгуудыг шимтэн сонсохын тулд зорин ирсэн мянга таван зуун хүнээр Соёлын Төв Өргөө багтаж ядан байв.
Нөгөө талаас яг л рок оддод зориулсан мэт гялалзсан хүндэтгэлтэй тайзан дээр гээр өөрсдийн мэдлэгээ хуваалцаж буй эрдэмтэд маань ч мөн мэдлэгийг ийнхүү үнэлж буй энэ олон хүнийг хараад урам зориг, ирээдүйдээ итгэх найдварын оч дүрэлзсэн нь гарцаагүй.
Ийм гайхалтай арга хэмжээг зохион байгуулахад хамтран зүтгэсэн бүх хүмүүс, дэмжин оролцсон бүх байгууллага, хүрэлцэн ирсэн оролцогч нартаа дахин талархал илэрхийлье.
Хамтрагч байгууллагууд:
TenGer TV
Шинжлэх Ухаан, Технологийн Сан
Badrakh Energy
Нийслэлийн Бизнес инновац хөгжлийн газар
Innovation HUB
Numur
ЦойлогсоZ
Дэмжигч байгууллагууд:
LED Mongolia
Caffe Fonte
Arig Anya restaurant
Vitafit Group
EZ Эдийн Засаг
Цөмийн энергийн комиссын Ажлын алба
The Filmbridge
Space Academy Mongolia
МОНГОЛЫН ОЮУН УХААНЫ АКАДЕМИ
Ré paper studio/ Ré цаасны студи