Рет қаралды 62
Семей полигоны - КСРО ядролық сынақ полигондарының бірі, аса маңызды стратегиялық объектісі болды. КСРО заманында Қазақстан аумағында атом бомбалары сынақтан өтті. Полигон аумағындағы соңғы жарылыс 1989 жылдың 19 қазанында өткізілді. 1991 жылдың 29 тамызында Президент Н.Назарбаевтың Жарлығымен Семей полигоны жабылды. Міне осы күнге орай, Қазақстандағы Жапон елінің JICA офисінің бағдарлама үйлестірушісі Редькин Геннадий Геннадьевич және осы орталықтың денсаулыққа қатысты сұрақтарының кеңесшісі Мишима Шиори, Семей қаласының денсаулық сақтау орталықтарын аралап шығып, “Шамшырақ” клубына да, ат басын бұрды. Олар зағип жандардың массаж жасау ісін дамыту жобасын талқылап, өз ұсыныстарын ортаға салды.