Pyetjet dhe sfidat që usulistët intelektual kanë drejtuar ndaj hadithologëve tradicionalistë të fushës së haditheve janë të ndryshme dhe kanë pasur një spektrum të gjerë temash, të cilat përfshijnë kritika të ndryshme për autenticitetin dhe metodologjinë.
Usulistët intelektual kanë sjellë në diskutim metodat që përdoren për të vlerësuar vërtetësinë e haditheve dhe kanë pyetur nëse ato janë të mjaftueshme për të garantuar autenticitetin e tyre.
Ata kanë pyetur se si mund të sigurohet vërtetësia e tyre kur ato janë transmetuar përmes një linje të gjatë të rrënjës së hadithit (isnad) dhe përmes shumë zinxhirëve të transmetuesve, të cilat shpeshherë bijnë në kundërshtime dhe përmbajnë kontradikta të hapta.
Kritika kyqe ka të bëj me burimet e haditheve dhe ndërlidhet me karakterin e transmetuesve të haditheve, duke paraqitur dyshime në lidhje me integritetin dhe objektivitetin e tyre. Shumë hadithe edhe pse ndoshta isnadi I tyre është Sahih ose Hasen, ato janë të kontestueshme nga pikëpamja e kuptimit të tyre, etikës, apo qëndrimeve morale. Kjo ka sjellë sfida të mëdha në interpretimin e tyre.
Pa përjashtuar këtu edhe pyetjet që kanë të bëjnë me kontekstin historic. Disa usulistë kanë kërkuar të rikthejnë hadithet në kontekstin e kohës dhe vendit të tyre origjinal, duke shqyrtuar nëse ato janë të përshtatshme për kohën moderne.
Është e rëndësishme të theksohet se ka një shkallë të ndryshueshme të qëndrimeve ndaj këtyre sfidave brenda botës islame dhe ndërmjet shkollave të ndryshme teologjike. Disa usulistë janë përpjekur të reformojnë dhe të ndryshojnë interpretimin e haditheve, ndërsa të tjerë kanë mbajtur një qëndrim më tradicional në këtë çështje.