由第一條試當真片睇到而家，第一次唔係笑到喊，而係被感動而落淚。好鐘意珈其既演繹，真係透過畫面feel到嗰鼓對親人嘅感情。

見到爺爺有活用到按摩虎口位有助舒緩

珈其喺窗抖氣嗰幕, 鼻酸得好緊要 親人年老咗需要照顧, 但正值自己為生活拼事業的黃金時間, 兩者好難抉擇

久病床前無孝子 唔係唔孝順 只是有時心很累 捱不下去 唔係想佢死 只係有時想靜一下 休息一下 連個心都好累好想喊既時間都仲要強顏歡笑 個人好易會崩潰 兩難困局 經歷過 感受好深 有D感動 已改錯字 thx師兄

好撚癲 呢個issue我都有思考過 其實我覺得真係應該要有安樂死 唔係鼓勵人去死 但至少俾多個選擇出黎揀 因為不論係照顧者定係被照顧者都係suffer緊

珈其對阿慈最溫柔既時間

頂……諗住笑住睇試當真，點知爆喊。 望窗嗰一幕好有共鳴。當時阿媽因為cancer搞到失禁，我建議過佢著尿片，佢唔願意。我真係喊住同佢講，下下幫你換褲換床單真係好辛苦，佢淡淡然講，反正我都就bye bye，喺窗口跳落去就乾手淨腳。我應佢，如果你真係跳，我跟住跳。 當然最後冇發生到，後來好彩醫生換咗藥，cancer似乎受控，失禁嘅問題改善咗。不過硬係依然有個心理負擔喺度。 我都同朋友講返件事，我朋友問，可能當時激動而講嗰番說話，唔係真係跳吧？我贊成，不過跳之前，可能諗定跟我好多年嘅琴送俾邊個先掛。 起碼而家明白人唔係immortal ，總會有個期限。就自己嘅能力，做到幾多就做，但都唔需要後悔點解冇做多啲咩，因為嗰啲「咩」其實已經超出自己能力範圍。

媽媽走的時候同自己講 , 她在這一站經歷完成了 , 要啓程去下個目的地 , 希望她現在生活愉快 🙏🏻🙏🏻

試當真暫時最高質之作： 劇本，鏡頭，節奏，配樂，調色，演技，化妝，公共性 每一樣都係恰到好處。

其實劇中呀慈既角色算好 呀婆都識得感恩個孫既照顧 有啲case係個老人家/長期病患者 因為自己行動不便等等理由 好大怨氣 如果無其他渠道發洩 佢地只可以係照顧者身上發洩 咁樣會造成惡性循環 照顧者同被照顧者一直痛苦落去

認真既劇係網上其實都好有市場，我完全明白係即食文化之下，笑野輕鬆野一定係最有noise，欣賞channel去為呢個唔太應該既現象做嘗試，channel提升之餘，同時觀眾都提升緊，各位繼續加油

好切身為家人vs為自己而活嘅兩難，阿慈唯一嗰段對白，先係最能為所有人解脫嘅說話

開開同埋Kenneth sir啊！😂

阿慈雖然得一句對白， 但真係有好深既共嗚， 喊左出黎， 唸返陪我嫲嫲走到最後果陣， 超掛住

其實呢段片係講緊香港🇭🇰 慈就好似今日既香港， locker 就好似選擇移民既人， 加琪就係留番係香港唔願於棄既人， 阿爺就係阿爺管治既香港。

送老人家去療養院係為咗善終，但留佢自己一個喺個陌生嘅地方而唔係屋企人身邊又係咪真係”善終”呢，最sad嘅係大家都知道個事實，但又無可奈何

今集真係好溫柔，比人活著嘅勇氣，但又好哀傷。儲物櫃和珈其一向好好戲無需多講，最讓人眼睛一亮嘅，係阿慈演技大大進步，扮老挑戰悲劇角色，大半時間不發一語，光憑表情肢體就好入肉，唯一一句臺詞嗰場戲真係得獎場，好似《一代宗師》宮二同葉問告白嗰場，又似《桃姐》嘅葉德嫻遇上《一念無明》嘅金燕玲，真係睇到喊。片名留喺最後先出現，唔單止打出片名咁簡單，更像反問觀眾，將屋企長者勉強留身邊沒能好好照顧，抑或送到養老院照顧才是孝順？答案始終係無解，體制問題始終大於個人一念之間，個人微小力量總心有餘力未足。呢條片真係感情真摯又有批判力道。

最欣賞慈唔會因為形象框住自己

個個演技都好好，Locker 都進步咗，加油！ 由豪哥出現開始哭撚咗😭

試當真全部人又再一次提升。全部人都見到明顯進步！好勁！

今天這條片 讓我想起以前看正港片時的感動 如果有足夠的時間和資金和資源 誰知道你們能帶給我們這些觀眾什麼樣的驚喜 你們或許就是香港本土電影的未來 太厲害了!Merry Christmas Mr.Lawrence 配樂一下更是感動的落淚 謝謝你們的影片 真的謝謝 期待今年試當真的發展

好感動，試當真所有人演得好好尤其是珈其👍

正正就是我現在遇到的情況，真係想過辭工去照顧媽媽。特別係而家疫症期間，送入去老人院，唔俾探，好怕一別就係永遠，大家記得把握每次見到父母的時間

之所以會覺得煩躁，係因為我地仲味接受到父母變老，由以前做仔女既依靠，到依家變左仔女既負擔。諗起早兩日爸爸同我講：「阿囡，仲有半個月我就可以用2蚊搭車周圍去啦。」果一刻，差啲忍唔住流眼淚。我真係好唔捨得爸爸變老。 見到阿慈唔食藥果一幕，我諗如果係我，我會因為覺得自己好冇用，唔可以阻止佢變老，令佢覺得自己係負擔而感到煩躁。 雖然知道生同死，唔係隨便就可以話事。果下既無能為力，真係好心痛。

珈其真係好好演技👍🏻，去或留無錯對，唔好用自己個套去judge人或強加人身上，彼此尊重啦

哩個劇本係試當真到而家為止最好嘅劇本，導演功力亦睇到出功架，紮實個flow唔亂，後製調色配合返氣氛。有照顧親人嘅觀眾固然有共鳴，但其實亦有深一層嘅寓意，珈其同locker角色有兩種睇法形成對比。勁！

Locker同珈其啲戲勁到，連帶阿慈都勁咗

睇到眼濕濕。 新年流流搞喊大家 嫲嫲幾年前中左風， 自此之後就一直行唔到要訓床， 開頭都仲認到人，捉得住匙羮， 當初好期望佢會好得番行到路， 到後來慢慢知道無可能喇… 早期都有送過佢去附近既療養院， 因為個個都要番工番學， 無人可係屋企睇住佢， 雖然好近可以經常探佢， 但始終都係唔捨得放佢係唔熟既環境， 可能會驚、會唔開心、會無助， 所以就帶左番屋企照顧。 依幾年來每一日都係屋企人餵佢食野，換片抹身， 明明知道屋企人番工都好攰， 放工除左煮飯做家務，仲要照顧老人家， 咩私人時間都無哂，日日重覆， 有時都好自私咁諗，會唔會有機會唔洗屋企人照顧…會唔會… 但太不孝喇…知道唔可以有啲咁既念頭… 幸運既係我地屋企唔洗係事業同家庭之中二揀一， 雖然辛苦但總算撐得住。 為父母感到驕傲，好偉大， 又返工又照顧屋企，無條件付出。 希望屋企啲長輩都健健康康長命百歲。

坂本龍一：Merry Christmas Mr.Lawrence Classic

就算自己未經歷過呢個情況，但屋企人都開始年老，都會開始諗如果有一日佢哋自理能力開始減退時或完全喪失時自己要點照顧佢哋之餘又能兼顧到自己工作，珈其完全演到嗰份掙扎同無奈出嚟，呀慈雖然得一句對白但嗰一句亦係其他人所講係比身邊人最好，最能慰藉心寧嘅一句安慰同肯定，劇情好直白，但能夠令經歷過嘅人有一種安慰，經歷緊嘅人可能會有一份支持同鼓勵，同時亦令未經歷或者將會有機會面對嘅人有一個反思，試當真，你哋真係愈做愈有，我相信你哋，你哋係會有一日喺戲院銀幕出現，你哋台前幕後嘅每一個，都絕對有呢個資格！撐臭！戲院見呀試當真仝人🤘🏻🤘🏻🤘🏻

爸爸上個月癌症走左，身為大仔既我新年流流搞緊殯儀啲事，睇到一半咖其發脾氣好身同感受喊左，最慘係依家冇得探病，佢仲要咁辛苦又照顧唔到佢，日日醫院就打電話嚟講一大輪嘢，係好彩最後可以趕去醫院響佢隔離陪佢走😢

我媽咪幾年前走了，走嘅時候很痛苦，即使到依家我都無時無刻想起佢，想起自己做得不夠好，呢種傷心心痛我諗我一世都無可能息懷。

原本諗住留言：前半段睇珈其locker同慈啲戲，雖然都有啲小幽默位，但遮咗右上角根本就以為睇緊港台劇/電影，一直以為最後會有痴線反轉，但最大驚喜就係冇驚喜，又睇到試當真一個新面貌，正！Keep 住試！坂本龍一音樂有feel !

睇完片我覺得珈其無論做戲同現實都好關心屋企人，係男人中既典範

親人離開前既一段時間真係好難捱, 特別係你明知佢已經患上絕症, 已進入倒數階段既時候. 見到佢喺病床上既痛苦, 家人日日出入醫院又係另一種痛苦.

做得夠多啦，唔好勉強自己🥺🥺🥺 呢句先係重點。大家嘅演技都好正，個心拿住拿住

條片好正好好睇👍🏻👍🏻錯重點，睇it狗睇上腦，一見到爺爺同locker就諗起開開同Kenneth sir😂😂😂😂

我feel到珈其陪阿婆個心情好似佢陪住佢爸爸走最後一程。好入戲

係ar，就算幾辛苦都值得 比我揀多幾多次都會咁做，佢走咗之後我反而覺得自己好好彩，可以喺佢最後果段時間有照顧佢，今生無憾

試當真第一條睇到感動到喊嘅片 各位演員都演到該角色嘅精粹 亦帶出好多年輕人/中年人照顧老人家嘅心聲 雖然知道自己嘅照顧改變唔到老人家死亡嘅結局 但因為「愛」「親情」令我哋產生咗一種責任 如果我哋唔照顧好佢哋 我哋會有負罪感 Locker一句「之後呢？」 礙於生活嘅限制 我哋大多數人都冇可能好似珈琪咁辭份工去照顧屋企嘅老人家 咁剩低只有一個選擇-送去療養院 面對呢個兩難之處 Locker同珈其各自有自己嘅選擇 我諗亦係點解Locker會講「你太care 只會令自己辛苦」 Locker唔係唔想承擔 只不過生活同親情之間佢揀咗生活 相反 珈其揀咗親情 「如果可以陪到佢到最後 就算幾辛苦都值得」 呢件事冇對與錯 我只係希望老人家臨走前可以開開心心 多謝試當真。

鮑姐粉墨登場、 成個劇場似睇微電影咁， 劇情感動，同過往笑到喊有好大反差！

呢套暫時係試當真歷來best of the best，返緊工睇唔喊得，如果唔係真係爆喊，父母有咁上下年紀就更明當中意味

是講老人，也在講香港人。加油。聽到戰場上的快樂聖誕，很感動。謝謝你們。

多謝試當真，呢套正劇我好鍾意，好感動

珈其真係好撚勁 高質!

多謝你呢套片, 喊左幾次, 特別係因為有老人家係身邊, 做得好好呀!!

我第一次見阿婆gel甲😆😆😆😆😆😆

Locker好戲！ 勁鐘意最後果場，無論節奏、對白、配樂層次、Locker既handheld鏡頭對珈其既stable 鏡頭同剪接，全部都好入戲好吸住人，特別係尾場既配樂，好撚岩feel。忍唔住連睇3次，唯一有小小令我出戲既係珈其屋企果場，最後個笑可能多左小小。 但真心你地越來越好戲，期待將來可以入戲院睇你地做既電影！ Respect you all!

我睇你地片我都好感觸……療養院未必人人知係咩地方……我love試當真！要做好。加油！

今次大家都做得好俾戲，演繹真摯，劇本節奏都好有feel，令觀眾既眼淚long 到咁上下，就轉左場景，再一路推高情緒，接受下一個催淚情節！演員、劇本、導演、鏡頭、節奏、用色、剪接等，都好高質btw慈慈無違和，試當真carry到最多樣性既角色

多謝試當真肯關注「老友記」問題🙏🙏

shit🥲 睇撚到咇晒眼淚 我都係後生嘅 前幾年第一次聽到阿媽有啲高血壓，要入醫院（so far唔係好嚴重），我都好撚驚，先至諗其實老咗終有一日有好多病痛 雖然依家阿媽行得走得，高血壓都唔係嚴重，唔係長期，但都令我多咗諗，萬一有事應該點算，而我仲係唔識同唔敢諗🤦‍♀️ btw珈其、locker慈、依條片每個演員都好出色，配樂、鏡頭、調色等都好帶到入戲

好真實的場面，好多謝你地將照顧者的辛酸同無奈，仲有果份不能放手的承擔表達得咁好都做得非常好

拍攝手法、剪片、配樂、演員情緒，完全是另一個試當真，認真試，好感動，感動在於試當真又再試新嘢，再跳出圈圏！加油！

咩人先可以寫到一個咁既劇本，膠得黎居然會感動到人，佩服！ 珈其真係好好戲，叫阿婆去死果段，真心覺得可以攞獎！

鮑婆婆個化妝掂喎~~~同埋佢D症狀做得幾足~~~個RESEARCH做得唔錯~~~ LOCKER D戲又昇華左，勁

樹欲靜而風不息，子欲養而親不在。 能夠陪親人行過最後既一段路，係一件好幸褔既事。 工，可以再搵；錢，可以慢慢賺，但親人無咗就無咗，要珍惜自己既親人，唔好等無咗先黎後悔。 btw 我等住珈其攞影帝

其實好有共鳴 正正就反映緊香港社會好嚴重既問題 我曾經都經歷一樣既野 呀爸有cancer 而得我同佢一齊住 當時既我半工讀同時兼顧照顧呀爸 開支基本上只係岩岩好夠洗 同時亦擔心我吾係到既時候佢會出事（因為佢間吾中就會頭暈 好吾舒服 跟住就要call白車）其實內心既我就好似locker咁 一路覺得咁樣落去吾係辦法 曾經有諗過請工人或者去老人院 最後因為吾想呀爸入老人院 想自己照顧返呀爸 最後去左鄰舍輔導會申請左平安鐘 就算吾係屋企 佢好吾舒服果時都可以禁平安鐘救命 除咗以上既問題 有時亦都要帶佢覆診 變相又少左日人工 原本問過鄰舍輔導會係有陪診服務 但佢地既回覆係 人手吾夠 其實真係好難 曾經覺得好無助 但都要頂硬上 雖然呀爸最後走左 但真心無後悔過 好慶幸可以陪佢走到最後 睇完真心眼濕濕 好高質既影片🙏🏼希望可以更多人關注呢個問題 多謝試當真❤️ 試當真世一💪🏻

一路當正劇咁睇 一去到call白車就笑左 之後又笑唔出了

慈 演技大爆發

我諗全球都面對緊人口老化問題, 家人照顧係必要, 但我地呢代開始有好多一孩, 而到佢地大咗, 我地老咗, 要一個照顧係好吃力. 唔係叫人生多個, 而係點樣重新建構鄰居互助.

好好睇😭😭😭 珈其做得真係好好 睇到酸哂 locker 同鮑姐，啊，唔係，屌，係阿慈，都做得好。 又一條觸動到人心靈的短片。

我都經歷過爸爸癌症的離世，現在媽媽食鏢靶藥中，呢個拍得好！好感動！我還記得沙士當年，我細佬妹細，爸爸仲認到我，但已經痛風行得唔係幾好，我陪學行，好似爸爸教我細個學行咁，當刻我就諗係內咎掛住做嘢冇睇到佢變化，咁一發現就已經末期，心好痛！之後佢認不到任何人，只記得我，只剩返半年時間，我就每天長者中心放工去照顧探下望下爸爸做按摩，回家就安慰媽媽，唔識喊係唔可以喊，去到認屍個時，媽媽太激動，我同佢講等我去認屍喇！到現在我仲記得個幕，真係好想係一個夢！⋯⋯家人有今生冇來世，可以陪到最後，就盡自己能力陪，珈其演得好好，好投入！繼續加油！

多謝，照顧者和被照顧者的心聲，很有共鳴。只有自己才知道什麼時候應該放手，無愧無悔。

以前嘅我 絕對冇可能諗到喺香港KZfaq會睇到呢條片

喊左。 第一次睇試當真睇到喊😢 嗰種兩難之間，好真實。

好鍾意睇你地演正劇，而且係講親情 演員們亦好入戲，加油👍

兩位影帝，無奈咁反映出照顧者既心理轉變，好好好真實。

老左病左既人係辛苦，照顧佢地既人更加辛苦。。。但我會好照顧佢地！珈其做得好好👍

一起《Merry Christmas Mr. Lawrence》就已經🥺🥺

咖其個角色好難做 好難拿捏 over左既話就變咗cctvb locker就好到位 眼神有料 good job

一跟睇一路喊😭😭😭😭😭，試當真快d賠返眼淚比我！

生離死別會變得頻繁, 生死縱是常事, 仍需心,理準備.

聽完許賢live講十大笑點返黎睇，真係由頭笑到尾🤣

感同身受。能陪伴親人走最後一程，即使辛苦，也值得。看此片時，不禁感觸落淚。各演員都演譯得很好，謝謝！

BRAVO! What a thought-provoking piece! Totally living up to the "Trial and Error" name... Good performance all around! Extra praises to the writer / script writer... really touching dialogue! And OH, absolutely LOVE the "Merry Christmas Mr. Lawrence" BMG! Keep up the good work!

好片,條片好寫實, 好有思考性, 我覺得同植物人安樂死呢類題材其實好貼. 不過易入口d同埋容易經歷d, 珈其 同 LOCKER 真係好勁! 鍾意flashback返以前d片搵許賢同豪哥做返醫生 同埋 按虎口哥d細節. 令d舊片唔係話睇完就算,係有好多野可以拎返出黎用或者再繼續寫其他野. 條片既題材都算係試當真既新面向之一.証明唔係剩係得攪笑同鳩片.

幕前幕後的功力和心思都令人讚嘆不已，多謝製作出如此一套佳作。

條片最少要睇兩次, 一次睇珈其, 一次睇Locker 第一次睇嘅話會集中珈其, 講佢係孝順仔, 而Locker表面仆街 後嚟先知佢都係過來人, 但好容易停留於一般親情片對劇情嘅感動, 對人物無咩體會 第二次睇嘅話會集中Locker, 佢明知照顧者嘅執著仍然勸珈其放棄, 嗰D看似仆街嘅台詞今次聽落更加有重量, 每一句每一句似係同自己嘅對話, 到後尾安慰珈其唔使因為鬆一口氣而覺得有罪惡感都好似係對緊自己講, 我個人覺得可以大膽睇做直到阿爺暈低為止, 其實都係Locker同過去嘅Locker對話, 反映緊Locker由送咗阿爺之後一直質問自己, 一直自責, 一直安慰, 到Ern9阿爺暈低, 依個時候嘅珈其就係一個揀咗另一條路嘅Locker, 再辛苦都選擇陪伴到尾 最後嗰幕珈其喺右邊繼續陪伴阿爺等白車, Locker喺左邊望咗一陣阿婆條屍之後慢慢走咗, 如果將畫面嘅左右當成一條時間軸嘅前後咁睇, 喺一個靜止嘅鏡頭裡面佢作為唯一有motion嘅人, 唔係向前行(右邊), 而係向左邊行, 反映到佢想作出關於過去嘅行動, 但佢又唔係好急咁跑走, 而係一步一步行得有D沉, 我覺得依個處理係展現佢心態嘅轉變, 好似面對束手無策嘅醫生同埋扭計阿婆嘅珈其, 唔係純粹嘅孝順仔, 而係明知現實有幾殘酷都忍住放棄嘅念頭而決意要陪伴屋企人, 我諗Locker最後都想返去接阿爺, 改變過去做嘅決定, 以更成熟嘅心態, 抱住覺悟面對過去 面對屋企人 戲份唔多 但阿慈演嘅阿婆恍惚得嚟唔會覺得太on9太浮誇 幾自然 每次睇阿慈演D非典型路線角色就好期待 Ern9都幾好 鳩嘅比例少咗 唔會出戲 唔係第一次睇試當真睇到眼濕濕 但真係第一次睇你地嘅片睇到會喊到有幾行淚出嚟 照顧者/陪伴者視角嘅影片唔多, 嗰種掙扎同看似愚蠢嘅堅持經常不為人明白, 多謝你地拍咗依條片出嚟 相信依條片無意指出誰對誰錯, 希望睇咗嘅每個人都更加體諒身邊嘅人, 更加體諒有時候無能為力但已經好努力嘅自己

好有共鳴（我都係一樣，初一已經開始照顧老人痴呆症既阿嫲到過身，當時都會埋怨呀嫲令我冇咗好多青春……但哥晚佢走左我忍唔住喊 ）

有feel，好掂。好straight forward，好感動。

早幾年親人走個陣 都係有咁既掙扎 強行吊命好定由佢走好 理性地諗會想做locker 但通常都係喊住做返kaki

阿慈句對白令我爆喊，記起我阿婆2個月前離世，眼見佢好辛苦，日漸消瘦

最後個慢wide shot到locker走開嗰下全部人都好有戲味

好現實既問題 每個人都有機會經歷 香港既環境對每一個要照顧人既人都係一種考驗

好感動 ! 繼續支持 !

其實試當真所宣揚的，真係好感人，好有意思💕💕

最後阿婆仲訓係到，斷氣唔搶救，阿爺未死就call白車。究竟真係為老人家著想，定只係想自己個心好過d... 定其實兩邊都冇錯，根本唔需要諗得咁白。。。 感謝你地，係一條好值得反思嘅片 好有公共性

感觸，感謝。

三位演得好好，看後十分感動，想起很多很多。

其實佢哋喺我哋細個嗰陣都係咁照顧我哋㗎，細路仔都係又麻煩又唔聽話·唔受控周圍走·嘢食跌到一地·唔肯食藥·要花全部時間精力照顧·搞到無哂私人時間㗎，依家角色對調就嫌棄佢哋無用係包伏......真係無話做得夠唔夠，佢哋值得我哋用返時間同精力去回報。 珈其啲戲好touch，阿慈啲戲好到位，Loker嘅戲份難度都好高......你哋做得好好。

阿慈演技大爆發 vs 珈其做番自己，btw珈其個角色如果唔係由珈其做番會冇咁好睇，又btw，尾段配樂居然係《merry christmas mr. lawrence》，係驚喜之一。

點解⋯新年流流。回憶當年爸爸重病 我堅持唔送佢去療養院 我媽卜心就命照顧佢 到我媽重病時深深感受到當年佢所承受的 到現在也不時心痛覺得自己還可以更盡力更卜心卜命 好老土 但幸福真係不是必然 趁還擁有時要好好珍惜 ⋯看完哭了⋯⋯

很感動，俾將屋企人送去日間中心同老人院嘅人一個提醒，尤其宜家疫情令到好多人見唔到老人家最後一面 :(

新年快樂！

估唔到會搵到前輩鮑起靜客串！！

子欲養而親不待。 人活著為什麼呢？人能為全能的神貢獻什麼？沒有。人能為地球貢獻什麼？沒有。 人活著是為了父母，為了子女，為了愛我們的和我愛的人。 但人不知道自己的定期。當那活著的目的逝去了，人會感到虛空的虛空。 人活著不是為了什麼。 人活著是一個恩賜。空氣、水、食物、愛、時間和機會都是人受的恩賜。 當人死去了，也不再得賞賜。 當他死去了，我也不再有機會為他做什麼了。 願主看顧我們。給我機會去愛。謝謝🙏

樹欲靜而風不息，子欲養而親不在。

#如果終究要道別，撇脫點這世界還在轉。 謝謝你們，每次都製作了很認真、讓人思考、讓人感動流淚的故事。 想起了已離開的很珍貴很重要的人，時間過去了，但感覺從來都沒有變，快樂和痛苦的回憶都會一直停留在心中。 照顧，好像從來都只覺得做得不足，亦不懂表達那些親切的關懷，不過「能夠陪他走到最後」原來已經很足夠。 超掛住🥺🤍

屋企有老人家既就會明🥲 第一次睇試當真睇到咁身同感受 相信呢套作品足以感動到好多人