Рет қаралды 83,066
Videodan har qanday maqsadda foydalanish taqiqlanadi. Agar videolarni ko'pchilikka yetib borishini hoxlasangiz like bosing , izoh yozing va ulashing.
--------- ---------- --------------- ------------- ------------ SHAYXNI YIGʻLATGAN OYAT
Allohning oyatlari tilovat qilinganda yigʻlash paygʻambarlar va salafi solihlar sifati sanaladi. Bu haqida Alloh taolo shunday marhamat qiladi: "Ana oʻshalar, Alloh neʼmat bergan zotlar, Paygʻambarlardan, Odam zurriyotidan, Nuh bilan birga (kemada) koʻtarganlarimizdan, Ibrohim va Isroilning zurriyotidan, Oʻzimiz hidoyat qilgan va tanlab olganlardan boʻlgan zotlar, ULARGA RAHMONNING OYATI TILOVAT QILINSA, YIGʻLAB SAJDAGA YIQILARDILAR" ("Maryam" surasi, 58-oyat).
Shuning uchun ham Rasululloh sallallohu alayhi vasallam Qurʼon tilovati vaqtida yigʻlashga buyurganlar: "Qurʼon tilovat qilinglar va yigʻlanglar. Agar yigʻlay olmasangiz, oʻzingizni yigʻlaganga soling" (Ibn Moja rahimahulloh rivoyati).
Darhaqiqat, bu bugun tobora kamayib borayotgan ulugʻ sunnatlardan biri. Qurʼonni tadabbur qilyapmizmi? Jahannam haqidagi oyatlarni eshitganda bu dahshatli manzara koʻz oldimizga kelyaptimi? Jannat haqidagi oyatlarni oʻqiganimizda bunday ulugʻ mukofotga qanchalar loyiq ekanimizni sarhisob qilyapmizmi? Qurʼonni nozil qilgan Zotning azamati, qudrati, marhamati va azobining shiddatli ekanini his qilyapmizmi?
Shayx Alijon qorini yigʻlatgan hodisa ham shu edi, aslida. Ustozimizni yigʻlatgan oyatlarning maʼnosiga eʼtibor bering:
"Taqvodorlarni Rohman huzuriga mehmon hayʼati etib toʻplagan kunimizda. Jinoyatchilarni jahannamga chanqoq hollarida haydaymiz" ("Maryam" surasi, 85-86-oyatlar).
Qur'oni karim tilovatini videotasmaga yozish jarayonidan lavha