జూన్ 25 "మరియు ఆయన ― విూరు ఆకాశము తెరవబడుటయు, దేవుని దూతలు మనుష్యకుమారునికి పైగా ఎక్కటయును దిగుటయును చూతురని విూతో నిశ్చయముగా చెప్పుచున్నాననెను. " యోహాను 1:51 అవును. మన విశ్వాస నేత్రాలకు ఆ దృశ్యం స్పష్టంగా కనిపిస్తుంది. ఆకాశం తెరవబడి ఉండటం చూస్తున్నాం. యేసే స్వయంగా విశ్వాసులందరి కొరకు తన రాజ్యాన్ని తెరచి ఉంచాడు. ఆయన దాన్ని మనకు ప్రత్యక్తపరిచాడు కాబట్టి ఆ వింత ప్రదేశాన్ని మహిమతో నిండి ఉన్న ఆ పరలోక రాజ్యాన్ని మనం చూస్తున్నాం. ఆయనే మన మార్గం కాబట్టి త్వరలోనే మనం ఆ మహిమ రాజ్యంలో ప్రవేశిస్తాం. ఇప్పుడు మనం యాకోబు నిచ్చెన గూర్చిన వివరాలు చూద్దాం. పరలోకానికి, భూమికి మధ్యలో ఒక పరిశుద్ధ వర్తకం నడుసూ ఉంది. యేసు అనే మన మధ్యవర్తి ద్వారా మన ప్రార్థనలు పైకి వెళ్తున్నాయి. దేవుని జవాబులు క్రిందికి దిగుతున్నాయి. మనం యేసు వైపు చూచినపుడు ఆయనే ఆ నిచ్చెన అని అర్థం చేసుకుంటాం. మనకు, మహోన్నతుడైన దేవుని సింహాసనానికి మధ్య మహిమ సోపానాల నిచ్చెన వేయబడింది. దాన్ని మనం యేసులోనే చూస్తున్నాం. దాన్ని మనం ఉపయోగించుకుందాం. దాని ద్వారా మన ప్రార్ధనలను పైకి పంపిద్దాం. యాకోబు తన కలలో చూచినట్లు, ఆ నిచ్చెన ఎక్కుతూ దిగుతూ దేవదూతలు చేస్తున్న పనిని మనం కూడా చెయ్యగలం. ఎలా అంటారా? అందరి గూర్చిన విజ్ఞాపనలను మోసుకొని మనం యేసు అనే నిచ్చెన మార్గం విూదుగా పరలోకానికి వెళ్తాం. అక్కడ నిబంధన దీవెనలను తీసుకుంటాం. మళ్ళీ క్రిందికి దిగి వచ్చి ఆ దీవెనలను దేవుని ప్రజల మధ్య పంచిపెడతాం. ఈ అద్భుతమైన దృశ్యాన్ని యాకోబు కేవలం కలలో చూసాడు గానీ యేసును బట్టి మనం దానిని నిజంగా చూస్తున్నాం. ఈ రోజు నుండే మనం ఆ నిచ్చెనను ప్రతి ఘడియ ఎక్కి దిగుదాం. ఎక్కినప్పుడు దేవునితో సహవాసం చేస్తాం. దిగినప్పుడు మన ఇరుగు పొరుగు వారి ఆత్మల రక్షణ పరిచర్యలో సాగిపోతాం. ఓ ప్రభువా, ఇది నీ వాగ్దానం కాబట్టి దాని నెరవేర్పును చూచి ఆనందించనీ! By Charles Spurgeon From faith check book app

Gd answer

❤❤❤❤❤❤

దయచేసి మీరు పేట్టీన మేసేజ్ కరక్ట నా ఆలోచన చేయండి