Shomanayda 3 jasqa turaq jay berildi
Sońǵı jıllarda mámleketimizde baǵıwshısınan hám ata-ana qaramaǵınan ayırılǵan balalarǵa itibar kúsheyip, bul baǵdarda qayırlı isler ámelge asırılmaqta. 30-iyun "Jaslar kúni" múnásibeti menen Ózbekstan Respublikası Prezidentiniń 2021-jıl 9-avgust kúngi “Jetim balalar hám ata-ana qaramaǵınan ayrılǵan balalardı mámleket tárepinen qollap-quwatlawdıń jańa sistemasın en jaydırıw ilajları haqqında”ǵı PQ-5216-sanlı Qararına tiykar búgin Zinadinova Umida, Madreymov Shavkat hám de Achibaev Ermeklerge turaq jay imaratınıń giltlerin tapsırıw saltanatı bolıp ótti.
Oǵan rayon hákimi A.Ametov qatnasıp, Prezidentimiz tárepinen bunday jaslar hámiyshe itibarında ekenligi hám olardı hár tárepleme qollap-quwatlawǵa tayar ekenligin bildirdi. Soń rayon hákimi, sektor basshıları, "Insan" sociallıq xızmetler orayı juwapkerleri hám keń jámáátshilik wákilleri qatnasında turaq jay giltleri tapsırılıp, imaratta jaratılǵan shárayatlar menen tanıstı.