Рет қаралды 262,125
Mafiozët shqiptarë, duket se shkojnë në Ekuador si biznesmenë që qëndrojnë në hotele të shtrenjta dhe nuk kursehen me jetën luksoze. Por objektivi kryesor i mbërritjes së tyre në në vendin e largët, është blerja e drogës me çmim të ulët duke eleminuar ndërmjetësit gjë që u sjell atyre kontroll më të madh të rrugëve të shpërndarjes drejt Evropës.
Sipas zyrtarëve të policisë së ekuadorit, bandat shqiptare nuk pranojnë mes tyre njerëz me kombësi të tjera. Shqiptarët shihen si një grup i mbyllur që përbëhet vetëm nga bashkëkombas. Ata ndërveprojnë vetëm me njëri tjetrin. Janë një rreth aq i mbyllur sa që nuk pranojnë as njerëz nga ekuadori, kolumbia apo meksika. Autoritetet thonë se fakti që njerëz nga i njëjti vend kryejnë të gjithë funksionet e një organizate kriminale, e bën më të vështirë goditjen. Kjo edhe për shkak të gjuhës që nuk i lejon hetuesit të bëjnë progres.
Shqiptarët kanë një strategji të përbashkët në vendet ku shkojnë, përfshirë ekuadorin: duan ta tregojnë veten si sipërmarrës të suksesshëm dhe investitorë.
Ata lidhen me kujdes me kompani, kryesisht bujqësore për të kamufluar drogën që cojnë në shqipëri, nga ku më pas e shpërndajnë në vende të tjera të evropës. Dhe shqipëria është në një pozicion të favorshëm. Nga vendi ynë, droga mund të dërgohet në greqi, turqi, itali, republikën ceke, francë, spanjë etj.
Të dhënat nga ministria e brendshme e Ekuadorit, flasin sidoqoftë për një numër të vogël shqiptarësh që kanë hyrë në vend nga 2017-a. Në atë vit, 168 shqiptarë mbërritën në ekuador dhe 171 u larguan. Nga ai vit deri në janar 2023, 982 qytetarë shqiptarë kanë hyrë në ekuador dhe 981 janë larguar. Zyrtarët sidoqoftë pranojnë se krimi i organizuar ndërkombëtar i gjen lehtësisht mënyrat për të evituar kontrollet formale, ndaj është e zakonshme edhe që ata të fallsifikojnë dokumentacionin.
Sipas policisë, shqiptarët qëndrojnë në hotele të shtrenjta dhe nuk blejnë mallra, ata marrin me qera shtëpi luksoze me masa të forta sigurie dhe në këtë mënyrë shqiptarët nuk lënë në ekuador gjurmë të karrierës së tyre si sipërmarrës të suksesshëm. Ata, në mënyrë strategjike janë vendosur në qytetet bregdetare të Guajas, Manabit dhe El Oros.
Duke u maskuar si biznesmenë të mëdhenj, ata hyjnë në kompanitë lokale, vecanërisht ato të eksportit të frutave, si psh bananeve, për ta cuar drogën më pas në evropë. Fillimisht ata e mbajnë drogën në qytetet afër porteve ekuadoriane, i mbështjellin ngarkesat me karbon për të evituar pikasjen dhe vendosin logo të organizatës që zotëron ngarkesën.
Sipas hetimeve të policisë, shqiptarët, dijnë shumë mirë të kontaminojnë konteinerët, ose të fshehin drogën në ta, dhe të kalojnë pa u lagur, pasi bashkëpunojnë me zyrtarë në porte dhe e bëjnë këtë me siguri ekstreme dhe me kujdes. Dhe ka patur disa operacione policie që e kanë treguar qartë aftësinë e tyre për të lëvizur drogën.
"Askush nuk zgjohet një ditë dhe vendos të bëhet një trafikant droge. Këto vendime merren pasi kanë ndodhur një sërë ngjarjesh në jetën e dikujt."
Kështu e përkufizon botën e drogës një nga narkotrafikantët më të mëdhenj të botës.
Jeta e tyre është e mbushur me krime, trafiqe, vrasje, tradhti, bëma dhe mite.
Një seri dokumentarësh vjen në Top News, mbi lordët famëkeq të drogës.
Cartel
Çdo të dielë
Ora 21:00
Për më shumë vizitoni: top-channel.tv/
Subscribe to "Top Channel" on KZfaq Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Cartel #TopChannel #TopNews