Siansiam Ngaihnou
Inkuan a biik a Jesu Khrist intekna Toupa lunglutna ahi a, Inkuan Amah intek louhna setan vanzat thupitak a suah zel ziak ahi ngei ding, Toupan inkuan siat ding phallou in a humbit ut hi.
Tua ahihziak in nupa kigawm te kiten ni kia hilou damsung teng Khrist siangthouna toh hing khom a inkuan kembit dia hon lamet i hi. Himahleh haksa i sa ua, ki houthei loupi a nupa hinkhua zang, ki it loupi a tengkhom, Pathian mai a kichiamna ki theihmoh bawl ngam hial tamta a hihman in poi kasa thei lua uhi.
Leitung bukimlou a, nupa hinkhua ah dam theihna hihbuai thei, tate kepna ah, inkuan mite toh kal ah, sum thu etc ah huihpi hattak bangmai in hon mut hun om tham, rose pak hoih mah leh vulpah thei banglel a kipahna beipah a hihlai in, nupa te ginom leh ki it dedeuh a, ki zahtak tuah a, Pathian in ka/na hihna teng toh NANG kei a ding, KEI nang a dia hon siam, ka Siansiam Ngaihnou nang kia na hi kou nupa in kana chih theih bang ua nang leng na koppih kiang tua bang a na chihpih theih sam kon deihsak ua, sihnung a kisik loudia tuhun a nupa a damkhom a manphatna theih nupa tengteng in i poimoh uh ahih ban ah, nupa hong hi ding ten leng nupa hinkhua a Pathian a masa a koih Khristian inkuan hih sawm ni chih ka message uh ahi.
Tua bang a anuam ahaksa thuak leh zarzou khom tenten miten sihnung hinkhua a Khrist mou i hih ding hon ngaklah sak a, huaima hiai leitung ah hausa chi a theih in om kei mahle Pathian leh Amah nei mite mit a van hauhna a hauhsakna nei Khristian Inkuan hi ding i hi.
------------------------------------------------------
Siansiam Ngaihnou
~ Zoulian & Sawmi Tangpua
~ Lyrics & Tune: Lun & Ching Mangte
1. Tangbang damsung itpen ngaihpen chibang ka tel
Nang toh tomnou gua bang hinkhawm sung in
An bang ki it den in i nun am ni aw
Phamlou tangbang damden dia siam hikhang e
Gibang Khenna simthu lellou aw
Lungtuak nau bang nui khawm ve ni
Kah leh mau hunte'n zong
Siansiam ngaihnou nang toh
Ngilh ngeiken kei a din Siansiam nang bek hi chia
2. Tung sunni tang khouh theihlouh in liammang zel a
Solkha tang etlawm meipi'n tum mangzel
Hizong Sian itna mong neilou in tang den
Tua itna dung sun ni bang tang den ni Ngaih!
3. Rose pak hoihpen bang etlawm den lou lei nunna
Tang khuakhal huihkhin sem den lou hinkhua
Phualva kop lungtuak bang itna khazak in
Koplai heikhawm puaksing bang zawn khom ni aw
4. Siansiam ngaihnou toh tangbang dam a heikhawm te
Denchiang thangvan sana khopi nuam ah
Silh puan ngou bat Khrist mou dingte hi hang e
Tua hun haibang ngakna'n nopna chiam panta ni
5. Siangthou an bang itna Sianmang lungtup tunna
Inkuan lungtuak din van tohlet ki hong
Muhtheih leh muhtheih louh vualzawl na tang in
Bangkim a hauhna tua Khristian saunuam ahi.