Рет қаралды 9,009
"სიმშვიდისთვის მხოლოდ ერთი ადამიანია საჭირო და ეს ადამიანი შენ ხარ." - ბაირონ ქეითი
მე ეს სიმშვიდე ვიპოვე ჩემში. ამაში ბაირონ ქეითის "სამუშაო" ძალიან დამეხმარა. მე ვისწავლე ჩემი სტრესული ფიქრებისგან და ისტორიებისგან გათავისუფლება. ყოველ ჯერზე ვგრძნობ, როგორ ვუბრუნდები საკუთარ თავს და ჩემთან ერთად ჩემს ირგვლივ არსებული სამყაროც როგორ იცვლება. ადრე ჩემში ქაოსი სუფევდა. ახლა სიმშვიდეა.
მე ძალიან მინდოდა ეს ხედვა, ეს გზა, ეს ინსტრუმენტი ბაირონ ქეითისგან შემესწავლა, შემდეგ კი ქართულად მეთარგმნა და საქართველოში ჩამომეტანა.
დღეს ბაირონ ქეითის "სამუშაო" უკვე საქართველოშია და ძალიან ბევრ ადამიანს ეხმარება ცხოვრების გაუმჯობესებაში და სულიერი სიმშვიდის მოპოვებაში.
მე მინდა ამ პროცესმა უფრო მასშტაბური სახე მიიღოს და 2019 წლის ბოლომდე ბაირონ ქეითის 5 წიგნი ქართულად ვთარგმნო და გამოვცე. ერთი წიგნი, ბაირონ ქეითის ბესტსელერი, რომელიც 34 ენაზეა ნათრგმნი - "გიყვარდეს ის, რაც არის" უკვე ვთარგმნე და ის მზად არის გამოსაცემად.
წიგნების გამოსაცემად მჭირდება თქვენი დახმარება.
ვეძებ სპონსორებს, რომლებიც დამეხმარებიან ამ პროექტის რეალიზებაში.
გახსნილი ვარ იდეებისა და შემოთავაზებების მისაღებად.
მე მჯერა, რომ ბაირონ ქეითის წიგნების ქართულად თარგმნა ათასობით ქართველის ცხოვრებას უკეთესობისკენ შეცვლის და ათასობით ქართველს ძალიან დიდ ძალას აპოვნინებს საკუთარ თავში. თუ გინდა, რომ ამ პროექტის ნაწილი შენც იყო, დამიკავშირდი.
სიყვარულით თინათინი,
ბაირონ ქეითის მოსწავლე და ბაირონ ქეითის "სამუშაოს" წარმომადგენელი საქართველოში
➡️ თინათინ ბასილაიას შესახებ: www.tinatinbasilaia.com
➡️ გამოიწერე თინათინი Facebook-ზე: TiniBasilaia/
➡️ გამოიწერე თინათინი instagram-ზე: tinatin_basilaia_international