Concert du 15 octobre 2014 au Spaziu culturale Natale Luciani à l'Università di Corsica Pasquale Paoli.
Réalisation : Nicolas Fresi.
Tra u bughju e l’albore
S’he alzata una chjama
Cum’è lacrime d’amore
Fatta di fede e di brama
Dicendu chi simu fiori
Di quessa terra ferita
Riflessu di u signore
In u spechju di à vita
Ci porta ssu missaghju
Di ricordu e d’inchjostru
Infiaratu da u raghju
D’un attrachju chi fu nostru
Simu gocce di memoria
In u mare d’eternità
Pagine di una storia
Ch’un averà finalità
Circhemu in u presente
E risposte d’un passatu
Grane chi tante ramente
Ch’averemu suminatu
Ci porta ssu missaghju
Di ricordu e d’inchjostru
Infiaratu da u raghju
D’un attrachju chi fu nostru
Aspettemu quessa stonda
Induve tuttu scambierà
Una spera vagabonda
Chi purterà serenità