Haqqında:
sitaraibrahimbayli.com/
Öncə Bakıda psixoloq, sonra isə Praqada Film və Televiziya Məktəbində (FAMU) təhsil almış Sitarə öz işlərində insanlar və yerlər haqqında vizual hekayələr yaradaraq həm foto, həm də videodan istifadə edir. Sitaranın yaradıcılığı dünyanın müxtəlif sərgilərində, o cümlədən VI Moskva Bienalı çərçivəsində “Bizim torpaq/Yad ərazi” sərgisində, 2015-ci ildə “BALAQAN!!!: keçmiş Sovet ölkələrindən və digər mifik yerlərdən müasir incəsənət” sərgisində, Berlində MOMENTUM-da, 55-ci Venesiya Bienalında və yenidən 56-cı Venesiya Bienalında İran pavilyonunun “Böyük oyun” sərgisində nümayiş olunub. Mütəmadi olaraq Bakıda da onun əsərləri ilə tanış olmaq mümkündür. 2012-ci ildə o, həmçinin Berlində Hamburqer Bahnhof Milli Qalereyasında təşkil olunmuş Layihə İdarəetməsi proqramında iştirak edib. 2018 ildən VarYox platformasının təsisçisi və kreativ direktoru kimi fəaliyyət göstərir .