კორონავირუსის პანდემიის დაწყებიდან დღემდე, საზოგადოება აქტიურად განიხილავს ვაქცინის როლსა და მათ სანდოობას. სანამ უშუალოდ კორონავირუსის პანდემიასა და მისთვის შექმნილ ვაქცინებს შევეხებით, უნდა ვახსენოთ, რომ ეპიდემიები და პანდემიები ოდითგანვე წარმოადგენდა კაცობრიობის პრობლემას. მათ დაძლევაში კი ვაქცინებს გადამწყვეტი მნიშვნელობა ჰქონდა. ისე, როგორც ახლა, ისტორიულადაც საზოგადოების აზრი ორად იყოფა, ნაწილი მხარს უჭერდა ვაქცინაციას. ნაწილი კი უნდობლობად იყო განწყობილი. გადაცემაში დაავადებათა კონტროლის, ეროვნული ცენტრის ექიმ ეპიდემიოლოგთან და ჯანმრთელობის ხელშეწყობის სამმართველოს მთავარ სპეციალისტთან, მარინა თოფურიძესთან ერთად ვსაუბრობთ ვაქცინებსა და მათ როლზე, პანდემიის მართვაში.