Рет қаралды 52,989
#solocamping #solohiker #ella #ellasrilanka #viewpoint #srilanka
කඳවුරු රාත්රියේ සිදුවූ සිදුවීම අතිශයෝක්තියෙන් තොරව සිදුවූ සත්ය සිදුවීම මෙහි විස්තර කර ඇති අතර එය සතෙකුගේ හඬක්ද , වෙනත් බලවේගයක්ද හරියටම කීමට නොහැකි නමුත් එම ශබ්දය මින් පෙර මාගේ කන නොවැකුණු හඬකි ,
පාන්දර 1 ට පමණ ගම දෙසින් ඇසුණු බල්ලන්ගේ බිරුම් හඬකින් අවදි වූ මා නැවත අඩ නින්දේ පසුවෙද්දී Millennium Point එක දෙසින් පාන්දර තුනට පමණ මුලින්ම ඇසුණු ශබ්දයක් නිසා මම අවදිවූයේ උඩබිම බලාගෙනය.එම ශබ්දය හිතා ගත නොහැකි වේගයකින් මගෙ කඳවුරු බිම වෙත ලං වූයේ හිත තිගැස්සීමට කාරණා පසක් කරමින්ය ,
වන අලි බහුලව ගැවසෙන මම ඉසව්වේ , මා බෙහෙවින්ම බියට පත්වූයේ එය අලියෙකුගේ කුංචනාදයක්ද යන්න හරියට කීමට නොහැකි නිසා නමුත් එසේ අලියෙකුට ශබ්ද කිරීමට නොහැකි බව සිතුණා සේම අලියෙකුට එතරම් වේගයකින් කඳු මුදුනක සිට පහතට ගමන් කිරීමට නොහැකි තරම් එය වේගවත් වූ නිසා හිතේ දෙගිඩියාව දෙගුණ තෙගුණ වූයේය.
අලියෙකු වූවහොත් අසළ ඇති අට්ටාලයට රිංගා ගැනීමට පහසු වන පරිදි කුඩාරමේ දොර සෙමින් අරිනවාත් සමඟම ඈතින් කුඩා ආලෝකයක් දිස් වූයේ කතරගම වැඩිහිටිකන්දේ ආලෝකය බව මට වැටහුණි , ශබ්දය කුමක්ද කියා හරි හැටි නොදන්නා නිසාම අතේ තිබුණි පිහිය දැඩිව අල්ලාගත් මා අට්ටාලය වෙත යෑමට සූදානමින් සිටින අතර ,පසුව බුදුගුණ සිහිකරමින් මා කර ඇති පිං සියල්ලම කතරගම දෙවියන්ට අනුමෝදන් කර බුදුගුණ සිහි කරමින් ප්රාර්ථනාවක් කල අතර ඉන් මොහොතකට පසුව, කූඩාරම අසලින් ඇසුණු ශබ්දය ක්ෂ්ණිකවම ගම දෙසින් ඇසෙන්නට වූයේ මා කල ප්රාර්තනය සඵල බව සනාථ කරමිනි.
අපහසු කාල හෝරාවකින් පසු හිමිදිරියේ එළියට ඇවිද මා වට පිට පරික්ෂා කර බැලුවේ අලින්ගේ සලකුණු තිබේදැයි බැලීමටයි, එහි කිසිවක් නොතිබුණු අතර ගමේ මිනිසුන් උදෑසන තේ දළු නෙළීමට යන අතර මෙම විස්තරය ඔවුන්ට පවසන විටම ඔවුන් පෙරලා මගෙන් ඇසුවේ පාන්දර 1 ට විතර බල්ලන් බිරුවාද කියාය, මගේ පිළිතුර ඔව් වනවාත් සමඟම ඔවුන් ගමේ මීට පෙර සිදුවූ යම් සිදුවීම් කිහිපයක් මා හට පැවසූ අතර මින් පෙර කවුරුත් මෙම ස්තානයේ රැය පහන් නොකර ඇති බව කීවේය,
විශ්වාසයන් හා විද්යාව අතර මා දෝළනය වන්නට වූයේ රාත්රියේදී මා විසින් පටිගත කරන ලද හඬ පට එම මිනිසුන්ට පෙන්වීමට යාමේදී ඒවා කිසිවක් නොමැති බව මා දුටු විටය , සමහර විට රාත්රියේ ඇතිවූ කලබල බව නිසා ඒවා සුරැකීමට මා අපොහොසත් වන්නට ඇති බව සිතා කැමරාවද පරීක්ෂා කිරීමට යාමේදී එහි ඇති මතක පටයෙහි දෝෂයක් පෙන්නුම් කර අතර ගලවා එය නැවත දැමූවත් එය ක්රියාකාරී තත්වයේ නොතිබුණි ,සමහර විට එයද තාක්ෂණික දෝෂයක් නිසා සිදුවන්නට ඇතිය.
කෙසේ වෙතත් විශ්වාස කිරීමට හෝ පිළිගැනීමට නොයන්න, හේතුව නම් මා හට ඇත්තේ මා අත්විඳි අත්දැකීම පමණක් වන අතර මෙය මාගේ පළමු අත්දැකීමද නොවන බව කිව යුතු අතර මීට පෙර මීට වඩා යම් සිදුවීම් සිදුවූවාත් මා පවසා නැත, ඔබගේ දැඩි ඉල්ලීම නිසා මෙම සිදුවීම මෙසේ ගෙන ආ අතර මෙහි අතිශයෝක්තියක් නොමැති අතර මටද තවමත් මෙය ගැටළුවකි.
ස්තූතියි 🙏❤💙🍃