БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Еліміздің солтүстігіндегі Прибрежный ауылы судың ортасында тұр. Себебі, бір апта бұрын Есіл ернеуінен асқан уақытта елдімекенге баратын жолдарды су басып, халық қатынассыз қалған болатын. Соның салдарынан тұрғындардың кейбірі жұмыстарынан қалған. Бұдан бөлек халықтың малға деп жинаған жем-шөптері суға ағып кеткен екен. Әріптесім Руслан Жасұланұлы аралда қалған ауылға қайықпен барып, тұрғындардың жағдайын біліп келді.
---------------------------------------------
Теңдессіз жобамызға көз салыңыз: • Сөздің шыны керек: [жу...
РУСЛАН ЖАСҰЛАНҰЛЫ, тілші:
- Біз қазір аралда қалған Прибрежный ауылына барамыз. Онда жету үшін қорғаныс министрлігінің арнайы жүзу құралына отырдық. Бұл техниканы адамдарды эвакуациялауға, мал-мүлікті қауіпсіз жерге көшіруге және гуманитарлық көмекті жеткізуге қолданады.
Петропавлдан он шақырым жердегі ауылдың судың ортасында қалғанына бүгін алтыншы күн. Содан бері Нұрмағамбет Шериязданов жұмысқа шықпаған. Облыс орталығына барып жұмыс істейтін ол, енді еңбекақысыз демалысқа шығуға мәжбүр болғанын айтады. Ал қорадағы малына беретін жем-шөп толық суға ағып кетті дейді.
НҰРМАҒАМБЕТ ШЕРИЯЗДАНОВ, Прибрежный ауылының тұрғыны:
- Ауылдағы жағдай осы міне. Малымызды шаруашылыққа айдап апардық. Сонда ұстап отырмыз. Корм керек. Оның үстіне малды жаятын жер жоқ. Алақандай ғана жер еді. Оның үстіне жан-жағымызды су басып кетті.
Құтқарушылар ауылдағы екі жүзден артық үйге су кіргенін айтады. Ал жергілікті кәсіпкердің инкубаторлық орталығы да суға кеткен. Онда жүздеген мың жұмыртқа мен балапандары болған. Ауылға әрі-бері 6 қайық қатынайды екен. Оның көмегімен тұрғындарға қажетті заттар мен азық-түлік тасымалданады.
КОНСТАНТИН ДАНИЛОВ, Прибрежный ауылының тұрғыны:
- Жағдайымыз қиын. Жарық та өше береді. Кейде сусыз отырамыз. Осылай өмір сүріп жатқанымызға бір аптаға жуық уақыт болды.
Мамандар ауылмен қатынас жақын күндері реттелмйді деп отыр. Ал су деңгейі жақын күндері төмендей бастайтынын айтады.
КИРИЛЛ ИВАННИКОВ, СҚО ТЖД басқарма басшысы:
- Петропавл қаласы мен Қызылжар ауданының аумағында Есіл өзенінің деңгейі төмендей бастады. Енді ертеңнен бастап күніне 30-40 сантиметр түсуі тиіс. Оған дейін құтқарушылар күзетіп, қауіпсіздікті сақтайды.
Қызылжар ауданында 15 ауылдағы жүздеген үйге су кірген. Оның бәрі Есіл өзенінің жағалауында орналасқан елді мекендер. Ал төтенше жағдай қызметкерлері үш жарым мыңға жуық үйді су басқанын мәлімдеді.
---------------------------------------------
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық