Рет қаралды 92,654
లక్ష్మీనరసింహ కరుణారసస్తోత్రం
1.శ్రీమత్పయోనిధి నికేతన! చక్రపాణే! భోగీన్ద్రభోగమణిరంజిత పుణ్యమూర్తే! యోగీశ! శాశ్వత! శరణ్య! భవాబ్ధిపోత! లక్ష్మీనృసింహ! మమ దేహి! కరావలంబమ్
2.బ్రహ్మేంద్ర రుద్ర మరు దర్క కిరీటకోటి- సంఘట్టితాంఘ్రి కమలామలకాంతి కాంత! లక్ష్మీ లస త్కుచసరోరుహ రాజహంస! లక్ష్మీనృసింహ! మమ దేహి! కరావలంబమ్
3.సంసార దావ దహనాకుల భీకరోరు జ్వాలావలీభి రతిదగ్ధ తనూరుహస్య త్వత్పాదపద్మసరసీం శరణాగతస్య లక్ష్మీనృసింహ! మమ దేహి! కరావలంబమ్
4.సంసార జాల పతితస్య జగన్నివాస! సర్వేంద్రియార్థ బడిశాగ్ర ఝషోపమస్య ప్రోత్కంపిత ప్రచుర తాలుక మస్తకస్య లక్ష్మీనృసింహ! మమ దేహి! కరావలంబమ్ 5.సంసార కూప మతిఘోర మగాధమూలం సంప్రాప్య దుఃఖశత సర్ప సమాకులస్య దీనస్య దేవ! కృపయా పద మాగతస్య లక్ష్మీనృసింహ! మమ దేహి! కరావలంబమ్
6.సంసార భీకర కరీంద్ర కరాభిఘాత నిష్పీడ్యమాన వపుష స్సకలార్తనాశ! ప్రాణప్రయాణ భవభీతి సమాకులస్య లక్ష్మీనృసింహ! మమ దేహి! కరావలంబమ్
7.సంసార సర్ప విషదిగ్ధ మహోగ్ర తీవ్ర దంష్ట్రాగ్ర కోటి పరిదష్ట వినష్టమూర్తేః నాగారివాహన! సుధాబ్ధినివాస! శౌరే! లక్ష్మీనృసింహ! మమ దేహి! కరావలంబమ్ 8.సంసారవృక్ష మఘబీజ మనంతకర్మ శాఖాయుతం కరణపత్ర మనంగపుష్పం ఆరుహ్య దుఃఖఫలితం చకితం దయాళో! లక్ష్మీనృసింహ! మమ దేహి! కరావలంబమ్
9.సంసార సాగర విశాల కరాళ కాల నక్ర గ్రహ గ్రసిత నిగ్రహ విగ్రహస్య వ్యగ్రస్య రాగనిచయోర్మి నిపీడితస్య లక్ష్మీనృసింహ! మమ దేహి! కరావలంబమ్ 10.సంసార సాగర నిమజ్జన ముహ్యమానం దీనం విలోకయ విభో! కరుణానిధే! మామ్ ప్రహ్లాదఖేద పరిహార పరావతార! లక్ష్మీనృసింహ! మమ దేహి కరావలంబమ్
11.సంసార ఘోర గహనే చరతో మురారే! మారోగ్రభీకరమృగ ప్రచురార్దితస్య ఆర్తస్య మత్సర నిదాఘ సుదుఃఖితస్య లక్ష్మీనృసింహ! మమ దేహి! కరావలంబమ్
12.బద్ధ్వా గలే యమభటా బహు తర్జయన్తః కర్షన్తి యత్ర భవపాశశతై ర్యుతం మామ్ ఏకాకినం పరవశం చకితం దయాళో లక్ష్మీనృసింహ! మమ దేహి! కరావలంబమ్
13.లక్ష్మీపతే! కమలనాభ! సురేశ! విష్ణో! యజ్ఞేశ! యజ్ఞ! మధుసూదన! విశ్వరూప! బ్రహ్మణ్య! కేశవ! జనార్దన! వాసుదేవ! లక్ష్మీనృసింహ! మమ దేహి! కరావలంబమ్
14.ఏకేన చక్ర మపరేణ కరేణ శంఖ- మన్యేన సిన్ధుతనయా మవలంబ్య తిష్ఠన్ వామేతరేణ వరదాభయ పద్మ చిహ్నం లక్ష్మీనృసింహ మమ దేహి! కరావలంబమ్.
15.అన్ధస్య మే హృత వివేక మహాధనస్య చోరై ర్మహాబలిభి రిన్ద్రియ నామధేయైః మోహాన్ధకారకుహరే వినిపాతితస్య లక్ష్మీనృసింహ! మమ దేహి! కరావలంబమ్.
16.ప్రహ్లాద నారద పరాశర పుండరీక వ్యాసాది భాగవత పుంగవ హృన్నివాస! భక్తానురక్త! పరిపాలన పారిజాత! లక్ష్మీనృసింహ! మమ దేహి! కరావలంబమ్ 17.లక్ష్మీనృసింహ చరణాబ్జ మధువ్రతేన స్తోత్రం కృతం శుభకరం భువి శంకరేణ యే తత్పఠన్తి మనుజా హరిభక్తియుక్తాః తే యాన్తి తత్పదసరోజ మఖండరూపమ్॥ ఇతి శ్రీమచ్ఛంకర భగవత్పాద కృతం లక్ష్మీనరసింహ కరుణారసస్తోత్రం సంపూర్ణమ్