Smt. Sharada Venkataraman

Bhavani sankarayanamaha

Excellent Composition

It's given in the link in the description.. please checj

ಮಲಹಾನಿಕರೇಶ್ವರಾಷ್ಟಕಂ malahānikareśvarāṣṭakam ದಕ್ಷಿಣಾಮ್ನಾಯ-ಶೃಂಗೇರೀ-ಶಾರದಾಪೀಠಾಧೀಶ್ವರ-ಜಗದ್ಗುರು-ಶಂಕರಾಚಾರ್ಯ-ಶ್ರೀಶ್ರೀಶ್ರೀಭಾರತೀತೀರ್ಥ-ಮಹಾಸ್ವಾಮಿ-ಕರಕಮಲಸಂಜಾತೈಃ ಜಗದ್ಗುರು-ಶ್ರೀಶ್ರೀವಿಧುಶೇಖರಭಾರತೀ-ಮಹಾಸ್ವಾಮಿಭಿಃ ವಿರಚಿತಂ dakṣiṇāmnāya-śṛṅgerī-śāradāpīṭhādhīśvara-jagadguru-śaṅkarācārya-śrīśrīśrībhāratītīrtha-mahāsvāmi-karakamalasañjātaiḥ jagadguru-śrīśrīvidhuśekharabhāratī-mahāsvāmibhiḥ viracitam ತುಂಗೋತ್ತಮಾಂಗವಿಲಸನ್ಮೃಗಭೃತ್ಕಲಾಯ ಶೃಂಗಾದ್ರಿವಾಸರಸಿಕಾಯ ಮಹೇಶ್ವರಾಯ | ಶೀತಾಂಶುಭಾಸ್ಕರಕೃಶಾನುದೃಶೇ ಭವಾನೀ- ಭರ್ತ್ರೇ ನಮೋಽಸ್ತು ಮಲಹಾನಿಕರೇಶ್ವರಾಯ ||೧|| tuṅgottamāṅgavilasanmṛgabhṛtkalāya śṛṅgādrivāsarasikāya maheśvarāya ; śītāṃśubhāskarakṛśānudṛśe bhavānī- bhartre namo’stu malahānikareśvarāya .1. ಶರ್ವಾಯ ಕಶ್ಯಪಮುನೀಂದ್ರಕುಲಾಬ್ಧಿಚಂದ್ರ- ಶ್ರೀಮದ್ವಿಭಾಂಡಕಕೃತಾಗ್ರ್ಯತಪಃಫಲಾಯ | ಶ್ರೀಋಷ್ಯಶೃಂಗಮುನಿಸೇವ್ಯಪದಾಂಬುಜಾಯ ನಿತ್ಯಂ ನಮೋಽಸ್ತು ಮಲಹಾನಿಕರೇಶ್ವರಾಯ ||೨|| śarvāya kaśyapamunīndrakulābdhicandra- śrīmadvibhāṇḍakakṛtāgryatapaḥphalāya ; śrīṛṣyaśṛṅgamunisevyapadāmbujāya nityaṃ namo’stu malahānikareśvarāya .2. ಶೃಂಗಾದ್ರಿದೇಶಿಕವರೇಣ್ಯಸುಪೂಜಿತಾಯ ನಮ್ರಾಖಿಲೇಷ್ಟಪರಿಪೂರಣತತ್ಪರಾಯ | ಅಸ್ತೋಕದುಃಖಕೃದವಗ್ರಹವಾರಕಾಯ ನಿತ್ಯಂ ನಮೋಽಸ್ತು ಮಲಹಾನಿಕರೇಶ್ವರಾಯ ||೩|| śṛṅgādrideśikavareṇyasupūjitāya namrākhileṣṭaparipūraṇatatparāya ; astokaduḥkhakṛdavagrahavārakāya nityaṃ namo’stu malahānikareśvarāya .3. ಸಚ್ಚಿತ್ಸುಖಾಭಿಧಗುರುಪ್ರವರೇಣ ವಾಮೇ ಸಂಸ್ಥಾಪಿತಾದ್ರಿಸುತಯಾ ಸಹ ವಿಷ್ಟಪಾನಿ | ಗೋಪಾಯತೇ ನೃಪಕದಂಬಕಸೇವಿತಾಯ ಪಿತ್ರೇಽಸ್ತು ತಾರಕಜಿತಃ ಪ್ರಣತಿರ್ಭವಾಯ ||೪|| saccitsukhābhidhagurupravareṇa vāme saṃsthāpitādrisutayā saha viṣṭapāni ; gopāyate nṛpakadambakasevitāya pitre’stu tārakajitaḥ praṇatirbhavāya .4. ಶ್ರೀಮನ್ನೃಸಿಂಹಗುರುಣಾಭಿನವೇನ ಸದ್ಯಃ ಸಂಸ್ಥಾಪಿತಂ ನಿಜತನೂಜಮಚಿಂತ್ಯಶಕ್ತಿಂ | ಸ್ತಂಭಸ್ಥಿತಂ ಪ್ರಥಮಪೂಜ್ಯಮವೇಕ್ಷ್ಯ ನಿತ್ಯಂ ಮೋಮುದ್ಯಮಾನಹೃದಯಾಯ ನಮಶ್ಶಿವಾಯ ||೫|| śrīmannṛsiṃhaguruṇābhinavena sadyaḥ saṃsthāpitaṃ nijatanūjamacintyaśaktim ; stambhasthitaṃ prathamapūjyamavekṣya nityaṃ momudyamānahṛdayāya namaśśivāya .5. ನಿತ್ಯೋತ್ಸವಾಯ ನಿಗಮಾಗಮತತ್ತ್ವವಿದ್ಭಿಃ ಸಂಗೀಯಮಾನವಿಭವಾಯ ನಿರಂಜನಾಯ | ನಿರ್ವಾಣದಾಯ ನಿಜಭಕ್ತತತೇಶ್ಚ ನಾನಾ- ಮೋಹಾಂಧಕಾರಮಿಹಿರಾಯ ನಮಶ್ಶಿವಾಯ ||೬|| nityotsavāya nigamāgamatattvavidbhiḥ saṅgīyamānavibhavāya nirañjanāya ; nirvāṇadāya nijabhaktatateśca nānā- mohāndhakāramihirāya namaśśivāya .6. ಪದ್ಮೋದ್ಭವಾಬ್ಜನಯನಪ್ರಮಥಾಧಿಪಾತ್ಮಾ ಸರ್ಗಸ್ಥಿತಿಪ್ರಲಯಕೃತ್ ಗುಣಯೋಗತೋ ಯಃ | ಆನಂದಬೋಧಪರಿಪೂರ್ಣಸದಾತ್ಮಕಾಯ ತಸ್ಮೈ ಶಿವಾಯ ನತಿರಸ್ತು ಗುಣಾತಿಗಾಯ ||೭|| padmodbhavābjanayanapramathādhipātmā sargasthitipralayakṛt guṇayogato yaḥ ; ānandabodhaparipūrṇasadātmakāya tasmai śivāya natirastu guṇātigāya .7. ಯಸ್ಮಿನ್ ವಿಭಾಂಡಕಮುನಿರ್ನಿಜಬೋಧಯುಕ್ತಃ ಏಕೀಬಭೂವ ವಿನಿವೃತ್ತಸಮಸ್ತಬಂಧಃ | ತಸ್ಮೈ ಸದಾ ಶ್ರುತಿಶಿರಃಪ್ರತಿಪಾದ್ಯಜೀವ- ಬ್ರಹ್ಮೈಕ್ಯಬೋಧನರತಾಯ ನಮಶ್ಶಿವಾಯ ||೮|| yasmin vibhāṇḍakamunirnijabodhayuktaḥ ekībabhūva vinivṛttasamastabandhaḥ ; tasmai sadā śrutiśiraḥpratipādyajīva- brahmaikyabodhanaratāya namaśśivāya .8. ಇತಿ ದಕ್ಷಿಣಾಮ್ನಾಯ-ಶೃಂಗೇರೀ-ಶಾರದಾಪೀಠಾಧೀಶ್ವರ-ಜಗದ್ಗುರು-ಶಂಕರಾಚಾರ್ಯ-ಶ್ರೀಶ್ರೀಶ್ರೀಭಾರತೀತೀರ್ಥ-ಮಹಾಸ್ವಾಮಿ-ಕರಕಮಲಸಂಜಾತೈಃ ಜಗದ್ಗುರು-ಶ್ರೀಶ್ರೀವಿಧುಶೇಖರಭಾರತೀ-ಮಹಾಸ್ವಾಮಿಭಿಃ ವಿರಚಿತಂ ಮಲಹಾನಿಕರೇಶ್ವರಾಷ್ಟಕಂ ಸಂಪೂರ್ಣಂ

Malhar apparently