శ్రీ విష్ణురక్షా కవచం/శ్రీ బాలరక్షా స్తోత్రం
శ్రీ విష్ణుపురాణం
ఫలశ్రుతి: ఇది గొప్ప రక్షాకవచం. పిల్లల దగ్గర, ముసలివాళ్ళ దగ్గర, మంచం పట్టినవారి దగ్గర ఈ పవిత్రమైన విష్ణు కవచం వినిపిస్తే ఒంటికి దివ్యశక్తినిచ్చి , వారిని గొప్ప కవచమై రక్షిస్తుంది.
అవ్యాదజోఽoఘ్రిమణిమాంస్తవ జాన్వథోరూ |
యజ్ఞోఽచ్యుతః కటితటం జఠరం హయాస్యః ||
హృత్కేశవస్త్వదుర ఈశః ఇనస్తు కంఠం |
విష్ణుర్భుజం ముఖమురుక్రమ ఈశ్వరః కం ||
చక్ర్యగ్రతః సహగదో హరిరస్తు పశ్చాత్ |
త్వత్పార్శ్వయోర్ధనురసీ మధుహాజనశ్చ ||
కోణేషు శంఖః ఉరుగాయ ఉపర్యుపేంద్రః |
తార్క్ష్యః క్షితౌ హలధరః పురుషః సమంతాత్ ||
ఇంద్రియాణి హృషీకేశః ప్రాణాన్నారాయణోఽవతు |
శ్వేతద్వీపపతిశ్చిత్తం మనో యోగేశ్వరోఽవతు ||
పృశ్నిగర్భస్తుతే బుద్ధిం ఆత్మానం భగవాన్ పరః |
క్రీడంతం పాతు గోవిందః శయానం పాతు మాధవః ||
వ్రజంతమవ్యాద్వైత్కుంఠః ఆసీనం త్వాం శ్రియఃపతిః |
భుంజానం యజ్ఞభుక్పాతు సర్వగ్రహభయంకరః ||
డాకిన్యః యాతుధాన్యశ్చ కూష్మాండా యేఽర్భకగ్రహాః |
భూతప్రేతపిశాచాశ్చ యక్షరక్షోవినాయకాః ||
కోటరా రేవతీ జ్యేష్ఠా పూతనా మాతృకాదయః |
ఉన్మాదా యే హ్యపస్మారా దేహప్రాణేంద్రియద్రుహః ||
స్వప్నదృష్టా మహోత్పాతా వృద్ధబాలగ్రహాశ్చ యే |
సర్వే నశ్యంతు తే విష్ణోః నామగ్రహణభీరవః ||
సర్వం శ్రీ గురుచరణారవిందార్పణమస్తు
బలం గురోః ప్రవర్ధతాం
సమస్త లోకాః సుఖినో భవంతు