Дунё раҳбарлари 91 ёшида оламдан ўтган совет иттифоқининг биринчи ва охирги президенти Михаил Горбачевнинг ўлими юзасидан таъзия билдирмоқда, унинг сиёсий меросини ёдга олмоқда.
Аммо айнан Горбачев даврида бугун Ўзбекистонда урф бўлган ислоҳот сўзи биринчи марта баралла айтилган, сўз, матбуот ва дин эркинлигига кенг йўл берилган, советларнинг катта мамлакати бозор иқтисодиёти ва сиёсий эркинликлар томон йирик одимларни отган эди.
Амалда Ўзбекистоннинг бугунги президенти Шавкат Мирзиёев ҳам айнан Михаил Горбачев бошлаган қайта қуриш ва сиёсий плюрализм тўлқинида сиёсатга кирган, Ўзбекистоннинг ўша пайтдаги биринчи мустақил парламенти - Олий Кенгаш таркибида бугун 31 йиллиги нишонланган Ўзбекистоннинг давлат мустақиллигини эълон қилиш жараёнларида иштирок этган.
Албатта, ўтган вақт давомида собиқ мустамлака давлатларнинг кўпчилиги, жумладан, Ўзбекистон совет тузумининг кўпгина меросидан халос бўла олгани йўқ, айрим ҳолларда бу тузумнинг энг ёмон жиҳатларини мерос қилиб олганига ҳам гувоҳ бўлдик.
Горбачёв амалга оширган ислоҳотлар ва унинг сиёсий меросини Вашингтондан собиқ депутат ва журналист Жаҳонгир Муҳаммад билан муҳокама қиламиз.
🔴 t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
Dunyo rahbarlari 91 yoshida olamdan o‘tgan sovet ittifoqining birinchi va oxirgi prezidenti Mixail Gorbachevning o‘limi yuzasidan ta’ziya bildirmoqda, uning siyosiy merosini yodga olmoqda.
Ammo aynan Gorbachev davrida bugun O‘zbekistonda urf bo‘lgan islohot so‘zi birinchi marta baralla aytilgan, so‘z, matbuot va din erkinligiga keng yo‘l berilgan, sovetlarning katta mamlakati bozor iqtisodiyoti va siyosiy erkinliklar tomon yirik odimlarni otgan edi.
Amalda O‘zbekistonning bugungi prezidenti Chavkat Mirziyoyev ham aynan Mixail Gorbachev boshlagan qayta qurish va siyosiy plyuralizm to‘lqinida siyosatga kirgan, O‘zbekistonning o‘sha paytdagi birinchi mustaqil parlamenti - Oliy Kengash tarkibida bugun 31 yilligi nishonlangan O‘zbekistonning davlat mustaqilligini e’lon qilish jarayonlarida ishtirok etgan.
Albatta, o‘tgan vaqt davomida sobiq mustamlaka davlatlarning ko‘pchiligi, jumladan, O‘zbekiston sovet tuzumining ko‘pgina merosidan xalos bo‘la olgani yo‘q, ayrim hollarda bu tuzumning eng yomon jihatlarini meros qilib olganiga ham guvoh bo‘ldik.
Gorbachyov amalga oshirgan islohotlar va uning siyosiy merosini Vashingtondan sobiq deputat va jurnalist Jahongir Muhammad bilan muhokama qilamiz.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#ozodlik #uzbekistan #mikhailgorbachev #mirziyoyev