Рет қаралды 19,746
StarTalk|蕭正楠再遇麥浚龍不尷尬 重提引退「口出狂言」與人無關
音樂人伍仲衡(Harry)早前宣佈將於2023年1月6號夥拍蕭正楠(Edwin)同區永權(Albert)喺灣仔伊利沙伯體育館舉行音樂會,呢日三子接受TVB娛樂新聞台節目《StarTalk》專訪,與主播許文軒(Edmond)暢談私交甚篤
伍仲衡笑稱係新晉中年男子組合HEA,區永權與蕭正楠閒時一齊Jam歌,即興創造「一筆區蕭」男子組合,後來再加埋音樂人伍仲衡,自封為「伍BUD區蕭」,後來佢哋覺得型嘅男團係英文名,最尾由區永權取三人嘅英文名首個字變成「HEA」,伍仲衡覺得人生要有突破,試吓變組合,到時喺舞台上有意大跳勁舞。
蕭正楠適逢出道20年,今次再喺伊館舉行音樂會,佢覺得意義重大,皆因蕭正楠在2001年喺伊館參加歌唱比賽而入行,佢好希望於音樂會上獻唱新歌,回饋歌迷變埋影迷,不斷支持及鼓勵,用歌聲「重遇」啲fans,蕭正楠坦言:「呢廿年嚟我出去登台好少唱自己啲歌,唔知係陰影定係啲咩,有少少抗拒,後尾知道好多fans都好想聽,我好似每次大時大節先唱自己啲歌。」今次蕭正楠準備嘅新歌由伍仲衡操刀,暫時未錄音。
蕭正楠大談引退樂壇原因,指2002年做樂壇新人,當時新人鬥得好厲害,成為媒體焦點,整個人感覺飄飄然,蕭正楠贏得《2002年度十大勁歌金曲》最受歡迎男新人金獎,喺慶功宴上,蕭正楠被指口出狂言講「邪不能勝正」,蕭正楠表示:「呢句嘢係同任何人無關,我都唔再追究點解會飄咗出嚟,變咗我講緊另一個歌手,又或者批評緊佢,但係呢件事對我事業係好直接影響,令我好快絕跡喺樂壇。」蕭正楠冇話好後悔,有感嗰時無論點解釋都係多餘,亦覺得當時堅持繼續唱歌,可能更早離開呢個圈,後來蕭正楠亦好開心入TVB拍劇,拍《師奶MADAM》又遇到黃翠如。
伍仲衡提議今次請對方做嘉賓,蕭正楠稱再次與麥浚龍同場唔會尷尬,那年大家所屬不同唱片公司,蕭正楠都欣賞對方保持初心,堅持用心去造音樂,佢亦有聽麥浚龍呢幾年嘅作品,蕭正楠直言:「若果邀請佢,而佢又答應,呢件事係值得高興。」
#伍仲衡 #區永權 #蕭正楠 #邪不能勝正
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0