Рет қаралды 72,923
Tata Intra V10 vs Supro Mini Truck Vx इंट्रा V 10 vs सुप्रो मिनी ट्रक VX Review
Definitive comparison and purchase advice between Tata Intra V 10 and Supro Mini Truck Vx
This include explanation of Features, Engine, Gearbox, Suspension, Cabin Comfort, Chassis, Wheels, Load Body etc.
1.1 Shuruwaat karte hain sabse mahatwapoorn mudde-se jo hain Mileage:
Supro ka engine Intra-se takreeban sau-cc bada hain. Uski power Inra se teen-chaar hp jyada hain. Lekin Mahindra ne apna engine vikasit karte waqt ek mahatwapoorn mudde pe khaas dhyaan diya hain - jo hain low-end torque - yane ke low r.p.m. pe milne wala pick-up. Toh doston sirf peak-torque dekh-kar gaadi ke pick-up ka andaza kabhi mat lagana. Torque kis mlr.p.m. pe mil raha hain ye dekhna usse bhi jyada zaroori hota hain. Ab yahan par aap dekh sakte hain, ke Supro Maxi sola-sau rpm se apna peak torque deti hain, aur teen-hazaar r.p.m. tak deti rehti hain, iske viparit, Intra kewal satra-sau-pachaas-se dhai hazaar r.p.m. tak apna peak torque deti hain. Yane ke Supro maxi mein chauda-sau rpm ki chaudi range-pe aap ko flat torque milta hain. Lekin Intra ka flat-torque kewal saat-sau-pachaas rpm ki range mein milta hain. Iske kaaran Supro mein Intra se lamba gearing istemaal karna mumkin ho gaya hain. Yane ke uska Rear-axle-ratio Intra se kam rakha gaya hain. Seedhe bhaasha mein baat ki jaay, toh saath kph ki raftaar pe aap ne dono gaadiyon ka rpm dekha, toh aap ko saaf-saaf dikh jayega, ke Supro maxi ka engine Intra se dheeme rpm pe ghoom raha hain. Aur jiska engine dheeme r.p.m. pe ghoomta hain, wohi gaadi hamesha behtar mileage deti hain. Aur ye baat aap ko utpadakon ke websites pe bhi saaf-saaf dikhai degi.
1.4 Lekin ye toh ho gayi rated load ki baat. Vaastav mein jab ye dono gaadiyan overload ke saath chalti hain, tab Supro Maxi, Intra V10 se, lagbhag do-teen kpl behtar mileage deti hain. Iska nateeja, Supro ka, mahine-bhar-ka, diesel-ka-kharcha, Intra V10-se, chaar-paanch hazaar rupay kam hoga. Matlab Supro Maxi mein aap ko behtar munafa milega, ye baat kabhi mat bhoolna dosto. Lekin yahan par baat khatam nahi hoti doston. Low-end torque ka ek aur bada faayda hota hain, chaliye dekhte hain wo kya hain...
2. Productivity yane ke turnaround-time:
Kaunsi gaadi kitni-jyada, aur kitna-jaldi maal le kar jaa sakati hai, ye depend karta hai ki gaadi ka Torque kitna hai, pickup aur gradeability kaisi hai, wheels aur tyres kitne bade hain, chassis aur suspension kitne majboot hain aise kai-saare pehelu pe. In mein se engine-se-jude pehelu mein toh Supro maxi, Intra-se saaf-saaf behtar hain. Oopar se low-end torque aur lamba gearing hone ke kaaran, usmein Intra ki tarah baar-baar gear-badalne ki jaroorat bhi nahin padti. Lekin sirf engine pe baat khatam nahi hoti. Supro ka ground clearance bhi Intra se ikkis-milimetre jyada hain. Iss wajah se oonche speed-breaker aur gehre gaddhon mein Supro ke underbody-ghisne ki sambhavana, Intra se kaafi kam rehti hain. Rahi baat tyres ki, toh yahan par bhi Mahindra ne market ki jarooraton ko bilkul sahi samjha hain. Kyonki teen ton GVW tak ek-sau-pachpann mm width kaafi hoti hain. Intra ke tyre usse thode se chaude hone ke kaaran uske mileage pe thoda-bahut asar pada hain. Aur toh aur, jab aap in dono gaadiyon ke tyre badalne jaoge tab aap ko Supro Maxi ke tyres, lagbhag paanch hazaar rupay saste padenge, ye baar jaroor yaad rakhna dosto
3. Load Body yane ke Cargo Box:
Supro maxi aur Intra V10 ki load body ka aakar lagbhag ek jaisa hi hain - lambai mein sirf aadhe inch ka fark hain aur chaudai mein dhai inch ka. Supro ke cargo-box ki lambai hain aath-foot-teen-inch aur chaudai hain paanch-foot-ek-inch. Lekin ek baat pe gaur farmayiye doston. Jab aap kamjor engine waali Ace Gold ke bajay, chaalis horsepower se jyada taakat waali gaadi khareedne ki soch rahe ho, matlab aap bhaari maal dhowne ke liye gaadi dhoond rahe aur tez pick-up waali gaadi dhoond rahe ho. In dono pehelu mein Supro Maxi, Intra V10 se saaf saaf behtar hain. Agar apka under-load application hain, jahan maal ka aakar bada hota hain lekin wajan sirf ek ton, toh aap Jeeto-plus ya Supro mini jaisi gaadi ke baare mein soch rahe hote. Unke baare mein bhi hum ne kuch dilchasp videos banaye hue hain, jinki link iss video ke neeche sthit description box mein maujood hain...
4. Cabin aur Comfort.
Supro ko dekh kar ab Tata ne bhi Intra mein halka-sa forward-cab design kiya hain - jisse safety ke taur pe ek-chota-sa-crumple-zone milta hain. Cabin-ki baat ki jaaye, toh Supro Maxi aur Intra ki chaudayi bilkul ek-samaan hain, isliye dono ke andar ek-jaisi shoulder-room milti hain. Dono gaadiyon mein Power Steering aur AC maujood hain aur Passenger seat ke aage lockable glovebox diya hua hain.