يعطيك العافية ، انا توي بايع اف جي ومشتري سيارة كورية كيا سورينتو وانا راعي خطوط دوامات ومعي عيالي الله يحفظنا واياكم وعسى الله يجيب النقل لنا ولكل مغترب ويتردد، لكن في اشياء ماعرفته الا يوم شريت الموتر ولازم اي شخص معه سيارة صغيرة ديزل يعرفها مثل Adblue تعبى تقريباً مع الزيت كل ١٠ الف كيلو وفيه عداد موجود بشاشة الطبلون لاتهمله عبه قبل تولع لمبته ويتغير نظام الكمبيوتر و لازم تحرص على السوائل علشان يعيش معك من ديزل من زيت مكينه و قير وعندك فلتر الهواء وفلتر الديزل و فلتر الزيت لهن تغييرات بوقتهن علشان مايثر عليك مهب مثل البنزين حبيب لو تركته فتره معينه ماضرك حمانا الله واياكم وجزاكم الله خيراً

هاذي المقارنة اللي تجمد على الشارب ❤. الله يجعله أردى ما تركب ويبارك لك في حلالك ومالك. مجهود تشكر عليه

انت تدري انك قد ايش تعبت على تجميع المعلومات هذي وترتيبها بهذا الشمل يشيخه اول مره اشوف مقطع لك لاكن ما اقول الا الله يوفقك ويعطيك فوق ما تتمنى

شكرا للجهد و التطبيق العملي ،، انت شخص رائع

الف شكرا اخي فهد على مجهودك وتوضيحك للناس اتمنى ان ينخفض اسعار الوقود او تثبت لا ترتفع 😊

المسألة مهيب صرفية فقط المسألة الديزل يمشيك مسافة اكثر وعزم اقوى فيصلح للرحلات والمسافات الطويلة. انا رأيي خذ ديزل ولكن ما يكون سيارتك الأساسية حق رحلات وكرف والسيارة الأساسية في البايكة للمناسبات والسفريات العائلية

ياخي تكفى ياحبيبي افيدني انا انسان احب القير العادي تمام تمام وخاطري في ال mux ايسوزو بس مايجي منه قير عادي فمالي الا الدي ماكس بالنسبة للراحة مايهم اقدر اخفظ من المطامر بنسبة كبيرة ف ايش رايك انت استخدامي شتويه للبر وصيفية استخدام يومي ومن سكان الرياض افيدني يالامير ذبحني التفكير 🥹💔

الله يجزاك خير وبارك الله فيك مقطع وعمل فيها فائدة تشكر عليه 🌹

انا شريت ديزل واعبيها ٣ مرات ب٢٦٠ ريال كل شهر وتمشيني ٣٠٠٠ كيلو، وكان عندي قبلها النترا اعبيها ب١٠٠ ريال كل ٥ أيام يعني في الشهر تقريبا ٦٠٠ ريال، فأكيد نهاية السنه راح تفرق

تبارك الرحمن الله يجزاك بالخير ويبارك لك في الحال والمال

ماشاءالله تبارك الله لا هنت على المقطع وش رايك باللي يقول ان الديزل يحتاج اهتمام ورعايه اكثر من البنزين خصوصا ان معها تيربو

اذا تمشي في السنه فوق ال30 الف خذ ديزل لكن اذا ماتتجاوز 20 الف البنزين افضل ولاتنسى انت طلعت الفرق بين تعبية البنزين والديزل لكن نسيت انك دافع فرق السعر بين سيارة الديزل والبنزين اقل شيء 20 الف هذا غير الفلاتر والزيت تكون منتظم في تغييرها بعكس سيارة البنزين هذا غير مهندسين الصيانه لسيارات الديزل نادراً ماتحصل واحد فاهم فيها وفوق هذا كله عمرها قصير بعد ثلاث سنوات تحصلها معدومه وصوتها تسمعه من اول الشارع وماتمشي معك 130السرعه

فعلا انا استخدم ديزل والحمدلله أفضل بكثير واقتصاد

سيارات الديزل وارد المملكة كلها سيارات كبيرة هيلوكسات وجيوب ومتعبة،السيارات الحلوة الهيونداي الديزل النترا وتوسان وغيرها بصراحة سيارات مريحة وحق خطوط لكن يعيبها قطع غيارها النادرة..

كيف الصرفيه عقب التسعيرة الجديدة

ما شاء الله تبارك الرحمن على مجهودك افدتنا جزاك الله خير، وبالنسبه لسيارات الديزل وش افضلهم الهيلوكس ولا الددسن ولا سوزوكي او متسبيشي وكيف الصيانه معك

احصائية ممتازة، لكن سيارات الديزل تبي واحد سواق متزن ولا يجور عليها مثل محركات البنزين، كما انها تحتاج غيار زيت دوري ولا تمشي عليها كثير، ومثل ماقلت الاهتمام بالفلاتر.. مجرد تولع لمبه الفلتر فورا تبدلها. والتسخين بالبرد اقل شيء 7 دقائق وخاصة شمال المملكة لأنه خطر يشرم البلف اذا مشيت وهي بارده. والله يحفظ الجميع

الله يعطيك العافيه

أعتقد سعر الديزل بيكون مثل أو أعلى من سعر البنزين عام 2025 حسب الجدول الزمني لتحرير أسعار الوقود في المملكة .

هايلوكس قير عادي البنزين منه اللتر يمشي ١٠.٢ كيلو و الديزل ١٥،٥ هذا لوحده كافي لشراء الديزل

بيض الله وجهك على هالمقطع اللي افادنا كثير وفعلاً سيارة الديزل تفرق عن سيارة البنزين مع بعيد المدى لكن السؤال يالغالي هل الشاص الغمارة اذا صار ديزل ماينفع للنفود وياليت يكون الرد على هالكلام بمقطع فيديو لاهنت

طبعا الفرق نقص بعد زيادة اسعار الديزل

البلا مو هنا . البلا الديزل عندنا مضروب للأسف

اي مكينة ؟؟؟

ولكن لفت انتباهي ٦٠ لتر ما مشاك الا ٥٠٠ كيلو مستحيل اتوقع ٦٠ لتر يمشيك ما يقل عن ٨٠٠ كيلو في اسوء الظروف

يرجال توفير البنزيم الي بتطلعه من الديزل بعد ٥ سنوات معاك موتر ثاني من سعر الديزل وبخصوص الي يقول الديزل صيانه تراه اقل قطع من البنزيم و عن الجوده ولي يقول تعبان الديزل شوف الوري شغال للحين ويمشي من ١٩٨٥ الديزل افضل اقل قطع استهلاك اقل والي يقول محد يعرف للديزل يرجال سلامات عندك الوكاله وعندك في مهندسين بس دور وتحصل

هذا قبل مايرتفع صح ؟

الديزل اللتر 1.15

طيب كيف صيانتها

346 اعبيها اسبوعياً لسيارتي معاناه والله وتمشي بس550كيلو