(गझलकार मसूद पटेल यांचे दोन शब्द )
नमस्कार,
"तू गेल्यावर " या रचने बद्दल थोडी माहिती सांगतो जी गझल या काव्य विधेची किमया आणि महती विषद करणारी आहे. ही रचना जेव्हा मी सर्व प्रथम पोस्ट केली होती , त्या वेळी नागपूरच्या प्रख्यात साहित्यिक विजयाताई मारोतकर यांच्या पतीचे नुकतेच निधन झाले होते. त्यांनी मला फोन करून सांगितले होते की "ह्या गझलेत अगदी माझ्या मनातील भावना व्यक्त झाल्या आहेत ". दुसरा फोन गझलकार नजीम खान यांनी केला होता . त्यांच्या आईचे नुकतेच निधन झाले होते . त्यांना यात आई बद्दल च्या भावना व्यक्त केल्या बाबतचा भास झाला होता. अजून एका मित्राचा फोन आला होता , तो म्हणाला , माझ्या मुलीचे नुकतेच लग्न झाले असून मला ही रचना वाचून माझ्या मुलीच्या आठवणी जाग्या झाल्या आहेत.
सांगायचे तात्पर्य हेच की गझल या काव्य विधेला किती कंगोरे असू शकतात याची आपण कल्पना करू शकत नाही.
धन्यवाद.
(मसूद पटेल )
तू गेल्यावर
भकास झाले हसरे अंगण तू गेल्यावर
किती पोरके झाले जीवन तू गेल्यावर
हळू हळू मग पसार झाले मोसम सारे
नयनी उरला नुसता श्रावण तू गेल्यावर
पाठ फिरवली चंद्राने अन् रुसले तारे
सूर्यानेही दिले न दर्शन तू गेल्यावर
काळाचीही गती अचानक शिथील झाली
युगा सारखे झाले हे क्षण तू गेल्यावर
परस बागची झाडे सारी हिरमुसली अन्
पक्ष्यांचीही सरली गुंजन तू गेल्यावर
मुकी उदासी पसरुन असते घरभर आता
जणू घराचे सरले घरपण तू गेल्यावर
भूत काळच्या गाठोड्यातुन वेचत बसतो
तुझ्या सवेचे ते हळवे क्षण तू गेल्यावर
(मसूद पटेल )
पुणे
------------------------------------------------------------------------------------------------------
------------------------------------------------------------------------------------------------------
e marathi gazal suresh bhat gazal gajal mp3 marathi gazal marathi gazals love poem in marathi marathi poem मराठी कविता marathi kavita
-------------------------------------------------------------------------------------------------------
-------------------------------------------------------------------------------------------------------
Visit us at- www.gazalmitra.com
subscribe us : - / @gazalmitra
Email us :- gazalmitra@gmail.com
twitter :- / gazalmitra
facebook:- / gazalmitra #gazalmitra