今年踏入18歲的炎明熹，有着比同齡的年輕人更淡定的氣場，她將於10月舉行人生第一個個人演唱會，也剛於理工大學展開大學生生涯的。
「唱歌係我一直以嚟嘅夢想，可以擁有一個專屬於自己嘅舞台，對我嚟講原本係一件遙不可及嘅事，但係𠵱家喺我18歲呢一年，就可以實現到，係一個好難得嘅機會，俾我同粉絲分享一個特別嘅時刻。」
追夢無分年齡，不論是18歲還是80歲，有心便事成。
貼地手袋大搜查
雖然有指炎明熹入行以來，已吸金500萬，但不論是跟好姊妹遊台灣，還是她的貼身手袋，也是十分貼地。
她攜着麻質的貼身手袋笑言：「我仲有個背囊，不過通常都係返學用，呢個袋細細個，但載晒我需要用嘅嘢。」
麻雀雖小，但內裏已有炎明熹生活的必需品，「我要用嘅消毒噴霧、泡泡，仲有備用嘅口罩、Hand cream，我唔帶化妝品㗎，如果做嘢就有化妝師，平時返學我都唔化妝嘅，所以唔使帶化妝品。」
手袋內還有數個小袋子，炎明熹拿起其中一個索帶小布袋稱：「呢個係平安符、太歲符，係媽咪俾我嘅，我都會跟身。」
拉開另一個狀似筆袋的紅色小袋，是便攜裝的麥蘆卡蜂蜜和喉糖，「參加《星夢傳奇》嘅時候，有一次我喉嚨唔舒服，Gin Lee老師就推介我食呢隻蜂蜜，真係即刻好咗好多！而喉糖嘅質感帶咁黏，所以我就兩樣都帶晒。」
$357.50的秘密
貼身的物品，除精神上的保平安、實際上的紓緩喉嚨痛，最切合生活的，非Money莫屬。
拉開有充足的生活痕跡、少許毛茸茸的貓貓頭銀包，一束現金、數個硬幣、一些證件，還有最搶眼的利是，全部「安坐」在內。炎明熹攤開那束現金，點算那些硬幣，「原來有$357.50，哈哈！」
問她可認為傍身的現金太少，接着其現任助手兼好姊妹（是的，就是前頁有份參與台灣之旅的其中一人）就說：「今朝撳咗錢咋，唔係都唔會有咁多！」
炎明熹聽罷，即展示尷尬而不失禮貌的笑容，「𠵱家我手機有八達通，都係秀秀（好姊妹）幫我裝。況且，有緊急情況嘅話，我仲有我嘅應急利是！」
她隨即拿出銀包內的利是，問她利是內有多少「應急錢」，她稱：「到緊急嘅時候，我就會知嘞！」
假若內裏只是做人錦囊，就不帶即時實際效益，原本堅持得到緊急時才拆利是的炎明熹，動搖了。拆開利是，證實為兩大張10元人民幣⋯⋯真的能應急？
「哈哈！我諗要換過嘞，我記得之前都有幾百蚊港幣㗎！」
故事告訴你，要充分掌握貼身物品；應急也要本錢，太大安旨意，會出事！