Таразда көшесінің тек құжат бойынша асфальт төселгенін білген ел ашуға мінді. Бөлінген 10 миллион қаржы кімнің қалтасына кеткенін білу мақсатында әкімдікке сұрау салған. Сөйтсе, жол салуы тиіс мердігер ақшаны алып, жұмысты аяқтамай кетіп қалған. Ал қала билігі қазір қалтаға кеткен қаржыны қайтарудың әрекетін жасап жатыр екен.
Белуардан балшық кешкен бұқара жібі түзу жол сұрап әкімдікке бармай ма? Мәссағанның көкесін сонда естіпті. Сұрай келе бұл көшенің бес жылдан бері тақтайдай тегіс деген жауап алыпты.
ТАҢЖАРЫҚ ТОЙБАЕВ, Тараз қаласының тұрғыны:
- Документ ашылып жатыр, өзім көзіммен көрдім. 2-пер Песчанная асфальт дейді. + Қалай сенесің сонда. Акимат сондай әңгіме істеп отырса, басқа халық не істемейді?
Басқа емес әкімдіктің әмиянын өз қалтасымен шатастырған кім? Бюджет қаржысына бас ауыртпаған биліктің бұл әрекеті қалай? Судың да сұрауы бар деген ел осы сынды сан мың сұрау салып арызды қарша бораттық дейді. Әу баста жұртты жұбатқандай болып қиыршық тас төсеп, тұяқ серпер тірлік көрінгендей болған. Кейін ол да жалғаспай жолда қалды дейді.
ЖОЛДЫҚҰЛ ҚЫРЫҚБАЙ, Тараз қаласының тұрғыны:
- Солай, яғни екі жыл бұрын бір жаққа кетіп қалды ғой ақша. 2020 да жаздым, 2021 де болады, қазір қаражат бөлінеді деді. 2021 де жаздым 22-де болады...
ТАҢЖАРЫҚ ТОЙБАЕВ, Тараз қаласының тұрғыны:
- Қара халықтың бәрі жазып жатыр, пайда жоқ одан . Білмеймін бұл жаққа қашан үкімет орналады өзі. Бір кішкене сауатты жақсы бір әкім келе ме келмей ме өзі Тараз қаласына.
Жауаптылар бұл көшеге бюджет бүйірінен ақша әлдеқашан бөлінгенін растады. Бірақ сеніп тапсырған компаниясы істі созбалаңға салып жіберген. Бас аяғы 3,5 шақырым жолдың бес жылдан бері жыры бітпеуінің басты себебі осы екен. Тегін емес тендр алған компаниядан берген ақшасын алудың амалын жасадық деді.
МАҚСАТ НҰРЖАНОВ, Тараз қалалық ТҮКШ бөлімі басшысының міндетін атқарушы:
- Негізі бұл екі жыл бұрын басталу керек еді. "Жандос ИК" мердігердің тарапынан жұмысты жөндеп істемеген соң, договорды біз бұздық. Сотқа бергенбіз қаржы енді қайтарылды. 10 миллионның төңірегінде етін. Биыл да соны конкурсқа қайтадан беріп, жұмыстар қайта басталады.
Әкімдіктің өзін әлекке салған көшені жөндеу әне-міні басталады деп сендіреді жауаптылар. Ал алданып келген тұрғындар берген ақшасына бақылауды босатып қойған әкімге сенім қалмады дейді. Сондықтан көшелері лай батпақ өзге елге, өздеріндей барып тексеріп тұруға кеңес береді. Аузы күйген үрлеп ішеді дейді олар.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#СапасызЖол #Тараз