Рет қаралды 78,607
Алматы облысы Іле ауданына қарасты Мерей саяжайында алтыншы сынып оқушысы жоғалып кетіп, оны түнімен 200 адам іздепті. Кейін бала табылып, өзін сынып жетекшісі мен тәрбие ісі жөніндегі қызметкер қорқытты деп жылапты. Үйден қашып кеткендігін де осылай түсіндірген екен.
Мектепке зар болдық деген Мерей ауылының тұрғындары кешегі түнін ұйқысыз өткізіпті. Өйткені көрші ауылдағы мектепке қатынап оқитын оқушысы жоғалып кетіп, шарқ ұрып іздепті. Өз аулымызда мектеп болмағасын, оқушымыз өстіп сенделіп кетеді деп отыр.
Ал жоғалған баланың анасы №48 орта мектептің ұстаздары келіп баламды қорқытып кеткен дейді.
САҒЫНБАЕВА ҰЛЖАМАЛ, оқушының анасы:
- Сол халық болмағанда біз баламыздан айрылап қалар ма едік? Баламыз жоқ, еще шошып қалған баламыз қорқып қалған. Сол тәрбие завучына ескерту беруіңізді сұраймын. Апайы айтты біз шамалы қорқытып қойып едік дейді. Оны завуч мойындамады.
АСЫЛБЕК ӘБУБӘКІРҰЛЫ, оқушы:
- Полиция келеді дегенге мен қорқып үйден кетіп қалдым. Түнімен ұйықтамадым, ана жақта бір ауыл бар екен соның ішінде бір цемент бар екен соның ішінде отырдым.
Ал ұстаздардың айтуынша Асылбек онлайн оқуға қатыспағалы бір апта болыпты. Кейде телефоны жоқ, кейде көшеде ойнап жүріп қалады дейді. Оның үстіне баланың ата-анасына қаңтар айында да оқу үлгерімі үшін ескерту жасалыпты.
НҰРПИЯ ӘБДРАМАНОВА, директордың тәрбие ісі жөніндегі орынбасары:
- Менің кінәм жаңағы қаттырақ айтқаным шығар, менің кінәм жаңағы ата-анасына ескертпей барғанымыз шығар. Мен соны мойындаймын. Учасковыйды айтқаным мен оны ескертіп айтқанмын, өйткені ол учасковыйдың алдында болған.
Асылбек психологтардың айтуынша өте тұйық оқушы. Ішіндегісін айта бермейді дейді. Ал мектеп тәртібі бойынша онлайн оқуға себепсіз қатыспаған баланың ата-анасымен жеке түсіндірме жұмысы жүріп, арнайы тізімге де енуі мүмкін екен.
ГҮЛСАЯ ӘБІЛМӘЖІҚЫЗЫ, №48 орта мектептің директоры:
- Мұғалім ғана емеспіз, бір орган емеспіз ешкімді қорқытпаймыз, үркітпейміз. Себебі ата-анаменен бірге бізде ана ретінде, әке ретінде балаға қамқорлық жасаймыз, енді баламен психологиялық жұмыс жасаймыз.
Ұстаздар қорқытқан соң үйден қашып кеттім деген оқушы осы №48 орта мектепте оқиды екен. Ата- анасының айтуынша бұрын үйден қашпаған. Ал аталмыш оқу орнының директоры бұл жерде кінә екі жақтан да бар деп отыр. Сондай-ақ тиісті жазаны тек заң өкілдері қабылдайды дейді.
.
.
.
.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#жоғалған_оқушы #мектеп #онлайн_оқу