Рет қаралды 125,677
#陶大宇,曾經是電視台的師奶殺手,以為事業高峯已過,怎估到演戲出身的他,卻憑《#倒轉地球》的魔音唱腔和水撥台風,再創第二次高峯。
由師奶殺手變網紅,陶大宇這天接受《娛壹》專訪,58歲的他臉上有歲月的洗禮,因為愛做運動,身型保持不錯。以為他翻紅後會抓緊搵錢機會,原來跑慣江湖的他,堅持「做人要有底線」,拒絕了大陸客戶要求,在食肆陪老闆食飯唱《倒轉地球》,「我覺得喺餐廳裏面唱首歌,都唔夾嘅,我收錢都收得唔舒服,我推咗。」
1983年無綫第12期藝員訓練班畢業的陶大宇,代表作有《大時代》、《壹號皇庭》系列、《刑事偵緝檔案》系列,雖然未曾獲TVB頒視帝,但曾在1996及1997年蟬聯兩屆由《壹週刊》主辦的壹電視大獎十大電視藝人冠軍。
在娛樂圈打滾近40年,人生歷經千錘百鍊,憑魔音帶給人歡樂的陶大宇,他內心都珍藏了一本「快樂字典」:
「如果真係有個老闆請我唱歌,如果我真係唱到咁樣,大佬,晨早炒我魷魚啦!」
「如果我真係人歌分離,你咁樣笑我,我會好hurt。」
「我嘅低潮好短暫,我都要多謝自己嘅個性,好快會忘記唔開心嘅嘢。」
「因為TVB加人工達唔到我要求,嗰時我離開鬧到好多不愉快,但諗返轉頭,唔需要搞到咁樣,走咪走囉!」
「我好講feel,角色好似唔係我杯茶,我推過幾次。」
「我都有喺Viu拍過嘢,完全係兩個唔同風格嘅電視台,觀眾幸福囉!」
「我來來去去做嘅嘢都係同呢行有關,瞇埋眼都識做。」
「我覺得做人最幸福係有得選擇,如果你冇得選擇,明明你唔鍾意做,唔做唔得,你一定會好痛苦。」
「以前有啲劇,我冇得選擇,一定要拍會好痛苦,塊面係笑,但個心喊緊。」
......
請支持訂閱《娛壹》Patreon閱讀全文:
/ 61535854
場地:Pier 1929
#師奶殺手 #大時代 #壹號皇庭 #刑事偵緝檔案 #TVB #無綫電視劇 #娛壹
-------------------------------------
即刻跟住Follow 晒我哋Channel:
FB: as1hk.ent...
IG: / as1.entertainment
YT: / @as1.entertainment