Рет қаралды 59,815
Қаланың ескі бөлігінде орналасқан Яншин көшесіндегі 22-үйдің тұрғындары жеке кәсіпкердің кесірінен жапа шегіп отырмыз,-дейді. 5 қабатты үйде 20 отбасы өмір сүріп жатыр. Әрқайсысының үйінде 2-3 баладан бар. Тұрғындардың айтуынша, үйдің іші үнемі ылғал тартып тұрады. Әсіресе сәуір, мамыр айларында тыныстай алмай қалдық, қазір жаз , есік-тереземіз ашық болғасын білінбейді,-дейді тұрғындар. Бұл үй қолданысқа 2016 жылы берілген. Мұнда 4-5 бөлмелі 20 пәтер бар. Өмір бойы тірнектеп жиған ақшамызға сатып алған баспанамызда тұру мүмкін емес,-дейді тұрғындар. Оған үйдің жертөлесінен ашылған "Сауна" себеп. Тұрғындар дүкен, шаштараз, дәріхана сынды нысандар ашылса құба-құп,-деп отыр. Алайда жезөкшелер жиналатын саунаның жұмыс істеуіне түбегейлі қарсы. Үйдің жертөлесін жеке кәсіпкер сатып алған. Айтуынша, тиісті құжаттары түгел. Жалпы көлемі 280 шаршы метрден асатын бұл жертөле "Сауна" емес, сауықтыру кешені дейді. Тұс қағазы жапсырылған, жиһаз, бірнеше кереуеті мен джакузиі бар кешеннің әзір жұмыс істеймейтіндігін алға тартты. Осы мәселе бойынша, біз қалалық сәулет және қала құрылысы бөліміне хабарласқан болатынбыз. Ведомоствоның бас маманы Бауыржан Жантөриннің айтуынша, Яншин көшесіндегі 22 үйдің жертөлесін кәсіпкер сатып алған. Құжаттары түгел. Ешқандай заң бұзушылық жоқ.