Рет қаралды 17,365
Түркістан облысында тұрғындар тірілер түгілі өлілерге арналған жерге таласып жатыр. Кершетас ауылының халқы мазаратқа арналып бөлінген жерді әлдекімдердің қоршап алғанына қарсы шықты. Пандемия кезінде қаза болғандардың саны күрт көбейіп ескі бейіт толып кетті дейді тұрғындар. Зират аумағын ұлғайтамыз ба деп жүргенде кәсіп иелері оның маңын түгел қоршап, ақылы демалыс аймағына айналдырып алыпты. Зираттың сырты жынойнақ болып кетті деген бүтін ауыл әкімді ортаға алып, сұрақтың астында алды. Жиылған жұрт өзеннің жағалауы санитарлық қорғау аймағы, сондықтан оны қоршауға ешкімнің қақысы жоқ деп отыр.
Түлкібастың Кершетас ауылының халқы жаз шықса балалары өзенге шомылып, көгіне тана-торпағы жайылатын шұрайлы жерді айнала қоршап тастағандардың әрекетін түсінбейді. Әсіресе мазарат үшін деп белгілеген жердің күл-талқан болғанына ашынады. Онсыз да айнала демалыс орындары, жазға қарай күнде шу дейді. Бұл мазарға жерленген марқұмдарға құрметтің кемдігі емей немене деп отыр.
ДОСМАХАН ОСПАНОВ, Түлкібас ауданының тұрғыны:
- Сонда осы жерді біз бейітке деп алмақшы болғанбыз. Оған решение де алғанбыз. Бірақ сол шешім ұшты-күйлі жоқ. Жоқ болып тұр ғой, қазір әкімшілікке барып айтсаң, біз білмейміз деп шығады. Айтатындары сол.
Халықтың мазарат үшін деген ойы іске аспай, жер ақыры демалыс аймағы үшін бір кәсіп иесіне бұйырыпты. Алайда оның мемлекеттік актісінде бірі он, екіншісі он бір жүздік жер ғана екен. Санитарлық қорғау аймағы сақталмаған, айнала қоршап алып, ақылы аймақ жасаған дейді жұрт.
БАЛАБЕК МҰСАЕВ, Түлкібас ауданының тұрғыны:
- Біз қайта өлшетіп едік. Қаншама жер халықтың жері болып отыр. Ал оған дейін ол ешкімді жібермеген, жібермейді де.
Әкім жерді иеленуші азаматқа шешім шығып, құжаттарын рәсімдеп, мемлекеттік акт алғанын айтады. Алайда жерді пайдаланушының тарапынан заң бұзушылық бар деді. Артық жерді тал өсіру мақсатында уақытша қоршап алыпты. Енді тиесіліден басқа бөлігін бұзуға уәде етті дейді.
САТЫБАЛДЫ ҚАМБАРБЕКОВ, Түлкібас ауданы Келтемашат ауыл әкімі:
- Жаңадан заң шыққан. Отыз бес метрге дейін охраняемая зона болып саналады. Қарасаңыздар көрініп тұр ғой. Шарбақпен қоршап қойған. Ол шарбақтың барлығын алатын болды иесі.
Әкім бірақ халықтың мазарат үшін шешім шығартқанынан хабарсызбын деді. Халықтың қоршаудан өзге, кәсіп иесінің түбегейлі жерді босатсын деген талабы негізсіз. Себебі жерге рұқсат алған азаматтың құжаты заңды. Сондықтан басқа талаптар сот тәртібімен ғана шешіледі деп түсіндірді.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#зират #жер_дауы #Түркістан