Түркістан облысында білім саласының қызметкерлері 2 миллиард теңгеден астам бюджет қаражатын жымқырды деген күдікке ілінді. Олар - Шардара және Сарыағаш аудандық білім бөлімдерінің есепшілері.
Тергеудің дерегінше, күдіктілер соңғы 3 жылда білім саласында жұмыс істемейтін адамдардың есеп шотына жүйелі түрде ақша аударып келген. Сондай-ақ, мұғалімдердің жалақысын көтеру арқылы қазына қаражатын ұрлаған болуы мүмкін. Қазіргі таңда 17 қызметкер қылмыстық жауапкершілікке тартылып, оның төртеуі қамауға алынды. Залалды өтеу мақсатында айыпталушылардың мүлкі тәркіленіп, есепшоттары бұғатталған. Айта кетейік, дәл осындай жемқорлық дерегі осыған дейін Алматы, Шымкент қалалары мен Қызылорда, Ақтөбе, Алматы және Жетісу облысында әшкере болған еді.
АРМАН ТІЛЕУКЕНОВ, ҚР сыбайлас жемқорлыққа қарсы іс-қимыл агенттігінің ресми өкілі:
- Түркістан облысы бойынша антикор Шардара және Сарыағаш аудандарының білім бөлімдерінің бухгалтерлеріне сотқа дейінгі тергеу жүргізіліп жатыр. Қазіргі уақытта залалды өтеу мақсатында 39 жылжымайтын мүлік, 44 автомашина, зергерлік бұйымдар және қылмыстық істер бойынша айыпталушылардың ақшалай қаражаттары бұғатталды.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал