Рет қаралды 2,308
Түркістанда «Болат Өтемұратов» қорының бастамасымен «Jas Leader Akademiiasy» жобасы аясында мұғалімдерді оқыту тренингі басталды. Бағдарламаның басты мақсаты 5 пен 11 сынып оқушылары арасында жастардың көшбасшылық қасиеттерін қолдап, оны ары қарай дамыту дейді ұйымдастырушылар.
Пилоттық жобадағы мектеп ұстаздары жаттықтырушылыққа баулитын аталмыш дәріске риза. Оқу тәсілдері мен жаттығулардан аларымыз көп дейді олар. Мұнда бастысы, еркіндік.
Курс қасаң қағидалардан ада, лекциясы жоқ, есесіне ситуациялық тапсырмалары көп қызық сабақтарға негізделген. Үйренгенімізді оқушыларға жеткізіп, еркін ойлы, көшбасшы жастарды тәрбиелемекпіз дейді курсқа қатысушылар.
НҰРГҮЛ ЖАМАНБАЕВА, дәріске қатысушы ұстаз:
- Маған осы курс өте ұнады және өзімді де қалай еркін сезінуім керек, қалай көшбасшылыққа өзімді алып баруым керек деген өзімнің ішкі сезімдерімді оята білдім деп ойлаймын.
Әзір болашақ жаттықтырушыларды оқыту басталды. Түркістан қаласы мен облыс мектептерінен өзге, Шымкент ұстаздары да курсқа шақырылыпты. 50 мектептен 100 ұстаз. Мұғалімдерден бөлек 15 мың оқушы бірінші болып осы бағдарлама негізінде дәріс алмақ.
КӘМИЛА ЛҰҚПАНОВА, «Болат Өтемұратов» қорының жобалаушы менеджері:
- Осы бағдарлама үшін мұғалімдерге әдістемелік құрал арнайы дайындалды. Қазақ тілінде, Қазақстанда алғаш рет шықты. Бұл ұстаздар үшін де, біздің «Жас лидер Академиясы» бағдарламасы үшін де тың, жаңа дүние. Бұдан өзге 5 пен 11 сыныпты қамтитын үш бағыт пен үш сатылы жас мөлшерін қамтыған жұмысшы дәптерлері де жарық көрді.
«Б.Өтемұратов» қоры эксклюзивті көрнекілік құралдарды мектептерге өткізбек. Кеңселер ашылып, онда еркін пікірталастар өтіп, ары қарай да тәжірибені шыңдау жоспарда бар екен. Алдағы бес жылда бағдарлама аясы кеңейіп, еліміздің жеті облысын қамтиды. Қаржыландыру көлемі 5 миллион АҚШ долларына жетпек.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#JasLeaderAkademiasy #тренинг #ұстаздар