Рет қаралды 116
Sõnad: Rein Järvelill
Muusika: AI
Produktsioon: Kullamäe Productions
TÕÕSÕL PUUL
Rahvas mõtlõs, rahvas ütles määne om su õigõ samm
Kiä om tu õigõ rahvas kelle perrä käümä pia
Õgal mehel, õgal naasel võisi õigus olla tumm
Jättä hinde tiidä vahel määndse ommaq mino viaq
Via võivaq ollaq õigõq
õigõ-võls om sama juun
Õigõ või jalq saiaq võlsist
ku saq saisat tõõsõl puul
Olõt hindäh löüdnü hinde, olõt kimmält õigõl tiil
Kaegui tõisi perrä minnäq, kaotad hinde rohkõmp viil
Vang saa vabast, päses puurist, vabast saa-ii sis timä miil
Vang või ollaq vangih vaba ku tä tund sääl hinnäst nii
Mõttõh olõma piat vaba, mõttõh olõma piat prii
Laskui hinnäst panda vangi, laskuii tõistõl tetäq nii
Via võivaq ollaq õigõq
õigõ-võls om sama juun
Õigõ või jalq saiaq võlsist
ku saq saisat tõõsõl puul
Kost sis löüdäq õigõ mõttõq midä mõtlõma sa piat
Õigõ mõttõq and sul süä, süänt pettä sa ei saaq
Vaba ollaq, vabalt kävvüq olõ-ii kerge antuq meil
Vahel tundus, vabast saieh vällä tõugatuq om meid
Olõ-ii kerge ollaq esi, olõ-ii kerge ollaq prii
Rassõ muutus a noq kergest, selle olõma piat nii
Rassõ või joq ollaq kerge
rassõ-kerge sama juun
Rassõ või jalq saiaq kergest
ku saq saisat tõõsõl puul
Sõna saa sis jalki mõttõst, tulõ süämest sul tuu
Mõttõl mõlkumist om pallo, tulõ hoitaq uma juun