Рет қаралды 38,095
#Kekik #Kəklikotu #Keklikotu
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
Bu bitkini demək olar ki hamı tanıyır. Dadı və qoxusuna görə əksər evlərdə onu çaya və yeməyə qatırlar. Lakin bu bitkinin xalq təbabətində bəzi xəstəliklərin müalicəsində necə istifadə olunduğundan xəbəriniz varmı? Bu gün bir bax kanalında bunu biləcəksiz.
Müasir dövrdə kulinariya otu kimi daha yaxşı tanınsa da, qədimdə onu dərman gücünə görə tanıyırdılar. Aparılmış araşdırmaların nəticələrinə görə, kəklikotu yüksək arterial təzyiqi salır və ürək döyünməsini tənzimləyir. Alimlər kəklikotunu bütün ürək-damar sistemi üçün ən faydalı bitkilərdən biri kimi qiymətləndirir, kəklikotu çayını içməyi tövsiyə edirlər. Lakin təzyiqi aşağı olan insanlarda bu çay təzyiqin daha da aşağı düşməsinə səbəb ola bilər.
Kəklikotu immun sistemi üçün də çox xeyirlidir. Soyuq fəsillərdə kəklikotu çayı soyuqdəymə xəstəliklərinin profilaktikası məqsədi ilə istifadə oluna bilər. Kəklikotu çayı hazırlamaq üçün 1 çay qaşığı quru kəklikotu 1 stəkan qaynar suda 20 dəqiqə ərzində dəmlənilir, süzülür və adi çay kimi içilir. Çaya bal, limon əlavə etmək olar. Soyuqdəymə xəstəliklərinin ilk simptomlarında belə çay çox yaxşı təsir edir, xəstəliyin inkişafını dayandırır.
Qəfil yaranan ağrıların aparılmasında bu otun təsiri böyükdür. Kəklikotunun köməyi ilə spazmla bağlı olan ağrıları - baş ağrısı, bağırsaq spazmını azaltmaq və ya tam yox etmək mümkündür. Kəklikotu qeyd etdiyimiz kimi çay kimi dəmlənilir və içilir.
Kəklikotu güclü antiseptik və antibakterial təsirinə malikdir. Bu səbəbdən kəklikotu dəmləmələri ağız boşluğu iltihabları zamanı qarqara üçün istifadə olunur. 1 xörək qaşığı ot 1 stəkan qaynar suda dəmlənilir, 20 dəqiqədən sonra süzülür və hər 2 saatdan bir qarqara üçün istifadə olunur.
Kəklikotu bəlğəmgətirici xüsusiyyətlərinə malikdir. Kəklikotu respirator xəstəliklər (öskürək, bronxit və s.) zamanı nəfəs yollarında yığılan bəlğəmi durulaşdırır və onun çıxmasını asanlaşdırır. Antiseptik xüsusiyyətlərinə malik olan kəklikotu bağırsaqlarda yaşayan ziyanlı mikroorqanizmləri yox edir, qurdqovucu təsir edir. Həmçinin sistit, nefrit zamanı antiseptik və iltihabəleyhinə təsir edir, təbii sidikqovucu vasitə kimi istifadə olunur.
Kəklikotu həm də "kişi otu" adlandırılır. Sübut olunub ki, bu ot kişilərin cinsiyyət sisteminə müsbət təsir edir, cinsi funksiyasını artırır, prostatitin müalicəsində istifadə olunur.
Kəklikotu və xüsusilə kəklikotu yağı güclü yarasağaldan xüsusiyyətlərinə malikdir. Yanıqlar, xoralar, donvurma zamanı kəklikotu yağının istifadəsi ifadə olunmuş müalicəvi təsir edir. Ekzema, psoriaz kimi dəri xəstəlikləri zamanı kəklikotu ilə müalicəvi vannalar çox yaxşı effekt verir. Bunun üçün 100 qr ot 1 l qaynar suda dəmlənilir, 30 dəqiqədən sonra süzülür və ilıq vannaya əlavə olunur.
Müasir təbiət elminə kəklikotunun 400-ə qədər növü məlumdur. Naxçıvanda bu növlərin 17-si mövcuddur. Maraqlı burasıdır ki, Naxçıvanda, eləcə də Sədərəkdə bitən kəklikotu növləri hansısa meyvənin, çiçəklərin dadını verməklə məşhurdur. Qızılgül, limon ətri verən kəklikotu bu gün də ən sevimli ədvalar kimi Naxçıvan mətbəxində özünəməxsus yer tutur.
Sədərək dağlarında quraqlıq daha çox olduğu üçün burada bitən kəklikotunun özünəməxsus dadı, tamı, ətri var. Meşə ilə zəngin olan və nəmişlik çox olan dağlarda bitən kəklikotu ilə quraqlıq olan dağda bitən kəklikotu arasında fərq çoxdur. Quraq dağlarda kəklikotu daha təravətli olur.
Kəklikotu hamilə qadınlar üçün ziyanlı sayılır. Lakin əmizdirmə zamanı bu otun istifadəsi laktasiyanı gücləndirir. Nəzərinizə çatdıraq ki, kəklikotunun qəbulu bəzi xəstəliklər, pozulmalar və s. zamanı tövsiyə edilmir. Bu səbəbdən bu otu istifadə etdikdən əvvəl mütləq həkimlə məsləhətləşin.