Лоиқ Раҷабов (зод. 17 сентябри 1990, Данғара, Тоҷикистон) - размкори муҳорибаҳои омехта (MMA), дар вазни сабук. Ӯ дар мусобиқаҳои монанди EFC, PFL, GMC ширкат кардааст. Аз соли 2012 ба таври ҳирфаӣ ҳунарнамоӣ мекунад. Айни замон размкори ташкилоти UFC мебошад.
Зиндагинома
Лоиқ Раҷабов 17-уми сентябри соли 1990 дар ноҳияи Данғараи вилояти Хатлон ба дунё омадааст. Соли 1997 ба мактаби деҳаи Булёни болои Данғара ба синфи аввал рафта, синфи 11-ро дар мактаби №77-и шаҳри Душанбе ба итмом расондааст. Маълумот - олӣ, Донишгоҳи техникии Тоҷикистонро дар риштаи муҳандиси роҳи оҳан хатм намудааст.
Оиладор, соҳиби 3 фарзанд.
Роҳ ба UFC
Бинобар даст кашидани Камуела Кирк як ҳафта қабл аз мусобиқа, Лоиқ Раҷабов ҳамчун ивазкунанда пешниҳод шуд. Лоиқ ин дархостро пазируфт, ҳарчанд размкорон ҳарифони худро 2-3 моҳ пеш интихоб мекунанд.
Рақиби ӯ размкори мағлубнопазири аргентинӣ Эстебан Рибовичи 26-сола буд. Набарди онҳо дар доираи мусобиқаи UFC 285 субҳи 5-уми март дар толори "T-Mobile" дар Лас Вегаси Амрико баргузор гардид. Рақобат 3 раунд идома кард ва бо қарори якдилонаи доварон пирӯзӣ ба Лоиқ дода шуд. Лоиқ Раҷабов дар набарди аввал бо 11 партоби муваффақ (takedown) дар таърихи UFC миёни сабуквазнҳо рекорд гузошт.