Рет қаралды 14,304
ပါတက်လို့ခေါ်တဲ့ ဒီကျေးရွာဟာ ရှမ်းပြည်နယ်တောင်ပိုင်း မိုင်းနောင်မြို့နဲ့ မနီးမဝေးမှာ တည်ရှိပါတယ်။
ဆိုင်ကယ်နဲ့သွားရင် မိနစ် ၂၀ ခန့်သာ မောင်းရပြီး လမ်းမကြီးဘေးမှာတင် တည်ရှိပါတယ်။ ဒီရွာမှာ တအာင်း(ပလောင်)လူမျိုးတွေ နေထိုင်ပါတယ်။
အိမ်ခြေ ၈၀ ကျော်ခန့်ရှိတဲ့ ဒီရွာဟာ လှပတဲ့ တောင်တန်းတွေ ဝိုင်းကာရံထားပေမယ့် မူးယစ်ဆေးဝါးဟာ တစ်ရွာလုံးကို ဝါးမျိုထားပါတယ်။ ယောကျာ်းတိုင်းလိုလို မူးယစ်ဆေးသုံးကြပြီး အချို့က မိန်းမတွေပါ သုံးစွဲကြပါတယ်။
ကလေးပေါင်းများစွာ ရှိနေတဲ့ ဒီကျေးရွာမှာ စာသင်ကျောင်းလည်း မရှိပြန်ပါဘူး။ စာသင်ကျောင်းကို လွန်ခဲ့တဲ့ ၃ နှစ်က ဖွင့်ဖို့ ကြိုးစားခဲ့ပေမယ့် လက်နက်ကိုင်အဖွဲ့အစည်းအချို့ရဲ့ ခြိမ်းခြောက်မှုကြောင့် ပြန်ပိတ်လိုက်ရပါတယ်။
မူးယစ်နွံနစ်နေတဲ့ ဒီကျေးရွာထဲရှိ ကလေးပေါင်းများစွာရဲ့ ပညာရေး အနာဂတ်ဟာ မှောင်မဲလျက် ရှိနေပါတယ်။
ဒီအကြောင်းကို ရွှေဖီမြေ သတင်းထောက်မိုင်းအတ္တက ရိုက်ကူးပြီး မိုင်းအနိုင်က တင်ဆက်ထားပါတယ်။
#တည်းဖြတ်- မိုင်းအနိုင်၊ ရွှေဖီမြေ
#မူးယစ်နွံ #ပါတက်ရွာ #ရှမ်းတောင်